Use. 11:11 - Yus Papí: Shuarja̱i̱ Yus Yamaram Chicham Najanamu

¹¹ Núnisaṉ Ejiptunmaya̱sha chiṉkia ántsar tura Asirianmaya̱ṉka yámpitsa núnisar kuraṉkiar káutkartatui. Túran ni je̱e̱ni̱ṉ matsasártatjai Uunt Yus tíniuiti.

Use. 11:11 Iomraidhean Croise

Isa. 11:11

Ántsaṉ nu tsawantinkia Ni shuari̱n Asirianam, Ejiptunam, Pátrusnum, Itiupíanam, Iramnum, Senarnum, nuyá̱ Amat nuṉkanam tura nayants yantamnumsha ishichik juákaru pujuinia nuna Uunt Yus ni kakarmari̱ji̱a̱i̱ awakearartatui.

Jrm. 31:12

Kame káunkar Seun naintia tsakari̱n Yusa náari̱n shiir awajsártatui. Warí Uunt Yusa péṉkeri̱n yurumkan tura umutairi̱ yamarman nuyá̱ asuitin núnisaṉ murikji̱a̱i̱ waaká uchirí̱ncha tseke káutkartatui. Tuma asa aja entsa tuke ukatmá urukuit nuja̱i̱ métek átatui. Túmainiak atakka peṉké wáitsachartatui.

Isk. 34:27

Núnisaṉ numisha nereartatui tura nuṉkasha yurumkan tí peṉker sútatui. Túmakui̱ aṉkantniunam ti shiir ní nuṉke̱ni̱ṉ matsamsartatui. Tura ni wáitiamuri̱ya̱sha núnisaṉ takamtikiainia nuya̱sha aṉkant awajsaram Wikia Úunt Yusaitjiana nuna ti paant nekarawartatui.

Isk. 34:28

Túrunamtaiṉkia chíkich nuṉkanmaya̱ aents itiurchat awajtai̱ matsamin áiniayat atakka peṉké túrachma matsamsartatui. Tura yajasma yukartin ainia nusha yúchartatui. Nui̱ṉkia ti shiir aṉkant pujuiniak yaaksha awakkachma matsamsartatui.

Isk. 37:21

Tura chicharainiakum ‘Uunt Yus Ashí Aentsu Uuntri̱ chichaak “Yamaikia Israer shuaran yajá nuṉkanam tsakiṉmakarun ataksha awakearan ni nuṉke̱ni̱ṉ ikiankartatjai” tíniuiti Uunt Yus’ titiá.

Isk. 37:25

Winia takartin Jakupan nuṉkan susamiaj nui̱ matsasártatjai tura ni we̱a̱tri̱ matsamtainmaṉ pujusártatui. Nui̱ṉkia ni uchirí̱sha nuyá̱ nuna uchirí̱sha tura ashí ni shuarak nui̱ṉ tuke pujusártatui, tura Winia takartin Tawit ni úuntri̱ṉkia átatui.

Use. 3:5

Tura Israer shuarka ataksha ni Uunt Yusri̱ enentáimturar ni akupniúri̱ Tawitiai̱ waketkiartatui. Tura amúamu tsawantinkia Uunt Yusan ashamainiak kuraṉkar waitnenkartutairi̱n seawar Nin weantúkartatui.

Apt. 1:17

Maa nui̱ Seun naintnium juákaruka uwempraru ártatui. Nu naintkia aya Yusnak akantúkma átatui. Nuya̱ṉka Jakup aentska mashⁱ ni takaku armia núnaka awaṉtumprartatui.

Sak. 8:7

Ashí Akupin Uunt Yus chichaak ‘Ashí nuṉkanmaya̱n etsa̱ tatainmaani̱ya̱n tura etsa̱ akatainmaani̱ matsatainiancha wi shuar ásarmatai uwemtikrartatjai.

Sak. 8:8

Túran Jerusaréṉnum ikiankan matsasártatjai. Niṉkia Wi shuar ártatui tura Wikia ni Yusri̱ asan nekas tájana nuna umikian niji̱a̱i̱ péṉker túrin tuke átatjai.’