Use. 1:7 - Yus Papí: Shuarja̱i̱ Yus Yamaram Chicham Najanamu

⁷ Antsu Jutanmaya̱ shuarnaka waitnentraran tíshimkiuja̱i̱nchu ántsaṉ puya̱ja̱i̱nchu tura kawaiji̱a̱i̱nchu nu arantcha mesetchaja̱i̱ antsu Ni Uunt Yusri̱ kakarmari̱ji̱a̱i̱ uwemtikrartatjai” tímiayi.

Use. 1:7 Iomraidhean Croise

2 Akup. 19:29

Maa Esekíasa ju̱ja̱i̱ nekaata. Ju̱ uwitinkia kakek tsapak nerettana nuyá̱ yurumtiatme tura jimiará uwitincha núnisaṉ kakek tsapak nerettana nuya̱ṉ yurumtiatme. Tura menaintiú uwitinkia arakmam júuktatme. Tura uwa arakmam nere̱ juukam yuáttame.

2 Akup. 19:34

Kame Winia aneṉkrattairja̱i̱ nuyá̱ winia takartin Tawitian shiir enentáimtakun, ju̱ péprun ayamprúkan uwemtikrattajai tawai Uunt Yus titiarum” tusa Isayas Yusa chichame̱n akatmamar Esekíasan akuptúkmiayi.

2 Akup. 19:35

Tura Asirianmaya̱ suntar siantu uchaintiséṉku mir armia nuna nu kashi Uunt Yusa suntari̱ tarí mash mesetan matsamtúkarmia núnaka máwarmiayi. Tura chíkich armia nuka kashin káshik nantakiar íimiaj tukamá jaka tepetar ajainian wáinkiarmiayi.

2 Akup. 6:18

Nuyá̱ Sírianmaya̱ suntar winitiáiniam Iriséu Uunt Yusan seak “Ju̱ aents ji̱ ukusturarta” tímiayi. Takui̱ Iriséu seamia tímiatrusaṉ ji̱sha kusurú juákarmiayi.

YKan. 33:16

Úunt akupniuka untsurí suntarja̱i̱sha uwemchaiti núnisaṉ kakarma nuka ti kakarmaitiat niṉki pisarchamniaiti.

YKan. 44:7

Kame aya Amek ii nemasri̱ya̱ uwemtikkiarturume. Túram iin kajertamainiajⁱ nusha iniatsá̱rarume.

Jiin. 14:13

Tura nuna tuíniakui Muisais Israer shuaran chicharainiak “Sapijmiakairap antsu kakaram ajastarum. Uunt Yus iin waitnentramar uwemtikrampratajnia nu yamái wainkiattarme. Tura Ejiptu aents yamái wáintrumna nuka atakka peṉké wáinkiashtatrume.

Jiin. 14:30

Nu tsawantin Uunt Yus Ejiptumaya̱ aents, Israer shuaran pataatiarmia nuyá̱ uwemtikrarmiayi. Núnisaṉ Israer shuar Ejiptunmaya̱ aents jakekaru aya̱shi̱n nayantsa yantamén tepenan wáinkiarmiayi.

Isa. 12:2

Wats iistá, winia uwemtikriṉkia Yúsaiti. Aya Nin tuke enentáimta asan peṉké sapijmiakchattajai. Warí winia ikiakátniuka tura kantarka Uunt Yúschakait. Tura winia uwemtikrinkia Níṉkiti” turuttiatrume.

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Jrm. 25:5

Warí Yúsnan etserin chichainiak ‘Atumí netse enentáimtairi̱sha tura yajauch túrutairi̱sha iniaisatarum. Túrakrumka Uunt Yus atumín tura atumí úuntri̱n nuṉkan amasuítrumna nui̱ iniaṉnatsuk tuke matsamsattarme.

Jrm. 25:6

Najankamu yus áiniana nu enentáimtakrum tikishmátrairap. Núnisaṉ atumek najankayatrum ju̱i̱ti Yus tusarum peṉké antrarum shiir awajeakrum akajtukairap. Nu túrachkurminkia Wisha yajauchikia awajsashtatjarme’ tawai Uunt Yus tiarmai.

Jrm. 33:26

nuiṉkia Wikia Jakupa tiraṉki̱ncha tura Winia takartin Tawitia tiraṉki̱ncha nakitrartatjai. Tura Tawitia uchirí̱nkia Aprajáma uchirí̱n, Isaknasha núnisan Jakupnasha, nin úunt akupin ajasarti tusan apujsashtatjai. Antsu nekas Wikia nin péṉkernum apujsattajai túran waitnentrartatjai’ tawai” tímiayi.

Use. 1:8

Nuya̱ṉka Kumir uchin Ru-rujaman utsurak ataksha ajapruk uchin áishmaṉchin takusmiayi.

Use. 11:12

Kame Eprainkia waitji̱a̱i̱ tura Israerka anaṉkartutaiji̱a̱i̱ téntatkarai. Tura Jutaka Tunaarincha Yusan anaṉkartutsuk tí peṉker wáinkiartinian nékayat Yusai̱ya̱ kanakiar ní wakeramun túruiniawai.

Sak. 4:6

Nuya̱ṉka jintintrak chichartak “Ju̱ka Uunt Yus Surupapíran chichaman akuptana nuiti. ‘Suntarja̱i̱nchu núnisaṉ kakarmaja̱i̱nchusha antsu Winia Wakantruja̱i̱ tawai Ashí Akupin Uunt Yus.

1 Sam. 17:47

Tura ju̱i̱ irunar pujuinia ju̱sha Yuska puya̱ja̱i̱ṉkia tura naṉkiji̱a̱i̱ṉkia yáiṉkratcha nuna nekaawartatui. Jú̱ mesetka Úunt Yusnaiti. Yamái ii awakmáktinian Ni yaintmaktatji” tímiayi.