Use. 11:8 - Yus Papí: Shuarja̱i̱ Yus Yamaram Chicham Najanamu

⁸ Kame Eprainkiá tura Israerá ¿itiurak surukan tura ajapan ikiuktiajrum? ¿Urukamtaik Atma tura Sepuimia nútikiancha ajapan iniaisaintjiarum? Warí imiá aneancha ashí winia enentái̱rja̱i̱ enentáimsan tura waitnentakun yáiṉtinian wakerajrume.

Use. 11:8 Iomraidhean Croise

Naṉ. 14:8

Tuma asamtai Sutumanmaya̱ tura Kumuranmaya̱ nuyá̱ Átmanmaya̱sha Sepuimnumia̱sha ántsaṉ Píriaitiat Suárauya̱ nuya̱sha úunt akupniusha mesetan juárkitiai tusar Setimia pakarí̱n iruntrarmiayi.

2 Sam. 24:16

Nui̱ṉkia Jípiusnumia̱ aents Arauna trikiu awa̱jtiutairi̱n ayamach Yusa suntari̱ wajamiayi. Nui̱ Tawit yajauch túramunam Jerusaréṉnumia̱ aentsun amuktaj tusa pujurun atak íksaṉ Uunt Yus waitnentrar Ni suntari̱n chicharuk “Máakete iniaisarta” tímiayi.

1 Akup. 3:26

Tura uchí iwiaaku nukurí̱ nuna antuk tí kuntuts enentáimiar úunt akupin Saramúṉkan chicharuk “Maaj uuntru, waitneasam úchikia máwaip. Antsu máatsuk nú nuwa̱ susata.” Takui̱ chíkich nuwa̱sha chichaak “Úchikia wíniaksha núja̱i̱nchuka áminiuksha áchati. Páchitsuk nakaktarum” tímiayi.

2 Akup. 13:23

Tura Uunt Yus nin waitnenta asa ni waitnenkartutairi̱n iniaktus enentáimturmiayi. Kame Aprajámja̱i̱ Isakja̱i̱sha tura Jakupja̱i̱sha chichaman najanamia nuna enentáimtur emesratniuncha enentáimturchamiayi. Núnisaṉ Yus íimmianumia̱ yamaiya̱ ímiaja̱i̱sha Israer shuarnaka jí̱i̱ktinian nakitraiti.

YKan. 106:45

Túmak yaunchu niji̱a̱i̱ chichaman najanamia nuna enentáimias ni waitnenkartutairi̱ṉkia náṉkatkachu asamtai waitnentiarmiayi.

Isa. 16:11

Tuma asan Muápan enentáimtusan wakeruiṉkia arpa núnisan ten ten ajattajai tura winia enentái̱rka Kir-jaresétain átatui.

Jrm. 18:8

Túrasha uunt mátsatkamu ainia nuna Wi áujmattsajna nu ni yajauch túrutairi̱n iniaisarmataiṉkia Wisha asutiáwartatjai tiármajna núnaka núnisnak iniaisattajai.

Jrm. 3:12

Weme winia chichamur étserkum arakaani̱ íimsam chichaakum ‘Yusan enentáimtichu Israerá Wini̱i̱ṉ waketkitia. Túramka waitnenkartin asamtai Winia kajetái̱rka wáinkiashtatme. Ántsanak kajeknásha túkeka pujuschattajai.

Jrm. 31:20

Antsu nui̱kia ¿Eprainkia Winia aneamur tura ti shiir enentáimtamu uchirchakait? Warí kajerkan nin áujmatkunka nuna núkap enentáimtiniaitjiai. Tuma asan nin enentáimtakui̱ṉkia enentái̱r pútir awajtiniaiti. Tura Eprainnaka nekas waitnentrattajai” tawai Uunt Yus.

Jrm. 42:10

‘Ju̱ nuṉkanam tuke matsamsartatji tí nekas tákurminkia atumín yajauch túraitjiarmena nuna atak enentáimprattajai. Kame ipiampátnasha ipiampártatjarme tura emestanka emesrashtatjarme. Araamua núnisrum átatrume túrasha ju̱ nuṉkanmaya̱ṉka tsuriṉchattajrume.

Jrm. 9:6

Aya anaṉkartutnak matsamtin áiniawai tuma ásar Winia nekaratniunka nakitiáiniawai” tawai Uunt Yus.

Jrm. 9:7

Tuma asamtai Ashí Akupin Uunt Yus chichaak “Pai yamaikia kuri unuikiar aya kúrik awajsatniua áitkiasan nekapsartatjai. Túrachkuncha Wi shuara nawantri̱ncha ¿warí itiurkatjak?

Ukan. 1:20

Jiuwáa íirsakia, kuntuts enentáimsan waittsa pujakun jakamnia nekapeajai. Nakitiakun ti kajeku asamtai winia enentái̱rka najarnarmin ajawai. Tura ai̱ á̱a̱ni̱ṉkia puyá̱a̱ muí̱jmiar awajkáyi antsu ju̱i̱ initiaani̱ṉkia áya jákatniuk awai.

Ukan. 3:32

Antsu wáittsatniun tsaṉkatramkayat Niṉkia tí naṉkaamas aneṉkrattairi̱ji̱a̱i̱ waitnentramaji.

Ukan. 3:33

Warí, aentsnaka peṉké ántraṉka Ni wakerakka wáitkiattsui tura kúntutska enentáimtiktsui.

Use. 6:4

Tura Uunt Yus chichaak “Eprainkiá tura Jutáa atumniasha ¿warí itiurkatjarmek? Warí atumí umitiairi̱ṉkia káshik yuraṉkim nuṉká utsanar áyat tura sanamákiat nantu sukuam wárik meṉkaana ániuiti.

Ams. 4:11

“Sutuman tura Kumuran Yus emeskamia áitkiasnak atumniasha emeskamjarme núnisnak ji tsutsutkamu jusamua nútikiamjarme túrasha Winia peṉké enentáimtursachmarme” tawai Uunt Yus.

Ams. 7:3

Nuyá̱ Jiuwaka ené enentáimia ajas chichartak “Nuka túrunashtatui” tíniuiti Jiuwá.

Ams. 7:6

Nuyá̱ Jiuwaka ené enentáimia ajas chichaak “Ju̱nasha nútiksanak peṉké túrashtatjai” timiai Uunt Jiuwá.

Mik. 5:3

Túrasha nuwa̱ takustinia nu tsawantri̱ jeamam núnisaṉ chíkich nuṉkanam Israer shuar matsatainia ní shuarja̱i̱ iruntratai tusar waketkiar kaunmam Uunt Yuska ní shuarnaka ajapa iniaisartatui.

Sup. 2:9

Kame Jiuwá Nayaimpinmaya̱ Suntara Uuntri̱, Israera Yusri̱ tawai “Wi iwiaakjai tuma asamtai Muapka Sutuma urukamia núniktatui núnisaraṉ Amun aentska Kumura urukamia núnis túrunawartatui. Ni nuṉke̱nka aya nárak wáinkiartatui tura wee jutai̱ ajasártatui tura emeskamu tuke juáktatui. Tura winia shuarui̱ya̱ juákarua nu utuawar kasarartatui tura nuṉke̱ncha akintrurar nui̱ matsamsartatui.”

Mat. 23:37

“Jerusaréṉnumia̱tirmeka, Yúsnan etserin máiniaitrume. Yus akatar akuptúrmakmasha kayaja̱i̱ tukuram máiniaitrume. Túrin árumni̱ṉ waitnentajrume. Atash ni uchirí̱n weana áitkiasnak wéartinian wakerimjiarme tura nakitramarme.

Muis. 29:22

Tura ukunam atumí uchirí̱ pampaṉkartatna nusha nuyá̱ chíkich nuṉkanmaya̱ írar káunkartatna nusha Uunt Yus asutkian nuyá̱ náṉkamas suṉkurnasha nu nuṉkanam akupeamun wáinkiar chichainiak

Muis. 29:23

‘Yaunchu Sutuma, Kumura, Atma, tura Sepuim péprun Uunt Yus ti kajerak suira kaje̱ntuk asupriji̱a̱i̱ tura weeja̱i̱ nuyá̱ jiji̱a̱i̱ amukmiayi. Tuma asa nu nuṉkanmaṉka nupa̱sha tsapaichmin araksha arakmachmin ajasuíti. Kame nuja̱i̱ métek atumí nuṉke̱sha ajasuíti’ tiártatui.

Muis. 32:36

Kame Uunt Yus ni shuari̱ túramuja̱i̱ iirsar nekarawartatui tura ni shuari̱n amuikiarmataisha ántsaṉ emetamusha núnisaṉ aṉkant pujuiniasha juákcharmatai nuna wainiak waitnentrar ayamprúkartatui.

2 Pit. 2:6

Enentáimpratarum. Sutumancha tura Kumurancha nayaimpinmaya̱ jin akuptuk Yus mash amukmiayi. Aya yúṉkunmik awajsámiayi. Ukunam nu túrunamun nekaawar shuar tunáa túratin tsuumainian nekaawarat tusa túramiayi.

Jut. 1:7

Núnisaṉ Sutumasha Kumurasha tura tíjiu̱ch péprusha áishmaṉja̱i̱sha nuwa̱ja̱i̱sha ti yajauch nuamtak tsanirmanainiakui ti tunaan peṉké túrachmin ana nunasha túrin ármiayi. Túmainiakui ashí shuar ashamkarat tusa Yus amuicha jinium asutiáwarmiayi.

Apu. 11:8

Tura iwiarnatsuk ni aya̱shi̱ uunt pepru jinti̱i̱n ajapén tepeartatui. Nu péprunmasha ii Uuntri̱ Jesukrístuncha máwarmiayi. Nu péprunmaya̱ shuar tuke yajauchin túrin ásarmatai Ejiptu tuíniak tura núnisaṉ Sutuma tuíniak nu péprun páchiniawai.

Apu. 18:18

Tura pepru esaak múkuint ajaan wáinkiar ti kakantar útainiak tiarmai “Timiá shiir pepru atsuwiti.”

Suma. 10:16

Nuna tiar Israer shuarka chíkich yusan enentáimtiarmia núnaka utsaṉkar Uunt Yusan enentáimtusarmiayi. Túrawarmatai Uunt Yus Israer shuaran wáitiamuri̱n peṉké katsuntrachmin nekapeak ataksha waitnentar yáiṉkiarmiayi.