Tit. 3:3 - Yus Papí: Shuarja̱i̱ Yus Yamaram Chicham Najanamu

³ Warí, Yuska umirtsuk iisha núnisrik Yus shuar ajatsuk náṉkamsar wekaimji. Tura íwianch emetamu pempée wekaimji. Tura ii aya̱shi̱ wakeramu tuke túriniuyaji. Tunaasha túriniuyaji. Chíkich atankittsar wakeriniuyaji. Chíkich shuar kajerkar tura nuamtaksha kajernainiuyaji.

Tit. 3:3 Iomraidhean Croise

Naṉ. 38:9

Túrasha Unanka uchi akiiniakuisha yachí̱ jakáa náari̱n anaikiatniun nakitiak yatsuru pampaṉmári̱ atsutí tusa waje̱ja̱i̱ tsaníaksha ajaprumtiki̱a̱i̱j tusa nuṉká ajapmiayi.

Naṉ. 39:16

Tura aishri̱ támatai iniaktusmi̱j tusa Jusé awaṉkémpri̱n ikiusmiayi.

YKan. 36:2

Tuma ásar ni yajauch túrutairi̱ nekarna nakitniartatna núnaka enentáimtsuk, ni íimiaskeka witsukaitjia péṉkerna tu enentáimiainiawai.

Neka. 8:5

Nékachutiram péṉker enentáimkia átin tura péṉker enentáimkiachutiram neka ajastin unuimiátratarum.

Neka. 9:6

Netse enentáimtai̱ya̱ nuka iniaisatarum. Tura neka ajasrum pujustarum” tu untsumkarmai.

Isa. 44:20

Yuṉkunmin yuíniawai, ni enentáinkia anaṉka yajá pemperayi. Ni wakaní̱ṉkia aṉkant awajtatsui tutancha tatsui. ¿Untsuur uwejrui̱ takakjana nuka wáitchakait?

Apt. 1:3

Ame naṉkamantu enentáimtumamuk anaṉkramaiti. Amesha muchiṉ tsentsakamunam ti yakí̱ pujakum ame enentáimtumasmek ‘¿Winiasha yaki nuṉkasha aju̱ntrat?’ túmamme.

Mat. 21:29

tutai uchi ‘Atsá, nakitiajai’ táyat urum enentáimiar takaumai.

Ruk. 21:8

Tutai Jesus chicharuk “Aneartarum, anaṉnawairap. Nekaatarum. Winia náarun pachisar ‘Wi Krístuitjiai’ tuinia ti untsurí jíintrartatui. ‘Nuṉka amuukatin jeayi’ tu etserkartatui. Tuíniakui anturkarum nemarsairap.

Juaṉ 8:34

Jesus chichaak “Timiá nekasaiti, ashí shuar tunaan túruinia nuka nu tunaaja̱i̱ emetamuiti. Tuma asa takarniua núnisaṉ ajasuíti.

Rum. 11:30

Átumka yaunchu Yus umirchauyarme. Tura yamaikia Israer shuar umirainiachkui Yus atumín waitnentramarme.

Rum. 6:12

Nu asamtai tunaaka aya̱shmíin akuptámkashtiniaitrume. Aya̱shí̱ wakeramuri̱ umirkashtiniaitrume. Aṉkantaitrume.

Rum. 6:17

Atumsha yáunchuka tunáa umirniuitiatrum ikiukrum yamaikia nekas chicham antukurmena nu nekas atumí enentái̱ji̱a̱i̱ umirkaitrume. Tuma asamtai Yus ti yumiṉsatniuiti.

Rum. 6:22

Antsu yamaikia tunaanumia̱ uwempra asarum Yus umirniuitrume. Antsu ju̱ka Yusja̱i̱ shiir wekasatniunam júawai tura nuyá̱ tuke iwiaaku pujustatrume.

Rum. 6:6

Yaunchu enentáimtai̱ṉkia Krístuja̱i̱ métek jaka asamtai ii yajauch wakerutain emeṉkátrutmakuitji. Tuma asamtai yamaikia peṉké umirkashtiniaitji.

2 Kur. 12:20

Wi atumíin jeaknasha, wi wáinkiataj tusan wakeraj nuna wáinkiashtatjai, tu enentáimsan itiurchat enentáimjiai. Tura atumsha wakerarmena núnisrumek wáinkiashtatrume, tu enentáimjiai. Yajauch chicharnaikiatniuncha, yajauch enentáimtunaistinniasha, kajernaikiatniuncha, niṉki enentáimtumastinniasha, tsanumpratniuncha, mái̱ tunai ajatniuncha, waantu enentáimtumastinniasha, yajauch wekasatniuncha, ashí nuna wáinkiashtajash tusan itiurchat enentáimjiai.

Kar. 6:3

Shuar tujintiayat “naṉkamantuitjiai” tákuṉka anaṉmamui.

Kurs. 1:21

Atumsha nuik tunáa túrin asarum atumí enentái̱n Yusa nemasri̱ ámarme. Tuma asarum yajá wekaimiarme. Antsu Kristu, aentsu aya̱shí̱n aya̱shímiak, krúsnum wáitias jakamuja̱i̱ ii tunaarí̱ asakármatai yamaikia Yusja̱i̱ nawamnaikiar shiir pujaji. Nuja̱i̱ Kristu iin péṉker ajasuncha tunaan máatrachmancha tura sumamachuncha Yusai̱ ejetamtatji.

Kurs. 3:7

Atumsha núnisrumek túriniuyarme.

2 Tim. 3:13

Tura ashí anaṉkartin ainia nusha kame ashí yajauch shuarsha nú yajauch túrukiar wétatui. Iwianchji̱a̱i̱ anaṉkamu ásar chikichnasha anaṉkiar wéartatui.

2 Tim. 3:6

Nu shuarsha shiir chichayataṉ anaṉkawar je̱á̱ wáiniawai. Tura nuwa̱ esetar enentáimchan nekas tunaarinniun anaṉkainiawai. Nu nuwa̱ ashí yajauch wakeramuja̱i̱ anaṉnainiawai.

Tit. 1:16

Tura nisha “Yus shuaraitjiai” tuíniayataṉ Yusan umirtsuk niisháa túruiniawai. Tuma ásar nisha mui̱jmiai̱ áiniawai. Umichu ásar péṉkeran túratniun peṉké tujintiainiawai.

Tit. 2:12

Kame Yus waitnentrama asamtai tunáa ana nu iniaisatniuitji nu nékaji. Tura ju̱ nuṉkanmaya̱ yajauch ana nu wakerukchatniuitji. Tura antsu ju̱ nuṉkanam pujayatrik esettsar enentáimsar anaṉma wekatsuk tuke tsawant Yus anear wekasatniuitji.

San. 1:26

“Nekas Yusan shiir umirjai” tana nu tura eseer chichaachkuṉka imia niṉki anaṉmamui tura “Yusan shiir umirjai” tana nuna ántar tawai.

1 Pit. 1:14

Umin uchia áintsarmek yaunchu nékachu asarum wakerimiarmena nu iniaisarum Yus umirin atarum.

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.

Apu. 13:14

Tura Entsaya̱ Yajasma súam aents túrachminian tí turak ashí nuṉkanmaya̱ aentsun anaṉkawarmai. Túrak Entsaya̱ Yajasma nakumkamuri̱n najanawarat tusa akupkámai. Túramtai puya̱ja̱i̱ peṉké jakamnia awatmia péṉker ajasma nuna nakumkamuri̱n najanawarmai.

Apu. 18:2

Tura ti kakantar chichaak timiai “Pai, Uunt Papirúnia peṉké meserai. Tura yamaikia íwianch matsamtaisha ashí yajauch wakaní̱ pujutái̱ri̱sha ajasái. Mui̱jmiai̱ nanamtincha tura ashí yajauch nanamtin ainia nusha nui̱ pasuṉmainiawai.