Use. 11:9 - Yus Papí: Shuarja̱i̱ Yus Yamaram Chicham Najanamu

⁹ Wikia áentschaitjiai antsu Úunt Yusaitjiai. Tura Peṉké Tunaarincha asan ju̱ aentsja̱i̱ pujakun péṉker enentáimpramaj nuna umíakun Eprainniaka asuttsuk iniaisattajai.

Use. 11:9 Iomraidhean Croise

2 Sam. 20:10

Kame Amasaka Juap puya̱n takaku wáiniat anearchamiayi. Tuma asamtai puya̱ja̱i̱ tantannum ijiumiayi tura ampuje̱ṉka nuṉká matsamámiayi. Atakka íjiuchmaitiat núja̱i̱ṉ jaka iniantmiayi. Tura ikiuak Juapka ni yachí̱ Awisháiji̱a̱i̱ Pikri uchirí̱ Shíwian pataatuki̱ wéarmiayi.

YKan. 46:5

Yus nui̱ pujak ikiaká̱rtatui. Tsawant náṉkamkuisha tuke yáiṉtatui.

YKan. 78:38

Tura ti yajauch enentáimiainianak Uunt Yuska asuttsuk antsu waitnentar tunaari̱ncha tsaṉkuriarmiayi.

YKan. 85:4

¡Ii uwemtikkiartin Yusá ataksha Ámin awaṉkartuktia túram Ame iin kajerkartamna nuka iniaisata!

Isa. 12:6

Wats Seúnnum matsatrumna nútiram atumíin Tunaarincha Yus naṉkamantua nu pujá asamtai warakrum kakaram kantampruátarum” títiatrume.

Isa. 41:14

Ashamkaip Jakupa akari̱yá, maa, átumka Israer shuartirmeka wárumchikitrume. Ámin yáintmaaka Wíkitjiai ámin Uwemtikramin, Tunaari̱ncha Israera Yusri̱ Jiuwá tawai.

Isa. 41:16

Núnaka nase awajtiur yaruaktatui tura uunt nase tsakiṉmaktatui. Túram ámeka Jiuwái̱ warastatme, warí, Israera Yusri̱ Tunaari̱ncha nu shiir awajsattame.

Isa. 5:24

Kame Ashí Akupin Uuntri̱ Uunt Yus akupkámun antukcharu ásarmatai tura Israernumia̱ Tunaarincha chichame̱ncha mui̱jmiai̱ awajsaru ásar chírichri áeskam kaṉkapé̱sha mamúatsuk tura chirunkasha ji keakui aya méṉkatsuk núnisaraṉ Israer shuarka túrunawartatui. Tuma asamtai Uunt Yuska Ni aentsri̱n tí kajerak asutiáwartatui. Naintcha muchitrartatui tura aents kaji̱ṉkiáruka jintiaṉka tsuata tímiatrus wáinkiartatui túrasha núja̱i̱sha Uunt Yuska peṉké tsaṉkurchattawai.

Jrm. 26:3

Maa anturtamkar aṉkant aṉkant ni yajauch túrutairi̱n iniaisarka maak árainti. Túrawarmataiṉkia ni yajauch túrawarmanum nin asutiáwartinian Wi iwiarturaruitiaj núnaka Wisha iniaisaintjiai.’

Jrm. 30:11

Warí Wi uwemtikrattaj tusan ámiji̱a̱i̱ pujustatjai tawai Uunt Yus. Uunt nuṉka mátsatkamu ainia nuja̱i̱ tura yajá tsakiṉmakarmaj nuja̱i̱ ashí amukártatjai. Antsu áminkia emesrashtatjame tura nekasa nuja̱i̱ métek asutiáttajme. Túrasha asuttsuk peṉké ikiukchattajme.

Use. 12:1

Eprainkia áyatik nasen yuinia núniniawai. Túmainiak nase etsa̱ jintiainmaani̱ya̱ umpuana nuna ashí tsawant takamtsuk apapéana núniniawai. Warí Asiriaja̱i̱ chichaman najanawaru ásar aya wáitniak tura ámukatniunak ikiauntumainiawai. Nuyá̱ asuitincha Ejiptunmaani̱ yarumainiawai.

Use. 14:4

Nuyá̱ Uunt Yus jú̱nis tíniuiti. Wi kajerkámiaj núnaka Wikia kajinmátkiniaitjiai. Tuma asan ántichu ainia nunasha tsuártatjai túran ti aneawartatjai.

Mks. 3:6

“¡Wikia Uunt Yus asan yapajchaitjiai! ¡Maa tuma asamtai átumka Jakupa uchiri̱yá amukchamuitrume!

Wek. 23:19

Uunt Yuska áentschaiti wáitritin núja̱i̱nchuka aentsu uchirí̱nchuiti mái̱ áwake ajatniuka. ¿Ju̱na umiktatjai táyat umikchattuak tura chichaksha túrashtatuak?