Use. 11:2 - Yus Papí: Shuarja̱i̱ Yus Yamaram Chicham Najanamu

² Túrasha chicháa chichareamsha Wini̱ya̱ṉka nu arant kanakiármiayi. Túrunawar najankamu yus Páaran enentáimtuiniak taṉkuncha núnisaṉ kuṉkuinniasha áestiarmiayi.

Use. 11:2 Iomraidhean Croise

1 Akup. 12:33

Tura ni wakeruk náṉkamas tsawantan achik nantu úchutin tura tsawantcha kínsetin námper najantai atí timia nu tsawantin Jirupuámsha Pitir nuṉkanam we Israer shuaran namperan najatamiayi. Tura áestutai̱niam ántar yusan kuṉkuinian áestuamiayi.

1 Akup. 18:19

Tuma asamtai yamaikia ashí Israer shuar tura ántar yúsnan etserin Paarna kuatrusiántu seṉkuintia tura Aseranu kuatrusiántu Jisawírji̱a̱i̱ iruntrar yurumáinia nu Karmiriu nainnium wiji̱a̱i̱ iruntrarat tusam ashí akupkarta” tímiayi.

Isa. 65:7

Atumí yajauchiri̱ni̱ṉ tura atumí aparí̱ naint ántar yusan kuṉkuinian áestuawar wishikruiniak yajauchin túrawaru ásarmatai nuna ashí iruran yaunchu ni túrawarua nuja̱i̱ métek ashí asutiátajrume” tawai Uunt Yus.

Jrm. 18:15

Túrasha Wi shuarka Wíniaka kajinmátrukiar najankamu yus ainia nuna kuṉkuinian áestuiniawai. Kame nuna túruiniak yaunchu túrutairi̱nkia kajinmatkiar ti awajirar wekainiawai. Túmainiak jintia péṉker iwiarkamunam wekaatsuk yajauch jintianmaani̱ wekainiawai.

Jrm. 35:13

“Ashí akupin Uunt Yus Israera Yusri̱ jú̱nis túramui, Jutanmaya̱ shuar tura Jerusaréṉnum matsatainia nui̱ wetá tura chicharainiakum jú̱nisam tiartá. ‘¿Winia chichamur umikiuk tusan jintintiajrumna nuka unuimiárchamniakaitrum?’ tawai Uunt Yus.

Jrm. 44:5

Túrasha átumka antutcha antukchamarme antsu atumí yajauchiri̱ṉkia iniaitsuk antsu nékashtai̱ yus ainia nu kuṉkuin áestuamarme.

Use. 11:7

Tumai̱ Wi shuarka ántichu ajasár umiktinniasha nakitiáiniak aya kájertuiniawai. Nuyá̱ Naṉkamantu Yúsaitme turutainiayataṉ ishichkisha páantin awajtuiniatsui.

Use. 2:13

Kame Páaran kuṉkuinian áestak kuishniun aki̱i̱tia̱i̱n aki̱a̱r tura tí shiirmach iwiarmamtaiji̱a̱i̱ iwiarmameak tsawantan ántar wasurka asamtai asutiáttajai. Túmak Wíniaka kajinmátruki̱ ni tsaniri̱ji̱a̱i̱ weúwiti” tawai Uunt Yus.

Sak. 1:4

Atumí we̱a̱trí̱ya̱ núnin áirap. Yaunchu Winia chichamprun etserin armia nu atumí we̱a̱tri̱n etserkar Ashí Akupin Uunt Yus jú̱nis tawai. ‘Atumí yajauch enentáimtairi̱ tura yajauch túrutairmesha iniaisatarum’ tuíniamaitiatan nékachu ajasár peṉké anturtukcharmiayi.

Sak. 7:11

Túrasha antuktinian nakitrarmiayi. Tura kajenak antuktinniasha nakitiáinia ásar kuishincha akiriarmiayi.

Ruk. 13:34

¡Jerusaréṉnumia̱tiram, Yúsnan etserin máiniaitrume tura Yus akatar akuptúrmakmania nusha kayaja̱i̱ tukurum máiniaitrume! Tuma ai̱ṉ atash ni uchirí̱n etektana núnisnak Wisha wéartajtsan wakerimjiarme túrasha nakitramarme.

Juaṉ 3:19

Yusa Uchirí̱ tsáapninia áintsaṉ ii yajauch túramuri̱n paant awajtúrmaji. Nu tsáapnisha ju̱ nuṉkanam táraiti. Shuar tunáa ti tura ásar tsáapninian nakitrar kiritniun wakeriarmai. Nuna tura ásar jinium surunkaruiti.

Tur. 7:51

Tura átumka Israer shuartirmeka atumí enentái̱ji̱a̱i̱ tuke umichuitrume. Atumí kuishi̱sha weaktsui tura Yus nékachua núniniaitrume. Yusa Wakaní̱ji̱a̱i̱sha tuke nemasnaikiaitrume. Tura atumí yaunchu úuntri̱ji̱a̱i̱ métek túrarme.

Suma. 10:6

Túrasha Israer shuarka Paarja̱i̱ Astarten enentáimtuiniak Uunt Yus íismaka ti yajauchin túrawarmiayi. Túmainiak Sírianmaya̱n Setunnumia̱n Muápnumia̱ncha Jiristíanmaya̱ncha nuyá̱ Amun aentsu yusri̱ áiniana nuna enentáimtuiniak Uunt Yus enentáimtustinniaka peṉké kajinmatkiarmiayi.

Suma. 2:13

Úunt Yusnaka iniaisar najankamu yusan Páaran tura Astarten tikishmátiarmiayi.

Suma. 3:7

Israer shuarka Uunt Yus íimmianum ti yajauchin túrawarmiayi. Túmainiak ni Uunt Yusri̱nkia kajinmatkiar Páaran tura Aseran ántar yusan umirkarmiayi.