Use. 12:2 - Yus Papí: Shuarja̱i̱ Yus Yamaram Chicham Najanamu

² Tuma asa Uunt Yuska Jutanka kajerkaiti. Tura Jakupnasha ni wekaasamuri̱ji̱a̱i̱ métek asutiáttawai. Nuyá̱ ni túramuri̱ji̱a̱i̱ métek akikiártatui.

Use. 12:2 Iomraidhean Croise

2 Akup. 17:4

Nu ukunam Sarmanasár Useas chichaman etserniun ú̱saṉ Ejiptu úunt akupniuri̱ Suun chichaman akuptúkmia nuna nekáa tura nu arant ashí uwitin akiktinia nuna akitsuk iniaisámuncha nekáa Useasnaka achik sepunam eṉkeamiayi.

YKan. 78:36

Túrasha nekas enentáiji̱a̱i̱ tuíniachu ásar Yusan ántar páchiarmiayi.

Isa. 10:12

Túrasha Seun nainnium tura Jerusaréṉnumsha Uunt Yuska ni takatrí̱n amuk Asirianmaya̱ akupin naṉkamantu tura kakaram enentáimtuma asamtai asutiáttawai. Warí winia kakarmarja̱i̱ṉ tura ti enentáimin asan winia nekatairja̱i̱ṉ ashí nuṉkanam nupetmaran tesaknasha emeṉkáran kuítrincha ashí atantraran aents kakaram itiurawa nútiksanak aents nui̱ matsamin áinianka ashí amukárja̱i̱. Nu nuṉkanmaya̱ kuítian pasuṉnumia̱ júkitniua núnis winia uwejur wáinkiachaik tura nujint utsaṉman írumna núnisnak ashí nuṉkancha wiki irurcharjak. Túrasha yaaksha turutchayi tiniu asamtai niincha nútiksaṉ asutiáttawai.

Isa. 59:18

Ni túrawarua nuja̱i̱ métek akikiártatui. Tura Nin nakitiáinianka Ni kajetáiri̱ji̱a̱i̱ núnisaṉ Ni nemasri̱nkia Ni suíri̱ji̱a̱i̱ akikiártatui. Nuyá̱ nayants yantam matsatainia nunasha akikiártatui.

Jrm. 25:31

Nu shiniamu nuṉka náṉkatrana ímianai ántumtikiui. Tura Uunt Yus uunt nuṉka mátsatkamu ainia nuja̱i̱ jiániawai. Ni ashí aentsun sumamtikiataj tusa untsukartatui tura Yusan umircha ainia núnaka mesetnum iktua iniaisartatui’ tawai Uunt Yus.”

Use. 2:13

Kame Páaran kuṉkuinian áestak kuishniun aki̱i̱tia̱i̱n aki̱a̱r tura tí shiirmach iwiarmamtaiji̱a̱i̱ iwiarmameak tsawantan ántar wasurka asamtai asutiáttajai. Túmak Wíniaka kajinmátruki̱ ni tsaniri̱ji̱a̱i̱ weúwiti” tawai Uunt Yus.

Ams. 2:4

Tura Jiuwá chichaak “Jutá tunaari̱nkia menaintiuiti tura ju̱ kuátruja̱i̱ṉkia asuttsukka peṉké iniaisashtatjai. Warí Jiuwá akupeamuri̱nkia nakitrar Ni chichame̱ncha umirkacharuiti. Túmainiak ní wáitri̱n anaṉkawaram Ni we̱a̱tri̱ túrawarmia nunak túruiniak ántar yusan umirkaruiti.

Mik. 6:2

Maa, átum naint árumna nútiram núnisrumek nuṉka tépakmanum naint wájakrumna nútirmesha Uunt Yus ní shuari̱ji̱a̱i̱ tunaiya nu anturkatarum. Kame Israer shuaran itiurchat takurkainiana nuna ujakar chicharkartatui.

Mat. 16:27

Wi Aents Ajasu asan, winia Aparu kakarmari̱ji̱a̱i̱ tura ni suntari̱ji̱a̱i̱ tana ashí shuaran ni takakmasmaja̱i̱ métek akiktatjai.YKan. 62:12; Neka. 24:12

Rum. 2:6

Nu tsawantai̱ ni túramuja̱i̱ métek Yus ashí shuaran akirartatui.YKan. 62:12; Neka. 24:12

Kar. 6:7

Anaṉmamawairap. Shuar Yusan anaṉkatniun tujintiawai. Ame araamna nuna nere̱ṉ júuktatme. Chíkich nere̱ áchattawai. Atumí enentái̱ncha núniskete.