Use. 14:4 - Yus Papí: Shuarja̱i̱ Yus Yamaram Chicham Najanamu

⁴ Nuyá̱ Uunt Yus jú̱nis tíniuiti. Wi kajerkámiaj núnaka Wikia kajinmátkiniaitjiai. Tuma asan ántichu ainia nunasha tsuártatjai túran ti aneawartatjai.

Use. 14:4 Iomraidhean Croise

YKan. 10:14

Nekaska itit awajainiak wáitkiainia nuka Ame wainiainiame. Tura wainkia asam ni túramuja̱i̱ métek sumamtikiawartatme. Kame ajapamu ainia nuka Amiin weanainiawai. Núnisaṉ mitiaik ainia nu yáiṉtinkia Ameketme.

YKan. 20:8

Tura niṉkia tikishi̱ ipijiátkam iniainiawai antsu iikia tariarar wajaji.

YKan. 78:38

Tura ti yajauch enentáimiainianak Uunt Yuska asuttsuk antsu waitnentar tunaari̱ncha tsaṉkuriarmiayi.

Jiin. 15:26

chicharainiak “Uunt Yus atumí Yusri̱ chichame̱n esetra antukrum Ni íimmianum péṉker túrakrumni̱ṉkia núnisaṉ Ni akupkámu chicham ashí péṉker umíakrumni̱ṉkia Ejiptunmaya̱ aentsun suṉkurja̱i̱ wáitkiasarmajna nútiksan atumniaka suṉkurnaka akuptúkchattajrume. Warí aya Wíkitjiai Uunt Yus atumín tsuártinniaka” tímiayi.

Isa. 12:1

Nu tsawantai̱kia chichaakum “Uunt Yusru, wikia ámin yumiṉsajme. Warí winia kajertukuitiatmek tsaṉkurturuitme tura atsaṉturume.

Isa. 55:1

“Kame ashí kitiamatirmeka entsá winittiarum tura kuit takakchakrumsha winirum sumakrum yurumáitiarum. Nuyá̱ wíniusha tura muntsusha peṉké ántrarmek kuítchaja̱i̱ sumaktarum.

Jrm. 14:7

Maa Uunt Yusru Ame naarmi aneṉkrattairmiji̱a̱i̱ túrata. Ti nekas ántichu ajasuitji núnisaṉ Aminí̱sha yajauch túraitji. Túmaitkiurnisha Ámeka iiji̱a̱i̱ pujame tura Ame náarmiji̱a̱i̱ anaikiamuitji. Tuma asamtai ajapa iniaikiartusaip.

Jrm. 17:14

Uunt Yusru uwemtikrurta túrutawakmin uwemprattajai. Warí Ámeka wi shiir awajtaintme. Kame aents chichartuiniak “¿Uunt Yusa chichame̱sha tui̱ aa?” ¿Urukamtai uminiatsu? turutainiawai. Túrasha ashamtikrukaip, Ámeka wi ú̱mtaintme. Antsu niṉkia yajauch tsawant itiariarta.

Jrm. 3:22

Ántichu kajen uchí Wini̱i̱n waketratarum. Túrawakrumni̱ṉkia kajen ántichuitrumna nuya̱ṉka péṉker awajsattajrume. Pai, yamaikia Ámeka Uunt Yus ii Yusri̱ asakmin Aminí̱ wininiaji.

Jrm. 31:20

Antsu nui̱kia ¿Eprainkia Winia aneamur tura ti shiir enentáimtamu uchirchakait? Warí kajerkan nin áujmatkunka nuna núkap enentáimtiniaitjiai. Tuma asan nin enentáimtakui̱ṉkia enentái̱r pútir awajtiniaiti. Tura Eprainnaka nekas waitnentrattajai” tawai Uunt Yus.

Jrm. 33:6

Nekaata Wi tsuámatai tsuákan itiarin tsuárartatjai. Túran Wi shiir matsamsartinian tura nékaskea nuna tí nukap iniaktusartatjai.

Jrm. 5:6

Nuna tura ásarmatai úunt ya̱wa̱ kampunniunmaya̱ jíintiurar esaiyartatui. Tura kampuntin atsunum matsamin rúpuka emeskartatui. Antsu ni pépruri̱ ainia nui̱ṉkia yampiṉkia nákarartatui. Kame Yus timian umiktinian nakitiáiniak peṉké ántichu ajasármatai péprunmaya̱ jiiniainiaka achia̱rma ártatui.

Jrm. 8:22

¿Kame Karaatnumka kuṉkuin tsuakka atsawak? ¿Tsuákratniuka nuiṉkia peṉkek atsuinia? Nui̱kia Wi shuara nawantri̱ tsuámartintri̱ṉkia ¿urukamtai atsá?

Isk. 36:36

Tura mátsatkamu atumí téntatmakar matsatainia juákarmia nusha wi Uunt Yus asan pepru emeskamuncha iwiartukaruitjiana túran nuṉka ajapamu áiniancha aratáwaruitjiana nunasha nekaawartatui. Wi Uunt Yus tiniu asan nuna túrattajai” tíniuiti.

Use. 11:7

Tumai̱ Wi shuarka ántichu ajasár umiktinniasha nakitiáiniak aya kájertuiniawai. Nuyá̱ Naṉkamantu Yúsaitme turutainiayataṉ ishichkisha páantin awajtuiniatsui.

Use. 2:19

Israer shuartirmeka winia nekas nua̱r átatrume. Kame winia nekasa nu túrutairja̱i̱sha péṉker túrutairja̱i̱sha tura waitnenkartutairja̱i̱sha nuwa̱ papiji̱a̱i̱ nuatkamua áintsarum átatrume.

Use. 6:1

Ashí Israer shuarti Uunt Yusai̱ waketkiartai. Kame jáakri̱ncha tura Ni iin numpampramaitkiuisha páchitsuk ii Yusri̱ṉkia tsuármartatji.

Sup. 3:17

“Jiuwaka amiin pujawai tura kakarmari̱ji̱a̱i̱ uwemtikramprattawai. Ámin shiir enentáimturmak warastatui. Anenmamuja̱i̱ mitia apujtamsattawai tura waramuja̱i̱ kantamprútmattawai.

Wek. 25:11

“Iriasára uchirí̱ Pinias, Yúsnan pujurniu Arauna tiraṉki̱ Israer shuar akajtukarma nuna atsaṉturai. Nisha Wi akasmaj tímiatrusaṉ kajekai. Tuma asamtai Israer shuarnaka kajerkariatnak amukcharjai.

Wek. 25:4

Nuyá̱ Uunt Yus Muisaisan chicharuk “Israer shuar ashí uuntri̱ ainia nu irurarta. Túram Wisha ímiai̱ṉ etsa̱ etsanmanum sué̱nam jiṉkiam kajemtikram máwarta. Nu túrawakmin Israer shuaran Uunt Yus suir ka̱e̱ kaje̱ntukmanka tsaṉkurartatjai” tímiayi Uunt Yus.

Rum. 3:24

Tuma ai̱ṉ Yuska iin Jesukrístuja̱i̱ uwemtikramar waitnentrampra asa ii akikmakchamuja̱i̱ “tunaarincha awajsámuitme” túramji.

Ipi. 1:6

Núja̱i̱ṉkia ni waitnenkartutairi̱ imiá péṉkera nu paant atí tusa nuna túriniaiti. Núnaka peṉké ántar ni aneamu Uchirí̱n suramsaitji.

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.

Tit. 3:4

Túrasha Yus iin uwemtikkiartin ana nu, aneṉkratin asa ni aneṉkrattairi̱n ashí aentsun iniaktus iin uwemtikrampramiaji.