Use. 12:6 - Yus Papí: Shuarja̱i̱ Yus Yamaram Chicham Najanamu

⁶ Nui̱kia ame Yúsrumini̱ṉ ámeka waketkitia. Tura Yusai̱ enentáimsam pujá asam akupeamu Níniua nuna nékaseṉ ayampruiniana nuja̱i̱ métek túrakum ame Yúsrum tuke enentáimtusam pujusta.

Use. 12:6 Iomraidhean Croise

Naṉ. 49:18

Uunt Yusru uwemtikrurai tusan nákajme.

YKan. 123:2

Nekaata iniatai̱ ainia nu ni uuntri̱ uwejé̱n iirainiatsuk nuyá̱ nuwa̱ iniatai̱sha ni uuntri̱ nuwá̱ uwejé̱n iirainiawai núnisaṉ iin waitnentramam ii ji̱sha ii Yusri̱ Uunt Yusan íiniawai.

YKan. 27:14

Uunt Yus shiir enentáimtusam nákasta. Túram enentáim ikiaká̱rta. Ee, nekas Uunt Yus nákasta.

YKan. 37:7

Uunt Yusai̱ mijiat pujusam shiir enentáiji̱a̱i̱ nákasta. Núnisaṉ aents yajauch túramuja̱i̱ páantin ajainia nu wainkiam itiurchat enentáimsaip.

Jiin. 3:15

Tura nu arantcha Yus Muisaisan chicharuk “Israer shuar chicharkum ‘UUNT YUS atumí apachri̱ Yúsri̱ntjiai. Kame Aprajáma Yusri̱, Isaka Yusri̱, tura Jakupa Yusri̱ atumíin akuptúkai’ tiartá. Tura nu naarka tuke átiniaiti. Nú naarja̱i̱ṉ ukunam akiiniawartatna nusha tuke enentáimturin ártiniati.”

Neka. 1:23

Antsu wi tájana nuja̱i̱ seertarum. Wi nekatai̱ asan wakantruja̱i̱ jintintiakun paant nékamtikiattajrume.

Neka. 21:3

Nákak wekaak tura péṉker enentái takustinia nuna Uunt Yus ti shiir wakerawai waaka maar áestuatniua nuna naṉkaamas.

Isa. 1:16

Antsu átumka nijiamarum japimiarmena núnisrum tura atumí yajauch túrutai̱ Wi íimmianumka iniaisatarum. Nuyá̱ yajauch túrutai̱sha nekas iniaisatarum.

Isa. 40:31

Túrasha Uunt Yusan nákainia nuka ataksha kakaram ajasár ukukuí nanaak yakí̱ wekaana núnis wekasartatui. Tura tsékenaksha peṉké pimpikchartatui núnisaṉ wekainiaksha yawe̱rchartatui.

Isa. 8:17

Kame Uunt Yus Jakupa shuari̱n ú̱mprukua núnis pujana nuna nákastatjai tura aya Níniak enentáimtustatjai.

Isk. 18:30

Tuma asamtai Israerá, atumí túramuri̱ji̱a̱i̱ métek aṉkant aṉkant sumamtikiattajrume” tawai Uunt Yus Ashí Aentsu Uuntri̱. “Núnisrumek ené enentáimiu ajasrum atumí yajauch túrutairi̱ iniaisatarum núja̱i̱nchuka atumí tunaari̱ṉ makurmartatrume.

Use. 14:1

¡Maa Israerá, atumí Yusri̱ Úunt Yusai̱ni̱ṉ waketkitiarum! Warí atumí tunaari̱ji̱a̱i̱ṉ ti yajauch ajasurme.

Juir 2:12

Tuma asamtai Uunt Yus chichaak “Yamaikia atumí nekas kúntuts enentái̱ji̱a̱i̱ ijiarma útrum Winí̱ waketkitiarum” tawai.

Juir 2:13

Tuma asamtai atumí pushiri̱ṉkia já̱a̱tsuk antsu kúntuts enentáimtumasrum atumí Úunt Yusri̱ni̱ṉ waketkitiarum. Warí Uunt Yuska ti waitnentkartin asa wárik kajechuiti antsu tí aneṉkratniuiti. Tuma asa waitnenkarturka wárik asutkiartichuiti.

Ams. 4:13

Warí náintniasha nasencha najanniua nuka Ni enentáimmiari̱n áentsui̱ni̱ paant awajna ántsaṉ kiritniuncha atsa̱we̱a̱ nu tura naintia tsakari̱n tarimpraktak wekainiua nuna náari̱ṉkia Ashí Akupin Úunt Yusaiti.

Ams. 5:24

Antsu asutniátin tsaṉkatkamuka entsa akaana núnis wetí. Tura nekasa nuja̱i̱ métek túrutaiṉkia ashints ku̱yu̱chua núnis atí.

Mik. 6:8

¡Maa aentstinkia, péṉkera núnaka Niṉki paant awajtúrmasuiti! Kame Amincha Uunt Yussha ¿warí itiurkai tusa wakerutma? Áyatik péṉkera túrin tura tuke waitnenkartin nuyá̱ péejchach ajasam ame Yúsrum tuke umirin ai̱ tusa wakerutmawai.

Mik. 7:7

Antsu wikia winia Úunt Yusrunak iisan enentáimtustatjai. Winia uwemtikrin anturta asamtai winia Yúsrunak nákasan pujustatjai.

Awa. 2:3

Tura ame ímiaja̱i̱k wainkiamna nu wárik uminchakuisha nákasta. Umintsukka áchattawai antsu wárik uminkiatniuiti.

Sup. 3:8

Túmaitkiuiṉkia sumamtikiatin tsawant jeamam nákarsatarum” tawai Jiuwá. “Warí ashí uunt matsatkamu tura akupeamu ainia nunasha ashí Winia tí kajekmarun iniaktusartaj tusan irurartatjai. Túran Wi suir kajenkamurja̱i̱ ashí nuṉkan jiji̱a̱i̱ aeskan amuktatjai.”

Sak. 1:3

Túrasha Wini̱n waketkiarti Ashí Akupin Uunt Yus tawai tura Wisha atumí̱n weakartatjai Ashí Akupin Uunt Yus tawai tiartá.

Sak. 7:9

“Ashí Akupin Uunt Yus jú̱nis tawai. Nekasa nuja̱i̱ métek sumamtikiatarum. Tura atumí yachi̱ji̱a̱i̱ ashí shiir awajnáiyakrum waitnennairatarum.

Sak. 8:16

Tura átumka jú̱nis túratniuitrume. Atumí írutramurmiji̱a̱i̱ nekasa nu chichastarum. Tura súmamtikiakrumsha péṉker túramuja̱i̱ ashí aṉkant pujustinia nu túratarum.

Tur. 2:38

Tutai Pítrusha chichaak “Atumí tunaarí̱ ené enentáimia ajasjai tusarum Yus nekas enentáimtustarum. Tura ashí shuartiram Jesukrístu naari̱ pachisrum imiantiarum. Nuiṉkia atumí tunaari̱n Yus tsaṉkurtámprattarme. Túrunawakrumin Yuska ni Wakaní̱n suramsattarme.

Tur. 26:20

Kame ené enentáimia ajasár nekas enentáiji̱a̱i̱ Yusna ajastinian emka Tamaskunam pujuarmia nuna ujakármiajai. Tura nuya̱sha Jerusaréṉnumia̱n, Jutanmaya̱ncha tura nútiksanak Israer shuarchancha nuna ujakármiajai. Tura ujainiakun ‘Yus shuar ajasmarum paant ajasat tusarum péṉker túratarum’ tímiajai ashí shuaran.

San. 1:27

Nekas Yus Apa awajitsuk shiir umirkatin ju̱i̱ti, mitiaikiasha waje̱sha itiurchatnum pujuiniakuisha yáiṉtiniaiti tura ju̱ nuṉkanam ashí tunáa ana núja̱i̱sha máatrashtiniaiti.

San. 2:13

Chikichan waitnentachkuṉka waitnennatsuk asutniáttawai. Tura waitneṉkratniuitkiurni̱ṉkia tsawant jeamtai Yus iin waitnentramprattaji.