Use. 11:3 - Yus Papí: Shuarja̱i̱ Yus Yamaram Chicham Najanamu

³ Túmainianak Eprain shuarnaka péṉker eṉkesan ewekámsarmajai túrasha Wi tsuáran wáiniarmaj núnaka peṉké nekamacharmai.

Use. 11:3 Iomraidhean Croise

YKan. 107:20

Ni chichame̱ja̱i̱ tsuararmai. Túrawar jákatniunmaya̱ aṉkant awajsarmai.

Jiin. 15:26

chicharainiak “Uunt Yus atumí Yusri̱ chichame̱n esetra antukrum Ni íimmianum péṉker túrakrumni̱ṉkia núnisaṉ Ni akupkámu chicham ashí péṉker umíakrumni̱ṉkia Ejiptunmaya̱ aentsun suṉkurja̱i̱ wáitkiasarmajna nútiksan atumniaka suṉkurnaka akuptúkchattajrume. Warí aya Wíkitjiai Uunt Yus atumín tsuártinniaka” tímiayi.

Jiin. 19:4

Tura atumsha Ejiptu aentsnum túramaj nu wainkiamarme. Tura atumniaka churuwia nanaki̱ wéana nútiksanak Winí̱ itiachmakajrum.

Jiin. 23:25

Antsu Uunt Yus atumí Yusri̱ṉ umirkatarum. Túrakrumni̱ṉkia yurumkancha umartinniasha amastatjarme núnisaṉ Wiki suṉkurnasha tsaṉkatkashtatjarme.

Isa. 1:2

Nayaimpir nayaimpitirmesha tura nuṉkamsha Uunt Yusa chichame̱ antuktarum. Warí Uunt Yus chichaak “Uchin tsakatmakan unuiniakarmajai. Túramaitiat nisha umirtutsuk kajertukarmai.

Isa. 46:3

Maa, Jakup shuartirmesha kame Israer shuara nu iwiaaku juákutirmesha akiintsurmini̱ṉ nukuí̱ eṉketrumni̱ṉ Wi achikma asarun antuktarum.

Jrm. 30:17

Kame Seúnnaka yaaksha e̱a̱tsui tusar Yussha ajapaiti turamainia ásarmatai Wikia péṉker awajsattajrume túran ame akaṉmármincha tsuarattajme” tawai Uunt Yus.

Jrm. 8:22

¿Kame Karaatnumka kuṉkuin tsuakka atsawak? ¿Tsuákratniuka nuiṉkia peṉkek atsuinia? Nui̱kia Wi shuara nawantri̱ tsuámartintri̱ṉkia ¿urukamtai atsá?

Use. 14:4

Nuyá̱ Uunt Yus jú̱nis tíniuiti. Wi kajerkámiaj núnaka Wikia kajinmátkiniaitjiai. Tuma asan ántichu ainia nunasha tsuártatjai túran ti aneawartatjai.

Use. 2:8

Wi, tríkiun, wíniun, asuitin súmiaj núnaka niṉkia nekaachmai. Wi tí nukap kuítian kurin súarmajai. Nuja̱i̱ ni yusri̱n Páaran najanawarmai.

Tur. 13:18

Túrasha atsamunam ii úuntri̱n kuaraintia uwí Yuska katsuntramiayi.

Muis. 8:2

Tura atumín aya kampuntin atsamunam Uunt Yus kuaraintia uwí enentáimtikramprataj tusa nekapramsamiarmena nu enentáimsatarum. Tura núnisaṉ ni akupkámu chichaman umirtukartimpiash tusa atumí enentái̱n nekartamattsa ewekátmasmiarme.