Use. 10:8 - Yus Papí: Shuarja̱i̱ Yus Yamaram Chicham Najanamu

⁸ Awinkia náintri̱n najankamu yus áestakur enentáimtutai̱ Israer shuar yajauch túrutai̱ ainia nuka mash emesnakartatui. Nui̱sha naraja̱i̱ jaṉki tsapakartatui. Túmainiakui náintian chicharainiak “Yumpunkim yutukratam ú̱kratkata” tiártatui.

Use. 10:8 Iomraidhean Croise

Naṉ. 3:8

Nuyá̱ kí̱arai̱ mayai̱ túpututu ajamunam nui̱ Uunt Yus wekaamun áishmaṉ nuwe̱ja̱i̱ antukarmiayi. Uunt Yus winiawai tusar ajanmaani̱ numi írunmanum u̱mpruktai tusar tsékeṉkiarmiayi.

1 Akup. 13:2

Tura Uunt Yus akupkámu asa áestutai̱n kakantar chicharuk “Áestutai̱yá áestutai̱yá Uunt Yus chichartamuk ‘Tawit shuarnum uchi Jusías náartin akiiniattawai. Tura naint najankamu yus enentáimtutai̱niam nú yusnan takarin kuṉkuinian aminí̱ áesawarua nunasha aminí̱ṉ máwartatui núnisaṉ aentsu ukunchí̱ncha aminí̱ṉ áeskattawai’ tawai” tímiayi. 2 Akup. 23:15-20

1 Akup. 13:34

Tura Jirupuám nú tunaan tura asamtai ni aentssha núnisaṉ túruinia ásar nú aentska peṉké amuukarmiayi.

1 Akup. 14:16

Tura Jirupuám tunaan túrak Israer shuarnasha tunaan túrumtikiawaru ásarmatai Israer shuarnaka chíkich aentsnum suruktatui” tímiayi Ajías.

2 Akup. 23:15

Núnisaṉ Pitirnum Jirupuám áestutai̱n najanamia nunasha áesak emesak yuṉkunim awajsámiayi tura Asera numiri̱ncha áestuamiayi. Áitkiasaṉ aents iwiarsarma naint irunmia nuna Jusías wainiak ukunchniaka jura áestutai̱ armia nuna mui̱jmiai̱ awajkartaj tusa nui̱ áeskamiayi. Tura Jusíaska najanamu wajana ¿ausha warimpiait? tusa anintrúsmiayi. Tutai chicharainiak “Auka Jutanmaya̱ Yusan enentáimtin áishmaṉ ame yamái túrukumna nuna mash etserkamia nu iwiarsamuiti” tiármiayi. Tutai “Yaaksha nú ukunchniaka antiṉchati ánik iniaisatarum” tímiayi. Kame Jusíaska Samarianmasha najankamu yus enentáimtutai̱ Uunt Yusan akajkarmia nunasha Pitirnum itiurkamia núnisaṉ mui̱jmiai̱ awajkámiayi. Kame Jusíaska najankamu yus enentáimtutai̱niam takakma armia nuna máwar ni ukunchí̱ncha nuiṉ áestukarmiayi. Nuna túruk ikiuak Jerusaréṉnum waketkimiayi.

Isa. 2:19

Uunt Yuska aentsun asutiak nuṉkan umuchiakui tura Uunt Yus tsuumai̱ nuyá̱ ni kakarmari̱sha jíitsumir ajakui aentska kayá wá̱a̱nam tura nuṉká wá̱a̱nmasha ú̱mkartatui. YKan. 18:7; Isa. 13:11-13; Aji. 2:6-7

Isa. 2:21

Uunt Yus ashamái̱ tí wincha jíitsumir ajas nuṉkan umuchrataj tusa winiakui aents ashamianiak kayá wá̱a̱nam tura nuṉká wá̱a̱nmasha ú̱mkartatui.

Use. 10:2

Kame ni enentái̱ji̱a̱i̱ anaṉmainiawai. Tuma ásar yamaikia niṉki makumarartatui. Tura najanamu yus áestutai̱ncha nuyá̱ kayá yusri̱ncha Uunt Yus yumpuntrar tsairartatui.

Use. 10:5

Tura Samarianmaya̱ aentska najankamu yus Pitiawínnium kuriji̱a̱i̱ waaka najanamu ana nuna enentáimtuiniak jurutrámkiartatjiapi tusar ashamainiak núnisaṉ nú yusnan takarniusha ni winchari̱n wararí̱n ainia nusha tí kuntuts enentáimsar úttiartatui.

Use. 10:9

Maa Israer shuartirmeka Kawaanam pujumiarmena nuya̱ṉ tunaaka túruki̱ winiarme. Tura yamaisha nui̱ṉ matsatrume. Kame netse aentsun Kawaanam mesetan najatawarmaj nuka átumka nekachmakarum.

Use. 2:6

Tura ni jinti̱nkia jaṉkiji̱a̱i̱ akirtuktatjai tura jaṉkin irutrattajai. Túram ni jinti̱nkia nekashtatui.

Ams. 3:14

“Kame Israer shuar Yusan nakitín ántichun asutiáwartataj nu tsawantinkia Pitirnum najankamu yus aestutai̱ ainia nunasha emeskartatjai. Túram aestutai̱ kachurí̱ncha kupiraram nuṉkáa utsanawartatui.

Ams. 7:9

Isaka nuṉké̱ mura ainia nusha emesnarartatui. Tura Isaka shuari̱ ántar yus enentáimtakur aestutairi̱ncha emestukaran Israernum Yus Shiir Awajtai̱ Je̱a̱ ainia nunasha jú̱nik awajsattajai. Tura úunt akupin Jirupuáma shuari̱ṉkia puya̱ja̱i̱ amukártatjai” turutmiai Jiuwá.

Mik. 1:5

Kame ashí nusha Jakup péṉker umikchamuja̱i̱ nuyá̱ Israer shuara yajauch túramuri̱ji̱a̱i̱ nuka túrunattawai. Tura Jakupa umikchamuri̱sha ¿tuit? Nuka Samariachukait. Tura Israer shuara tunaarí̱sha ¿tuit? Nuka Jerusaréṉnumchakait.

Ruk. 23:30

Nu tsawantai̱ aents chicharainiak ‘Naint iin nekentmak yuturmártai’ Isa. 2:19; Use. 10:8; Apu. 6:16; 9:6 tiártatui.

Muis. 9:21

Túran kuriji̱a̱i̱ waaka nakumka najanarum tikishmáteakrum tunáa túramarum nuna jinium apeamjai. Nuyá̱ tsai̱ tsái̱san ju̱yu̱mkan nú náinniumia̱ ashints tauya nui̱ utsamiajai.

Apu. 6:16

Túrawar náintniasha kayancha tiarmai “Asutniátin tsawant jeayi. ¿Yaki aun katsuntrat? Nu asamtai saanakim iin yutukratáta. Túrarum Murik ti asutiámataj nuya̱sha tura akupin pujana nuya̱sha ú̱kratkata” tiarmai.

Apu. 9:6

Nui̱ shuar wari jakataj tuíniayataṉ jákachartatui. Ti wakeruiniayataṉ jákatniun tujintkiartatui.