Use. 11:7 - Yus Papí: Shuarja̱i̱ Yus Yamaram Chicham Najanamu

⁷ Tumai̱ Wi shuarka ántichu ajasár umiktinniasha nakitiáiniak aya kájertuiniawai. Nuyá̱ Naṉkamantu Yúsaitme turutainiayataṉ ishichkisha páantin awajtuiniatsui.

Use. 11:7 Iomraidhean Croise

YKan. 81:11

Túrasha Winia shuaruka Winia chichamprun anturtukcharmai. Israer shuarka Wíniaka nakitrurarmai.

Neka. 14:14

Shuar nétsea nu ni túrutairi̱ji̱a̱i̱ waraawai núnisaṉ shuar péṉkera nuna túrak ti waraawai.

Jrm. 14:7

Maa Uunt Yusru Ame naarmi aneṉkrattairmiji̱a̱i̱ túrata. Ti nekas ántichu ajasuitji núnisaṉ Aminí̱sha yajauch túraitji. Túmaitkiurnisha Ámeka iiji̱a̱i̱ pujame tura Ame náarmiji̱a̱i̱ anaikiamuitji. Tuma asamtai ajapa iniaikiartusaip.

Jrm. 2:19

Ame yajauchirmek asuttiámattawai. Yus enentáimtamuka ántraiti támena nuke áminkia surutmaktatui. Wats iisam nekaata. Atumí Uuntri̱ Uunt Yus ashamtsuk iniaisatniusha ¿urutmá yajauchikit tura urutmá yapaakit? tawai Ashí Akupniu Uuntri̱ Uunt Yus.

Jrm. 3:11

Nu arantcha Uunt Yus chichartak “Túrasha ántichu Jutá enentái̱ji̱a̱i̱ apatkamka Yusan enentáimtichu Israerá enentái̱ timiá peṉkeraiti.

Jrm. 7:25

Atumí aparí̱ Ejiptunam matsatu jíintrarmia nuyá̱ juárkimiuk yamaiya̱ tímiaja̱i̱sha ashí Winia takartin Yúsnan etserin áiniana nuna kashi kashini̱ṉ táamtsuk tuke akuptúkiaran winiajai.

Jrm. 7:26

Túrasha Winia chichamprunka umirtukcharmai tura anturtuktinniaksha anturtukcharmai antsu antuktinian nakitiáiniak ántichu ajasár ni aparí̱ túrawarmia núja̱i̱ṉkia naṉkaamas tí yajauchin túrawarmai.

Jrm. 8:5

Jerusaréṉká urukamtai jú̱ shuarka tuke umichu asasha aya kajetnaksha pujurniuit. Anaṉkartutain umiriakka antuktinniaka peṉké nakitiawai.

Use. 11:2

Túrasha chicháa chichareamsha Wini̱ya̱ṉka nu arant kanakiármiayi. Túrunawar najankamu yus Páaran enentáimtuiniak taṉkuncha núnisaṉ kuṉkuinniasha áestiarmiayi.

Use. 14:4

Nuyá̱ Uunt Yus jú̱nis tíniuiti. Wi kajerkámiaj núnaka Wikia kajinmátkiniaitjiai. Tuma asan ántichu ainia nunasha tsuártatjai túran ti aneawartatjai.