Use. 1:1 - Yus Papí: Shuarja̱i̱ Yus Yamaram Chicham Najanamu

¹ Tura Jutanmaya̱ṉka Usías núnisaṉ Jutam tura Akaas nuyá̱ Esekías akupin pujuarmia nui̱ tura Israernumsha Juasa uchirí̱ Jirupuám akupin pujamunam Uunt Yus Pirí uchirí̱ Useasja̱i̱ chichasmiayi.

Use. 1:1 Iomraidhean Croise

2 Akup. 14:23

Kame Jutanmaṉka Juasa uchirí̱ Amasías úunt akupin ajas kinse uwí pujamunam Israernumka Juasa uchirí̱ Jirupuám úunt akupin ajas kuaraintiúnu uwí Samarianam pujusmiayi. Nisha chíkich túrawarmia núnisaṉ Uunt Yus iismasha yajauchinkia túramiayi. Tura Israera Yusri̱ Uunt Yus timia nuja̱i̱ métek Israera nuṉké̱ tesamuri̱n Repuamátnumia̱ juárkin Arapánmaya̱ nayantsa tímianai ataksha iwiarkamiayi. Kame Israer shuar ti wáitiainiakui tura yáiṉtincha atsá asamtai Uunt Yus waitnentrar núnaka túramiayi. Núnisaṉ Israer shuarnaka ashí amuk ni náari̱ncha asakátrartinniaka wakerachu asa Uunt Yus Israer shuarnaka Jirupuámja̱i̱ uwemtikrarmiayi. Kame Jirupuáma chíkich túrawarmari̱nkia Israernumia̱ Úunt Akupin Túrunawarma Aatai̱ papinium aakma áiniawai. Tura Jirupuámka jakamtai ni uchirí̱ Sakarías Israernumka úunt akupin ajasmiayi.

2 Akup. 15:32

Israernumka Pikia úunt akupin ajas jimiará uwí pujamunam Usíasa uchirí̱ Jutam Jutanmaṉka úunt akupin ajasmiayi. Kame paintiséṉku uwí takaku akupin ajas tiasisáis uwí akupkámiayi. Kame niṉkia péṉkeran túramiayi túrasha najankamu yus enentáimtutai̱ armia núnaka emeskacharmiayi. Jutamka Uunt Yusa Je̱e̱n waiti nekas páantniuya nuna najanamiayi. Nuya̱ṉka mesetan najatawarat tusa Asirianmaya̱ úunt akupniun Resenan tura Israernumia̱ Remarías uchirí̱ Píkian Uunt Yuska Jutá shuaran akuptan naṉkamamiayi. Tura Jutamka jakamtai ni uchirí̱ Akaas Jutanmaṉka úunt akupin ajasmiayi.

Isa. 1:1

Uunt akupin Usías tura Jutamsha Akaassha nuyá̱ Esekíassha Jutá nuṉkanam úunt akupin pujuarmia nu tsawantin Amusa uchirí̱ Isayas Jutá nuṉkanam tura Jerusaréṉ péprunam túrunattana nuna ímiaja̱i̱k wainkiamiayi.

Isa. 7:1

Kame Usíasa uchirí̱ Jutam tura Jutama uchirí̱ Akaas Jutá nuṉkanam úunt akupin pujumiayi. Núnisaṉ Siria nuṉkanam úunt akupin Resen tura Israer shuara akupniúri̱ Remaríasa uchirí̱ Píkiaja̱i̱ iruntrar Jerusaréṉ pépruja̱i̱ mániatai tusar káutkarmiayi túrasha nupetkacharmiayi.

Jrm. 1:2

Kame Amuna uchirí̱ Jusías Jutá nuṉkanam akupin ajas traise uwí pujamunam Uunt Yusa chichame̱ Jirimíasan tarimiayi.

Jrm. 1:4

Nuya̱ṉka Uunt Yus chichartak

Juir 1:1

Ju̱i̱ti Uunt Yusa chichame̱n Pitiuira uchirí̱ Juir etserkamu.

Ams. 1:1

Kame Jutá shuara akupin Usías tura Israer shuara akupniúri̱, Juasa uchirí̱ Jirupuám pujuiniai̱ ú̱u̱rkatin jimiará uwí taasu ai̱, Tekua péprunmaya̱ áishmaṉkan murikiu wáinniun Amusan Israer shuarnum túrunattana nuna Yus ujakmiayi.

Jns. 1:1

Uunt Yus Amitiái uchirí̱ Junasan chicharuk

Mik. 1:1

Jutanmaya̱ úunt akupin Jutam, Akaas tura Esekías pujusármia nu tsawantin Samaria tura Jerusaréṉ túrunatniun Muresétnumia̱ Mikíasan Uunt Yus iniaktusmia nuna Mikías etserkamia nuka ju̱i̱ti.

Sak. 1:1

Kame Taríu, úunt akupin jimiará uwí tura uchu nantu pujái̱ Itiu tiraṉki̱ Pirikíasa uchirí̱n Yúsnan etserniun Sakaríasan Uunt Yus chicharuk

Juaṉ 10:35

Kame Yus Papinium aarma nu tuke nekaschakait. Tuma asamtai ni chichame̱n antukarun Yuska ‘yúsaitrume’ takui̱ nuikia ti nekaschakait.

Rum. 9:25

Núnisaṉ yaunchu Yúsnan etserin Useas Yus Papinium tawai “Wí shuarchan Wí shuar awajsattajai. Aneachmancha aneamu awajsattajai.*Use. 2:23

2 Pit. 1:21

Warí, Yúsnan etserin aya ní enentái̱ji̱a̱i̱ṉ peṉké etserkacharmiayi. Antsu Yusa Wakaní̱ ni enentái̱n útsuam Yusna nuna etserkarmiayi.