Use. 13:15 - Yus Papí: Shuarja̱i̱ Yus Yamaram Chicham Najanamu

¹⁵ Kame Eprain Israer shuarja̱i̱ pampaakuisha Úunt Yusai̱ya̱ kampuntin atsú nuṉkanmaya̱ nase tarí ni entsari̱ncha tura púkuniri̱ncha kukach awajtúsartatui. Túrunamtai ni nemasri̱ káutkar ni kuítri̱ncha tura ni wariri̱ncha ashí yarurkartatui.

Use. 13:15 Iomraidhean Croise

Naṉ. 41:23

Tura nuna úkuri̱n chíkich siati sha káakaru mayai̱ tsue̱r etsa̱ jintiainmaani̱ya̱ umpuam esakárun wáiniaj.

Naṉ. 41:52

Patai̱nkia “Yus wi jú̱ nuṉkanam wáitsamiaj ju̱i̱ uchi yajutmaktinian surusuiti” tú enentáimias Eprain anaikiamiayi.

Naṉ. 41:6

Tura nuna úkuri̱i̱ni̱ chíkich siati sha etsa̱ jintiainmaya̱ mayai̱ tsue̱r áeskamua núnin uchich nerekarmai.

Naṉ. 48:19

Túrasha aparí̱ nuna nakitiak “Ee, auka nékajai uchiru. Kame Manaséssha ukunam ti pampaṉtiniaiti. Antsu ni yachi̱ Epraincha úchitiat yachi̱ji̱a̱i̱ naṉkaamas ajastatui tura ni aentssha untsurí matsatkamu ajasártatui” tímiayi.

Naṉ. 49:22

Tura Juseka numi entsá yantamach wajas tí nukap nereana núniniaiti tuma asa ni kanawe̱sha tanishnium waka ti nerek punua ániuiti.

YKan. 1:4

Túrasha Yusan enentáimtichu ainia núnaka núnischa áiniawai. Antsu niṉkia nase wampuishin umpuí júana núnis áiniawai.

YKan. 109:13

Ni shuari̱ ainia nuka amú amusma ártí tura atak akiiniawartatna nuna náari̱ṉkia japiramu ártí.

Isa. 14:21

¡Ni aparí̱ yajauchiri̱ni̱ṉ ni uchirí̱ mantamnawartincha iwiarkatarum! Túracharmaka tsakiṉmakar nuṉkan akinkiar uunt péprun najankar ashí nuṉkanam piákara̱i̱ṉ.”

Isa. 17:13

Kanus nase wajatam urukawa tímiatrus aentska téter ajartatui túrasha Yus kakantrartatui túram yajá pisakártatui. Nase wampuishin náintiaani̱ júana nútikiawartatui tura nuṉká ju̱yu̱ri̱n nasé wáinchiri̱ iniantar itiurawa nútikias umpuí aya émeṉkartatui.

Isa. 41:16

Núnaka nase awajtiur yaruaktatui tura uunt nase tsakiṉmaktatui. Túram ámeka Jiuwái̱ warastatme, warí, Israera Yusri̱ Tunaari̱ncha nu shiir awajsattame.

Jrm. 20:5

Núnisnak péprunam ashí kuítrum írunna tura takatrumiya̱ nerea nuna tura ashí shíirmach ainia núnaka íktusan iniaisattajai. Núnisnak Jutanmaya̱ úunt akupin ainia nuna ashí kuítri̱n ni nemasri̱ uwejé̱n íktuan iniaisattajai. Túramtai utsantua warirí̱ atantar Papirúnianam júkiartatui.

Jrm. 4:11

Nu tsawantinkia ju̱ péprunka tura Jerusaréṉnasha chicharainiak “Kampuntin atsunum naint irunainia nuyá̱ nase tsue̱r ii pépruri̱ nawantri̱ pujuinia nuní̱ winiawai. Nusha awa̱jtiur péṉker iwiarkattsaṉka winiatsui tunattawai.

Jrm. 4:12

Antsu nase nuna naṉkaamas kakaram Wini̱i̱ya̱ winiawai. Tura yamaikia Wisha núnisnak nekasa nuja̱i̱ métek niṉkia sumamtikiawartatjai.

Jrm. 51:1

Tura Uunt Yus chichaak “Papirúnianmaya̱n Kartíu aentsun emeskartinian akupkartatjai.

Jrm. 51:36

Tuma asamtai Uunt Yus chichaak “Wi jú̱naka ni tunaari̱ni̱ṉ sumamtikiattajai. Atumí nemasri̱nkia wi yapajkiattajai. Núnisnak entsancha púkunincha ukuikiaran kukach awajtúsartatjai.

Use. 10:1

Israer shuarka uwa araam tí peṉker tsapái̱ nuke̱ kanetin nerekua ímiatrusaiti. Túrasha nuja̱i̱ métek najanamu yus áestutai̱ncha ti najankarmiayi. Núnisaṉ nuṉke̱ncha tí peṉker tsapamtikruiniamaitiat ju̱i̱ti ii yusri̱ tusar kayan nuna péṉker iwiarkarmiayi.

Use. 2:3

Tsanirmatan iniaiyachkuiṉkia misú áiktatjai túran akiiniuk urukuya áitkiawa̱i̱j. Kampuntin atsú nuṉka ajasmatai tura káakmatai kitiakai jaka̱i̱.

Jns. 4:8

Nuyá̱ etsa̱ jíinmiatai Yus etsa̱ tatainmaani̱ya̱ nase tsuéran umpuit tusa akupkámiayi. Túramtai Junassha etsa̱ muuknum tí tsue̱r sukuam mayai̱ ashinmiayi. Túmak jákatniun wakerak “iwiaaku pujutsuk játaknaka maak” tímiayi.