Use. 10:10 - Yus Papí: Shuarja̱i̱ Yus Yamaram Chicham Najanamu

¹⁰ Wikia wakeraj nui̱ asutiáwartatjai tura mui̱jmiai̱ jimiará ajakármanum nin asutíniakui ashí nuṉkanmaya̱ aents kajerkar irunturartatui.

Use. 10:10 Iomraidhean Croise

1 Akup. 12:28

Tura anintrus chíkich aentsu chichame̱n anturak úunt akupniuka jimiará waaka uchichin kuriji̱a̱i̱ najanamiayi. Tura aentsun chicharainiak “Jerusaréṉnum ti wakettsa pujusúrme. Tuma asamtai Israera, pai yamaikia, nekaatarum ju̱i̱ti atumí yusri̱ṉkia, Ejiptunmaya̱ ji̱i̱rmarmiarmena nú yusaiti” tímiayi.

Isa. 1:24

Tuma asamtai Ashí Akupin Uunt Yus Israera Yusri̱ kakaram asa nin kajerainia núnaka tura nemasri̱ncha yapajmiátkartatui. Tura amú amú awajsártatui. Nuya̱ṉka yaunchu amia núnisaṉ sumamtikniuncha tura aentsu chicharniuncha matsasártatui. Túrunamtai ju̱ka “Nekas péṉker tura naka túrin pépruiti” tunattawai.

Jrm. 16:16

Nekaata Uunt Yus ju̱na tawai. Namakan achin ainia nuna Wi ti untsurí akupeajai túram achikiártatui. Núnisnak untsurí e̱a̱mniun akuprattajai tura ashí naint ainia nui̱sha tura ashí naint tépepranmasha tura kaya wa̱a̱ ainia ímianaisha wekasar e̱a̱mkartatui.

Jrm. 21:4

‘Israera Yusri̱ Uunt Yus jú̱nis tawai “Mesetnum mánitiai takakrumna nunak atumniak Wi ipijmiamtikiatajrume. Papirúnianmaya̱ úunt akupniuja̱i̱ mániarmena núnaka Kartíu aentsnasha tanishnum a̱a̱ áreṉka matsatrumna nui̱ Wi jú̱ pepru ajapéri̱n irurtatjai.

Isk. 5:13

Nu túruna naṉkaamasmatai Winia kajekmar amukáttawai tura Winia kajetair nekanati tusan ni yajauch túramuja̱i̱ métek asutiáwartatjai. Nuna túran Wikia suíran mikirtatjai. Antsu nu ashí uminkiamtai Wi Uunt Yus tunaaja̱i̱ matsamsara̱i̱ tusan tí akasma asan túramaj nuna paant nekaawartatui.

Use. 10:9

Maa Israer shuartirmeka Kawaanam pujumiarmena nuya̱ṉ tunaaka túruki̱ winiarme. Tura yamaisha nui̱ṉ matsatrume. Kame netse aentsun Kawaanam mesetan najatawarmaj nuka átumka nekachmakarum.

Mat. 22:7

Túramtai úunt akupin ti kajek ni suntari̱ mash mátarum túrarum ni je̱e̱ mash ekemáktarum tusa akupkarmai.

Muis. 28:63

Núnisaṉ atumín shiir tura untsurí awajtamuk Uunt Yus ti shiir warasmia núnisaṉ yamaikia atumín yajauch awajtámas amutmaktaj tusa warastatui. Tuma asarum nuṉka nérentin ajastaj tusarum waya̱ttarmena nuya̱ṉka ji̱i̱rma átatrume.