Use. 11:4 - Yus Papí: Shuarja̱i̱ Yus Yamaram Chicham Najanamu

⁴ Wikia nuwa̱ ni uchirí̱n aneak miniakas tura naṉkas áyurea nútiksan ayurawarmiajai. Tura nin anena asan winí̱ winik tusan itiarmiajai.

Use. 11:4 Iomraidhean Croise

2 Sam. 7:14

Wi, ni Aparí̱ átatjai tura nisha Winia uchir átatui. Tura yajauchin túrakuiṉkia aentsun útsutkan asutmamtikiattajai.

YKan. 105:40

Tura namaṉke̱n seamainiakui puusha ániun ikiatkarmiayi. Núnisaṉ nayaimpinmaya̱ yurumkan yuáwar ejemakarmiayi.

Jiin. 16:32

Tura Muisais chichaak “Uunt Yus akupkámu ju̱i̱ti. Wi Ejiptunmaya̱ atumín Israer shuartirmin ji̱i̱ran kampuntin atsunum matsasan maná yurumkan ayuramiajrumna nuna atumí tiraṉki̱ ártatna nu ukunam iisar nekaawarmi tusarum chikichkí kumir áimkiarum ikiustarum tawai” tímiayi.

Anen. 1:4

Wearkata túrutawakmin wari wemí. Úunt akupniuka ni pujutái̱ri̱n jurukí̱ awa̱intiuáyi.” “Warainiakur ámiji̱a̱i̱sha wararnaisattaji. Wíniuja̱i̱ iniaṉkas ame aneṉkrattairmesha enentáimtittiaji. Tuma asaakminchash timiá anenmainia.”

Use. 2:8

Wi, tríkiun, wíniun, asuitin súmiaj núnaka niṉkia nekaachmai. Wi tí nukap kuítian kurin súarmajai. Nuja̱i̱ ni yusri̱n Páaran najanawarmai.

Riw. 26:13

Witjiai Ejiptunam matsatrumin nuyá̱ aentsu iniatairi̱ ára̱i̱ṉ tusan jí̱i̱rmiajrumna nu Uunt Yus atumí Yusri̱. Kame íniakur wáitkiatai matsatrumin Wi aṉkant awajsámiajrume túram paṉkairum naka wekasaitrume.

Juaṉ 12:32

Tura numiniam awajnaimtai ashí nuṉkanmaya̱ṉka shuar enentáimturartatui” tímiayi.

2 Kur. 5:14

Kame ashí ii túrajnia nu Kristu aneṉkrattairi̱ji̱a̱i̱ túraji. Kame ju̱ nékaji, Kristu ashí shuaran jaruku asamtai Yus íimmianum ashí iisha jaka núnisaitji.

Muis. 32:12

Uunt Yusak Niṉki nemaras tí peṉker júkiarmiayi. Kame Níya̱ṉka najankamu yuska peṉké atsuarmiayi.

Muis. 32:14

Waaka muntsurí̱ kuntutisha tura murikiu muntsurí̱sha núnisrumek murik yamatskamchi macharí̱sha nuyá̱ Pasannumia̱ muriksha tura chipiu áishmaṉka namaṉké̱sha núnisaṉ tí peṉker trikiu nere̱sha yuámiarme. Tura tí peṉker uwa ásar yumiri̱sha numpa tímianu kapantin umarmiarme.