Use. 14:5 - Yus Papí: Shuarja̱i̱ Yus Yamaram Chicham Najanamu

⁵ Kame Israernaka Wi sana sanamtikna nútikiakun kuku̱j kuku̱jrana nútikiattajai. Túran Ríwianu naintia ímianu umuchkiachmin kaṉkaprumtikiattajai.

Use. 14:5 Iomraidhean Croise

2 Sam. 23:4

esat tsawa̱a̱kui yuraṉmisha atsamunam etsa̱ jíiniuk tsáapin ajana tura yumi yutuk naṉkaamas tsáapin ajas nuṉkaya̱ nupa̱n tsapamtikna núnisaiti’ tawai.

2 Akup. 19:30

Tura Jutá shuari̱ juákaru pujuinia nuka áraka áintsar wakenmaani̱ kaṉkaprurartatui. Túrawar yakini̱ nerekartatui.

YKan. 133:3

Tura ni shiir pujuiniamuka Irmun náintian sana ukatuk Seúnnumia̱ náintian jámainiana núnisaiti. Warí, Jiuwaka péṉker yumiṉkian nui̱ akupeawai tura tuke iwiaaku pujustinniasha súawai.

YKan. 72:16

Nuṉká pakari̱ncha murarí̱ncha árak núkap atí. Kame Ríwianu nuṉkanam árak tsapana tímiatrus pampaṉkartatui.

YKan. 72:6

Kame nupa̱ kuarman yumi yútak ju̱yu̱í̱ ajak wárik tsapamtikia nútikias nisha shuaran péṉker yaiṉkiartatui.

YKan. 80:9

Nuyá̱ nupa̱a̱ri̱sha ipianturmame túram kaṉkapé̱sha achimiar nuṉká piakmai.

YKan. 92:12

Yusan enentáimtinkia tintiukia núnis kuku̱jruktatui. Tura Ríwianunmaya̱ sétur numia núnis esaram yakí̱ tsakartatui.

YKan. 92:13

Nu shuar Jiuwá Je̱e̱n arakma ártatui. Ii Yusri̱ Je̱e̱ á̱a̱ri̱n kuku̱jrukartatui.

Neka. 19:12

Uunt akupniu kajetáiri̱ṉkia úunt ya̱wa̱ kajeana ántsaiti tura ni waitnenkartutairi̱ṉkia sana nupa̱n ukatna núnisaiti.

Anen. 2:16

Winia aneamurka wíniaiti tura wisha níniuitjiai. Ririu kuku̱ji ainia nui̱ niṉkia murikrí̱n ayurainiawai.

Anen. 4:5

Ame mái̱ muntsuchirmeka japa uchich jímiampramua núniniaiti. Ririu kuku̱j irunmanum matsatainiawai.

Isa. 12:1

Nu tsawantai̱kia chichaakum “Uunt Yusru, wikia ámin yumiṉsajme. Warí winia kajertukuitiatmek tsaṉkurturuitme tura atsaṉturume.

Isa. 18:4

Warí Jiuwá chichartak jú̱nis turutmiai “Winia pujutái̱rui̱ tee ajasa ekemsam yumi yutuk naṉkamasmatai etsa̱ páantin ajas tura árak juutai̱ tsawantin séeji̱k ajamunam yuraṉkim utsanar sanamamtikna núnisan iimiá pujuttajai.”

Isa. 26:19

Áminiu jákaru ainia nuka ataksha iwiaaku ajasártatui. Maa nuṉká matsatrumna nútirmeka shintiarum kantamátarum. Maa Wí shuar árumna nútirmeka Ame pujutái̱rmin waya̱ta. Winia kajetair naṉkaamam ú̱mkatarum. Yajauchiri̱n asutiáwartaj tusa pujutái̱ri̱ya̱ Uunt Yus jiiniui. Núṉkaka maamu ainia nuna numpe̱n tura aya̱shi̱ncha peṉké ú̱kchattawai.

Isa. 27:6

Israer shuar ukunmaṉka kaṉkaprurtatui túruna ni nere̱ja̱i̱ nuṉká piáktatui. Uunt Yus eteṉmas Israernaka asutiáttawai. Chíkich nuṉka mátsatkamun asutiáwarma nuni̱ṉkia asutiáshtatui.

Isa. 35:2

Kampuntin atsú nuṉka núkap kuku̱jruk warastatui. Núnisaṉ tí waras kantamáttui. Ríwianu páantniuri̱ṉkia núnin atsú nuṉka sunastatui. Tura Karmiriu nuṉka núnisan Saruna shíirmari̱ya̱ núnin atsú nuṉka sunastatui. Tura Jiuwá winchari̱n tura ii Yusri̱ shíirmari̱n wáinkiartatui.

Isa. 44:3

Wi nuṉka kuchachnum entsan ukartatjai túran nuṉka ju̱ju̱ptinnium entsa waa ajastatui. Núnisnak Winia Wakantrun ame shuarumin ukartatjai tura péṉker yumiṉkran ame tiraṉkrumnia̱sha jé̱e̱rartatjai.

Jrm. 3:22

Ántichu kajen uchí Wini̱i̱n waketratarum. Túrawakrumni̱ṉkia kajen ántichuitrumna nuya̱ṉka péṉker awajsattajrume. Pai, yamaikia Ámeka Uunt Yus ii Yusri̱ asakmin Aminí̱ wininiaji.

Jrm. 32:41

Tura Wisha niin peṉker túruiniakun ti wararnaisartatjai. Núnisnak nekas enentái̱rja̱i̱ ashí wakantruja̱i̱ ataksha nekasa nuja̱i̱ ju̱ nuṉkanam matsasártatjai.

Use. 6:3

Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

Mik. 5:7

Kame sánaka Yusai̱ya̱ winiatsuk tura yumisha aentsnaka nákatsui núnisaṉ yaaksha akupkachmaitiat yútakka ashí nuṉkan péṉker awajui. Núnisaraṉ Jakup shuar ishichik juákarua nuka ashí nuṉkan péṉker awajsártatui.

Mik. 7:18

¿Ámiji̱a̱i̱ métek chíkich Yussha áwak? Kame yajauch túrutai̱sha tura Yusa aentsri̱ Nin enentáimtin juákaru ainia nuna tunaarí̱sha tsaṉkuram kajinmátniuitme. Warí Ni waitnenkartutariji̱a̱i̱ péṉker asa tuke kajekka pujuchuiti.

Mat. 6:28

Nuikia ¿urukamtai entsartincha timiá enentáimprum? Iistá, kuku̱jsha takachuitiat tura najanchaitiat

Ruk. 12:27

Iistá, kuku̱jsha takakmachuitiat tura nájanchaitiat ti shíirmach áiniawai. Yaunchu akupin Saramúṉsha ti shiir iwiarmamniuitiat kuku̱jia tímianchauyayi.

Ipi. 3:17

Yus nekas enentáimtakrumin Kristu atumí enentái̱n pujusat tusan áujtajrume. Tuke yapají̱tsuk aneṉkratin átarum tusan áujtajrume.

Muis. 32:2

Wi jintíamuka yumi yáitmataik yuta áintsaiti. Kame chichamprusha yumi ju̱yu̱í̱ ajak arakan sa̱a̱kniasha sanamtikiana núnisaiti.