Use. 10:2 - Yus Papí: Shuarja̱i̱ Yus Yamaram Chicham Najanamu

² Kame ni enentái̱ji̱a̱i̱ anaṉmainiawai. Tuma ásar yamaikia niṉki makumarartatui. Tura najanamu yus áestutai̱ncha nuyá̱ kayá yusri̱ncha Uunt Yus yumpuntrar tsairartatui.

Use. 10:2 Iomraidhean Croise

1 Akup. 18:21

Tura Irías, Israer shuar iruntramunam weanak chichaak “Atumsha jimiará enentái enentáimprumna nusha urutáintsuk iniaisatarum. Tura Uunt Yus nekas Yúsaitkiuiṉkia niṉki nemarsatarum núja̱i̱ṉchuka Paar nekas Yúsaitkiuiṉkia nuke enentáimtustarum” tímiayi. Tákui̱sha Israer shuarka peṉké áimkiacharmiayi.

Jiin. 23:24

Tura ní yusri̱sha enentáimtakrum tikishmátrairap núnisaṉ ni túrutairi̱sha túrawairap. Antsu ashí kayaja̱i̱ najankamu yus enentáimtutai̱ ainia nuka tsairarum emestuktarum.

Neka. 11:18

Yusan enentáimtichua nuna túrutairi̱ṉkia ántraja̱i̱ akikma áiniawai. Antsu nekasa nuja̱i̱ túrinia nuka ukunam amukachminia nuja̱i̱ akinkiáttawai.

Isa. 44:18

Ju̱ aentska ji̱ epetkamu asar wáinmainiatsui tura enentáimias nekaawai tusar enentái̱ akirtuamu áiniawai.

Jrm. 43:13

Nútiksaṉ Ejiptu nuṉkanam Pitsimísnum nakumkar najankamu írunna nunasha emeskattawai. Túrak najankamu yusa je̱e̱ írunna núnaka áeskattawai” tawai’ ujakárta” tímiayi.

Use. 12:11

Karaatnum tunáa ákuiṉkia nú nuṉkaka peṉké antar awajnástatui. Tura Jirkarnum waakan máwar áesainiakuisha ni áestutairi̱sha kaya tsairma arant tepetar ajainia núnikiartatui.

Use. 13:16

Samarianmaya̱ aentska ni Yusri̱n nakitiáiniak enentáimtuscharu ásar asutniáwartatui. Kame puya̱ja̱i̱ awatiar núnisaṉ uchincha aji̱a̱rar tura nuwa̱ ajamtin ainia nunasha ajape̱ máwartatui.

Use. 3:4

Israer shuar núkap tsawant akupniúrtichu tura úuntri̱ncha pujusártatui. Núnisaṉ taṉkuncha maa áestutsuk tura ántar yusri̱ncha kayaja̱i̱ nakumkar najantsuk pujusártatui. Nu arant Yúsnan takarkur awaṉketai̱ tura nekatai̱ kayarí̱sha nuyá̱ najanamu yus nekaatai tusar inintrútai̱ najankamusha atsuartatui.

Riw. 26:30

Túran najankamu yus átum enentáimtutai̱ naint írunna tura átum kuṉkuin áestutai̱ írunna nunasha emestuktatjarme. Tura atumí aya̱shí̱ kajinkiáru irumpramunam atumí yusri̱ kajinkiáru áiniana nunasha atumí aya̱shí̱ji̱a̱i̱ apatkan irumprattajai. Túran Wikia peṉké muí̱jkiattajrume.

Sup. 1:5

Tura je̱a̱ yakí̱ pujusár nayaimpiniam kakaram írunna nunasha tura nekas umirkattajai tusar Jiuwáa náari̱ncha páchiniayatan Mírkum yusa náari̱ncha pachisar nekas umirkattajai tuínianka amukártatjai.

Sak. 13:2

Núnisaṉ nu tsawantinkia ju̱ nuṉkanam najankamu yus írunna nuna náari̱nkia ashí asakátrartatjai. Kame nu túramka atakka núnaka peṉké enentáimtuschartatui” tawai Ashí Akupin Uunt Yus. “Núnisaṉ ju̱ nuṉkanam najankamu yúsnan etserin írunna nunasha tura yajauch wakanniasha amuktatjai.

Mat. 6:24

Shuar jimiará úuntri̱n umirkatniun tujintiawai. Chikichan wakerak chikichnaka nakitrattawai. Chikichan umiruk chikichnaka umirkashtatui. Núnisaṉ átumka Yussha kuitcha mái̱mtek enentáimtustin tujintkiattarme.

Ruk. 16:13

Takarniúri̱ jimiará úuntrintin ajastinian tujintiawai. Warí, chikichnaka aneak chikichnaka nakitrashtatuak. Chikichan umiruk chikichnaka umirkashtatui. Yussha tura kuitcha mái̱ metek enentáimtuschamniaitrume” tímiayi Jesus.Mat. 6:24

San. 1:8

Shuar jimiará enentáimna nuka shiir wekasatniun tujintiawai.

San. 4:4

Jú̱ nuṉkanmaya̱ wakerakum Yusa nemasri̱ji̱a̱i̱ tsanirma áintsaṉketrume. Atumsha nékatsrumek. Jú̱ nuṉkanmaya̱ṉ wakerakrikia Yusa nemasri̱ntji. Shuar ju̱ nuṉkanmaya̱ṉ wakerakka Yusa nemasri̱ ajawai.

1 Jṉ. 2:15

Aya aentsnumia̱ ana nu yakiya̱nchuiti. Apa Yus súsachuiti. ¿Warimpiait nu? Ju̱i̱ti, ame aya̱shim wakerana nusha ame iisam takustaj támena nusha tura naṉkamantu ajastin. Nuka ju̱ nuṉkanmaya̱ áiniawai. Shuar aya nunak wakerak Yúsnaka aneatsui. Kame ju̱ nuṉkasha amuukattawai. Ashí nu wakeruktincha ti nekas amuukattawai. Túrasha shuar Yusa wakeramuri̱n umíana nu tuke iwiaaku pujustatui Yusja̱i̱. Nu asamtai atumsha ju̱ nuṉkanam ana nu pachikiairap. Tura aya ju̱yá̱ ana nu aya tákustin enentáimsaip.