Use. 13:16 - Yus Papí: Shuarja̱i̱ Yus Yamaram Chicham Najanamu

¹⁶ Samarianmaya̱ aentska ni Yusri̱n nakitiáiniak enentáimtuscharu ásar asutniáwartatui. Kame puya̱ja̱i̱ awatiar núnisaṉ uchincha aji̱a̱rar tura nuwa̱ ajamtin ainia nunasha ajape̱ máwartatui.

Use. 13:16 Iomraidhean Croise

2 Akup. 17:18

Títmainiakui Uunt Yus Israer shuarnaka ti kajerkar nin íitian nakitiak kanakmiayi. Tura aya Jutá shuarja̱i̱ṉ juákmiayi.

2 Akup. 17:5

Nuna tura Asiria úunt akupniuri̱ ashí nuṉka nupetak Samaria pépruncha akinkiataj tusa téntakar menaintiú uwí pujursarmiayi.

2 Akup. 17:6

Tura Useas nuiwi uwí akupin pujusu ai̱ Asiria úunt akupniuri̱ Samarian akinkiamiayi. Tura Israera shuari̱n achikiar Asiria nuṉkanam yaruakar Ará nuṉka Mítianmaya̱ aentsu pépruri̱n Kusan entsá yantamén Apur nuṉkanam matsasármiayi.

Isa. 17:3

Wenuke iwiartukar utúachmin awajsamu ainia nuka Eprainnumia̱n kamenkarattawai tura Tamaskunmasha núnisan túrunattawai. Tura Sírianmaya̱ juákarua nuka Israera páantniuri̱ urukait núnisan niincha menarkartatui tawai Nayaimpinmaya̱ Suntara Uuntri̱ Jiuwá.

Isa. 8:4

“Warí úchikia chichatan juáruk ‘apá’ ‘nukuá’ tutan juártsa̱i̱ṉ Tamasku warirí̱n tura Samaria warirí̱ncha ata̱a̱rman akantrar Asiria úunt akupniuri̱i̱n yaruakartatui” turutmiai.

Use. 10:2

Kame ni enentái̱ji̱a̱i̱ anaṉmainiawai. Tuma ásar yamaikia niṉki makumarartatui. Tura najanamu yus áestutai̱ncha nuyá̱ kayá yusri̱ncha Uunt Yus yumpuntrar tsairartatui.

Use. 11:6

Nuyá̱ ni pépruri̱nkia mesetja̱i̱ amukar núnisaṉ ni ejamtairi̱ncha emestukartatui. Kame jú̱nis túratniuitji tu enentáimiainiakui nuka túrunattawai.

Ams. 1:13

Amuna shuari̱ncha yajauch tí túrukmanum peṉké tsaṉkurachartatjai. Warí nuṉke̱n iwiaṉkartai tusar Karaatnumia̱ nuwa̱ ajaprukaru áinianka ajapeyarmiayi. Núnisnak Rapá wenuke̱ncha jinia ikiapátran akupniu je̱e̱nkia mesetja̱i̱ kakaram untsummaja̱i̱ amutkartatjai tura yumitinkia nasé naseja̱i̱ ti kakaram yútak amukártatui. Tura akupniúsha péṉkeri̱ ainia nuja̱i̱ achirar yajá yaruakma ártatui” tíniuiti Uunt Yus.

Ams. 3:9

Astutnum tura Ejiptunmasha akupin pujutai̱ je̱a̱ ainia nui̱sha chícham étserkuram jú̱nisrum titiarum “Naint Samarianam írunna nui̱ waká iruntrarum túrarum aents náṉkamas iruntrar ti itiurchat ajainiak chikichnasha ti wáitkiainiana nu iistarum.

Ams. 9:1

Uunt Yusan áestutai̱niam wajan wainkiamjai. Tura Nisha chichaak “Uunt Yusa Je̱e̱ pauri̱ yakini̱ awatim aents matsatainia nuna muuké̱ tsai̱ tsai̱ awajsarta. Túrawakmin nu aentsun Wi amú amú awajsarmatai yaaksha uwemprachartatui. Tui̱ṉsha ú̱mkarmataisha nui̱sha wáinkiartatjai. Nayantsanmasha init ú̱mkarmataisha napin akuptúkan áesiartatjai. Achirar yajá yaruakarmataisha nui̱sha puya̱ja̱i̱ mámtikiawartatjai. Wini̱ya̱ṉka peṉké úmkachartatui tuma asamtai kajerkaru asan aya yajauchiniak akuptúkartatjai” turutmiai.

Mik. 1:4

Tura naint ainia nusha Ni wajanmaja̱i̱ métek mikia jinium apeam miniá núnikiartatui. Núnisaṉ nuṉka pakasha miniak entsa ama̱a̱ru ajakártatui.