Tit. 3:2 - Yus Papí: Shuarja̱i̱ Yus Yamaram Chicham Najanamu

² Tsanumtsuk kajernaitsuk antsu shiir enentáimtunaistiniaiti. Naṉkamantu enentáimtumatsuk ashí shuar péṉker awajsatarum tusam tu jintintrarta.

Tit. 3:2 Iomraidhean Croise

2 Sam. 22:36

Uwemtikkiartin tantarum surusuitme. Tura Ame yaintkiakmin páantin uunt ajajai.

YKan. 140:11

Esetar enentáimtsuk chichauka ju̱ nuṉkanam péṉker pujú áchattawai. Núnisaṉ emesmau shuar ainia núnaka ni yajauchiri̱n útsuktatui.

Neka. 19:19

Shuar tí kajena nuka asutniátniuiti tura asutiámnia auk ayampramka nú arant ajawiti.

Neka. 25:24

Kajen nuwa̱ nuja̱i̱ je̱a̱ iwiaramunam pujustinkia péṉkerchaiti antsu yajauch je̱a̱nam pujustin imiá péṉkeraiti.

Neka. 6:19

nekascha nu nekasaiti títin, nuamtak yachiji̱a̱i̱ mámtikiatin.

Isa. 40:11

Kame murikiu wáinin ni murikrí̱n wáiniuk kakaram akuptáiri̱ji̱a̱i̱ uchichíri̱nkia irurartatui. Murikchinkia miniakas jurukiartatui. Tura amuntsainia núnaka waitnentas yaruakartatui.

Mat. 11:29

Wi kajechu asan tura péejchach enentáimin asamtai Winí̱ winirum unuimiártarum. Kame kijinian Wi súajrumna nu achikrum jukitiarum. Winia chichamur ántakrum umirtakrumniṉkia átum enentáimin ayamprattarme.Jrm. 6:16

Tur. 23:5

Tutai Papru chichaak “Yatsuru, wisha Yúsnan pujurniu uuntri̱ áutskaitia tíchamjai. Nékaitkiunka núnaka tícha̱a̱jai. Kame wisha nékajai Yus Chichamnum tawai ‘Atumí uuntri̱ yajauch chicharkairap’ Jiin. 22:28 tawai” tímiayi.

1 Kur. 6:10

kasasha, ashí kuítian ikiauwincha, nampencha, tsanumniusha, yajauch chichainia nusha, chíkich shuaran anaṉkawar atantin ainia nusha Yus akupeamunma nuí̱ peṉké waya̱shtin áiniawai.

1 Kur. 9:19

Chíkich shuara takarniuchuitiatan ashí shuara takarniúri̱ya áintsaṉketjai Kristu shuari̱ untsurí ajasarat tusan.

2 Kur. 10:1

Wats, “Papru iiji̱a̱i̱ pujak péejchach ajawai tura yajá pujak kakaram chichaawai” chíkich shuar turutainiatsuk. Kame imia wiki Papru Kristu anenkartutairi̱ji̱a̱i̱ ju̱na seatjarum tusan pujajai.

2 Kur. 12:20

Wi atumíin jeaknasha, wi wáinkiataj tusan wakeraj nuna wáinkiashtatjai, tu enentáimsan itiurchat enentáimjiai. Tura atumsha wakerarmena núnisrumek wáinkiashtatrume, tu enentáimjiai. Yajauch chicharnaikiatniuncha, yajauch enentáimtunaistinniasha, kajernaikiatniuncha, niṉki enentáimtumastinniasha, tsanumpratniuncha, mái̱ tunai ajatniuncha, waantu enentáimtumastinniasha, yajauch wekasatniuncha, ashí nuna wáinkiashtajash tusan itiurchat enentáimjiai.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Kar. 6:1

Túrasha yatsuru, Yus shuar tunáa túrashtimpiash. Atumsha nekas Yusja̱i̱ wekaarumna nu, nu wáinkiurmeka yátsum Yusja̱i̱ iwiarat tusarum yaiṉtarum. Tura naṉkamantu enentáimtumatsuk túratarum. Tura amesha nekaamata. Tunaanum iniara̱i̱j tusam anearam wekasata.

Kar. 6:10

Tuma asamtai yáiṉmin ákuiṉkia ii jeajnia nu túratniuitji nekaska ii yachi̱ Yus shuar ainia nu yáiṉkiartin. Tura ashí shuarsha yáiṉtiniaiti.

Ipi. 4:2

Nekasmiancha ajasrum aneniakrum katsunnairatarum.

Ipi. 4:31

Ashí tsaaṉkea áintsaṉ enentáimin pimiutramkamia nuyá̱ kanaktiarum. Nakitratniusha, kajernaikiatniusha tura kakantrar charáa charáa ajatniusha, katsekmaktincha, tsanumpratniusha mash atsutí.

Jir. 4:5

Uunt Jesus tátin ishichik ajasái. Tuma asamtai tsaṉka enentái takakrum nu paant nekanati.

1 Tis. 2:7

Antsu uchi kuírchin ni nukurí̱ péṉker iis tsakatmana áintsarik iikia atumniaka shiir íismajrume.

1 Tim. 3:11

Nuwa̱sha péṉker ásar ashí shuarsha shiir enentáimtutai̱ ártiniaiti. Tsanumniuchu antsu esetar enentáimiar ashí ni túratin ainia nuna ímiatrusaṉ umin ártiniaiti.

1 Tim. 3:3

Nampechusha tura suir enentáimtichusha átiniaiti. Aya kuítian ikiauṉkatniun enentáimtuschatniuiti. Antsu tsaṉka átiniaiti. Kajechusha átiniaiti. Chikichnancha wakerutkashtiniaiti.

San. 3:17

Antsu Yusai̱ya̱ enentáin takakua nuka jú̱nisaiti, ashí naṉkaamas emka eseeratin nuyá̱ nawamkartin, shiir ajá, péṉker anturnain, waitneṉkratin, ashí métek enentáimias yáiṉtin tura anaṉkartutsuk naka chichamtin.

San. 4:11

Yatsuru, yajauch áujmatnaisairap. Yus shuar ni yachi̱n yajauch áujmatas tura yachí̱ tunaarí̱ tuke áujmatuk Yus ashí anenaitiarum tana nuna umichuiti. Antsu umichu asa “nú akupkámu ántraiti, umirkashtiniaiti” tawai nu shuar. Nuja̱i̱ nu shuar umirtsuk Yus akupkámu naṉkaamas enentáimtumawai.

1 Pit. 2:1

Tuma asamtai ashí yajauch ana nu iniaisatarum. Anaṉkartin ántar chichamtin átin, chikichna wakeruktin, ashí tsanumpratniusha iniaisatarum.

1 Pit. 3:10

Yus chichamnum jú̱nis aarma asamtai nu túratarum “Uunt Yus péṉker wekaana nuna wainiui tura ni áujmancha ántawai. Tura yajauchin túrana nuna nakitrawai. Tuma asamtai shiir pujustaj tákuṉka tura tuke tsawant warastinian wakerana nuka yajauch chichaka̱i̱j tura waitruawa̱i̱j tusa péṉker íimiasti. Tunaanumia̱ kanakí̱ péṉkeran túrati. Nekas enentáiji̱a̱i̱ shiir átinian e̱a̱ktí.” YKan. 34:12-16; 37:27

1 Pit. 3:8

Nuya̱sha ashí Yus shuartirmin tájarme, aya chikichík enentaik atí. Waitnennairatarum. Nekas yátsum aneam núnisrumek anenaitiarum. Aya áminiuk enentáimtutsuk chikichan yáiṉtaj tu enentáimsatarum.

1 Pit. 4:4

Tura surimiatsuk yajauch túrimiarmena nu iniaisa asakrumin yaunchu atumji̱a̱i̱ nuna túrin armia nu “¿urukamtai iniaisara?” tusar yajauch áujmatramprume.

2 Pit. 2:10

Tura Yus akupeana nuna umirkatniun nakitrar ni yajauch wakeramuri̱n túruinia nunasha Yuska nekas asutiáttawai. Enentáimcha áiniawai. Tura ni wakeramuri̱niak wakeruiniawai. Niji̱a̱i̱ naṉkaamas akupin ainia nuna yajauch áujmatainiawai.

Jut. 1:10

Túrasha ju̱ shuarka nékainiatsna nuna náṉkamas yajauch chicharainiawai. Tura nékainiana nuka ya̱wá̱ áinis enentáimtsuk áyatik nékainiawai. Tura núja̱i̱sha imia niṉki yajauch emesmamainiawai.

Jut. 1:8

Ayu. Atumíin yajauch shuar ainia nu, yaunchu túrunamun enentáimtsuk tuke yajauch enentáimiainiak ni aya̱shin yajauch awajmamainiawai, Yusnasha nakitiáiniawai, tura ashí akupin ainia nunasha yajauch áujmatainiawai.