Use. 14:2 - Yus Papí: Shuarja̱i̱ Yus Yamaram Chicham Najanamu

² Uunt Yusai̱ waketkirum seakrum “Ii yajauch túrutairi̱sha ashí tsaṉkurkarturta. Túram péṉker wáinmena nuja̱i̱ shiir enentáimkiartusta. Túrakmin ii wene̱ja̱i̱ yúmiṉkiakur waaka maar súamua áitkiasar kantampríttiaji.

Use. 14:2 Iomraidhean Croise

2 Sam. 12:13

Nuna tinia umikmatai Tawit Natanan aya̱k “Uunt Yusruí̱ nekas tunaan túraitjiai.” Takui̱ Natan chicharuk “Uunt Yuska áminkia tsaṉkurtámprayi. Tuma asam ámeka jákashtatme.

2 Sam. 24:10

Tawitcha aentsun nekapmamtikiar umikmatai ni enentái̱sha wáurkamiayi. Túrasha Uunt Yusan chicharuk “Ju̱na túran ti yajauch túrajai. Tuma asamtai waitneasam Uunt Yusá, Ame takartámniu tunaarí̱ tsaṉkurata. Warí nétsea núnisan túrachjak” tímiayi.

Juup 7:21

¿Urukamtai wi tunáa túramu tura yajauchin túraitjiana nusha tsaṉkurtatsum? Yamaikia jakattsan yuṉkunminiam pujajai. Tura ti e̱a̱tkumnisha atsuttajai” Juup tímiayi.

YKan. 119:108

Maa Uunt Yusru wí wakeramu amastinian chichampruja̱i̱ amaajna nuka Ámiji̱a̱i̱sha wakerú ajamai atí, Ame nekas chichamea nuja̱i̱ métek jintintruata.

YKan. 50:14

Antsu namaṉ aesam súamna núnisam Yus yumiṉsam shiir awajsata. Núnisam imiá Naṉkamantu Yus anajmatramna nu nekas umirkam susata.

YKan. 51:16

Warí winia yajauchir tsaṉkurturai tusan wi taṉkun maan takamtsuk áesan amaakuisha Ámeka nakitraintme. 1 Sam. 15:22

YKan. 51:17

Kame nékajai, Uunt Yus nekas wakeramuka ju̱i̱ti, taṉku áestuatniuja̱i̱ṉkia naṉkaamas tunáa shuar waantu enentáimtumatsuk tí tunaitjiai tu enentáimtumasat tusa wakerawai. Tura ni tunaari̱ji̱a̱i̱ tí kuntuts nekapeak péejchach ajasua nuka Yusru, nakitchaitme. YKan. 34:18

Isa. 44:22

Ame tunaarumnia̱ka yuraṉmia nútikian Wi emenkátkamajme tura tunaarumnia̱ka yuraṉkim nuṉká utsanar meṉkana nútikiamjai. Winí̱ waketkitia. Warí Wi aṉkant awajsámajme.

Isa. 6:7

Tura nuja̱i̱ wenuruí̱ sukuta chichartak “Wenumíin sukuajam ju̱ja̱i̱ sumamatniunmaya̱sha tura yajauch túramurminia̱sha mash tsaṉkuramuitme” turutmiai.

Jrm. 3:12

Weme winia chichamur étserkum arakaani̱ íimsam chichaakum ‘Yusan enentáimtichu Israerá Wini̱i̱ṉ waketkitia. Túramka waitnenkartin asamtai Winia kajetái̱rka wáinkiashtatme. Ántsanak kajeknásha túkeka pujuschattajai.

Use. 12:7

Súrin kijin nekapmatai̱n métekchan takakainia núnisaraṉ itiurchat awajkartustinian timiá enentáimtuiniawai.

Use. 6:6

Warí taṉku máarum áesturatniuja̱i̱sha naṉkaamas nekaska Winia anentak tusan wakerajai. Núnisaṉ Wíji̱a̱i̱ṉkia Yus nekaatniuka takamtsuk áesturatniuja̱i̱sha naṉkaamas péṉkeraiti.

Juir 2:17

Yúsnan pujurniutirmesha Uunt Yusna pujurin asarum Yusa Je̱e̱n wá̱i̱ti̱a̱i̱ri̱n Yus áestutai̱ pujana nui̱ ajapén wajasrum útkamaikia seakrum “Uunt Yusa ame shuarum tsaṉkurarta. Antsu natsanmai̱ ajaktinnium tsaṉkamkartukaip. Warí chíkich nuṉkanmaya̱ aents Yusan enentáimtichu ainia nu nupettamkar wishikiarturarai tsaṉkamkartukaip. ¿Urukamtai chíkich chíkich péprunmaya̱sha chichainiak ‘Ni Yusri̱sha ¿tuíntsuk pujá?’ tiártata?” titiarum.

Jns. 2:9

Antsu wikia winia péṉker chichampruja̱i̱ taṉkun maancha tuke ame náarmin shiir awajtústatjame. Auka nekas túrattajai timiaj núnaka umiktatjai. Uunt Yusru, aya Ameketme uwemtikkiartinmeka” tu seamiayi Junas.

Sak. 3:4

Nuya̱ṉka Yusa suntari̱ chichaak “Pushí wapikian entsarna nuka áitratarum” tusa nui̱ naka wajainian akupkarmai. Tura Jusuincha chicharuk “Íimsata ame tunaarmincha jurukjiame túran yamaikia tí peṉker pushin áentsrattajme” tímiayi.

Mat. 7:11

Nuikia átum yajauchitirmesha atumí uchirí̱ péṉker ana nu tuke súuchakaitrum. Nuna naṉkaamas nuikia seakrumni̱ṉkia atumí Aparí̱ nayaimpiniam pujana nu péṉker ana nuna suramsashtatuak.

Ruk. 11:13

Warí átum imiá yajauchitirmesha atumí uchirí̱ péṉkera nu súchakaitrum. Atumí Aparí̱ nayaimpiniam pujana nu seakrumni̱ṉkia nú naṉkaamas ni Wakaní̱n suramsattawai.” Tu unuiniamiayi.

Ruk. 18:13

Tura kuítian juusha árantaṉ wajas yakiini̱ paṉkái̱ íimsatniunkesha natsaamak tsuntsumá ni netsepé̱n awati ‘Yusá, ti tunaitjiai. Waitnentrurta’ timiai.

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Rum. 11:27

Jú̱ Chichamnasha niji̱a̱i̱ najanattajai, ni tunaari̱n asakturtatjai.” Isa. 27:9

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 10:4

Warí waakasha tura murik áishmaṉsha maar nuna numpe̱ja̱i̱ ii yajauch túrukarma peṉké asakárchamniaiti.

Isr. 13:15

Tuma asar taṉku maar Yus sútsuk antsu shiir chicham súakur tuke Yus shiir yúmiṉkiaji. Tuke núnisar túratai.

1 Pit. 2:5

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.

1 Jṉ. 3:5

Jesukrístu ii tunaarí̱ asakártaj tusa ju̱ nuṉkanam tamia nu nékarme. Tura Niṉkia yajauchin túrichuyayi.