Tit. 1:9 - Yus Papí: Shuarja̱i̱ Yus Yamaram Chicham Najanamu

⁹ Tura nú arantcha Yúsnan esetar jintíamu péṉker nekáa emetamu asa chíkich shuaran tí peṉker unuimiátai̱ji̱a̱i̱ jintintiámniaiti. Tura pachimtikin ujakmancha naka nakuertiniaiti.

Tit. 1:9 Iomraidhean Croise

Juup 2:3

Nuna takui̱ Uunt Yus Satanásan chicharuk “¿Winia takartin Juup wáinkiachumek? Nuṉkaṉka chíkich aents niji̱a̱i̱ métek péṉker enentáimin péṉkera túrin Yusan ashamak ímiatrusaṉ umíak yajauchinmaya̱ kanakniuka peṉké atsawai. Tura ame chichartakum ‘Wats ashí takakna nu emestukam nekapsata’ túrutkumin Wi peṉké antran ashí jurukmiasha niṉkia tuke umirtawai” tímiayi.

Neka. 23:23

Nekasa nusha tura ti neka átincha núnisaṉ unuimiártincha nuyá̱ enentáimtai̱sha sumakta túram surukaip.

Tur. 18:28

Tura Apurus Israer shuarja̱i̱ paant chichasmiayi. Túrasha Yusa Papiri̱ji̱a̱i̱ Jesussha nekas Yusa anaikiamuri̱nti tusa paant jintíak nincha nupetkamiayi.

1 Kur. 14:24

Tura Yus Chicham étserkurminkia nékachusha tura Yus shuarchasha nui̱ waya̱ṉka ashí tárumna nuja̱i̱ ni yajauch túramuri̱n íimias enentáimturtatui.

1 Tis. 5:21

Ashí etserkamu ana nu nekasashit tusarum nekaatarum. Túrarum aya péṉker ana nuke achiktarum.

2 Tis. 2:15

Wátsek, yatsuru, Yusja̱i̱ katsua̱rtarum. Yus Chicham etserkamu antukurmena nu tura wisha áaran akuptúkjarmena nusha kajinmátkirap.

1 Tim. 1:10

nuwa̱ncha tura áishmaṉnasha tsanirma ainia nunasha, shuaran kasamak juu ainia nunasha, wáitrinniasha, tsanumniuncha, ashí nuna itit awajsatniun akupénawai. Kame ashí péṉkercha nuna iwiaratniun akupénawai.

1 Tim. 1:15

Ju̱ chicham ti nekasaiti. Yajauch shuaran uwemtikrataj tusa Jesukrístu ju̱ nuṉkanam taramiayi. Nunasha ashí shuar nekaatin áiniawai. Tura wikia ashí shuarja̱i̱ naṉkaamas tunaan túriniaitjiai.

1 Tim. 1:19

Tura Yus tuke nekas enentáimtusam tura úmamkesam íimiasam tuke péṉker enentáiji̱a̱i̱ wekasata. Chíkich shuar péṉker enentáimtai̱nmaya̱ kanakiar Yusan enentáimtustinian nakitrar emesmampraru áiniawai.

1 Tim. 4:9

Nu imiá nekas asamtai ashí shuar nuna enentáimtustiniaiti.

1 Tim. 6:3

Shuar ti shiir naka chichaman ii Uuntri̱ Jesukrístunu ana nuna nakitiak antsu niisháa chichaman étserkuṉka

2 Tim. 1:13

Shiir chichaman jintintiamajmena nuke emetata. Jesukrístuja̱i̱ tsaniṉkiu asar Yus nekas enentáimtaji tura nuja̱i̱ aneṉkratniuitji. Tuke núnismek túrata.

2 Tim. 2:2

Untsurí ántuiniamunam wi etserkamaj nu, shuar umikmin ainia nuna jintintiáwaram chikichnasha jintintiáwarat tusam akupkarta.

2 Tim. 2:25

Tura umircha shuarnasha Yus ni enentái̱n yapajtiakui nekas chichaman shiir enentáimturarat tusa péṉker enentáiji̱a̱i̱ jintintiátniuiti.

2 Tim. 3:14

Antsu ámeka unuimiam nu imiá nekasaiti tu enentáimtakum tuke emetata. Jintintrámawarmia nú shuarsha wáitrichua nu nékame.

2 Tim. 4:3

Ukunmaṉka péṉker chichaman nakitrar ii wakeraj núchik nekaatai tusar shuar teremak péṉker pujuschamnia nekapea áintsaṉ, naṉkaamas unuimiáru atai tusar náṉkamas unuikiartinian ti untsurí e̱a̱kartatui.

Tit. 1:11

Nisha kuítian achiktaj tusar wakeruiniak yajauch unuiniarchatniua nuna unuiniainiawai. Nuna túruiniak untsurí shuaran ni írutkamuri̱ji̱a̱i̱ yajauch enentáimtikiainiawai. Tuma asamtai ántar chichainiakui ni wene̱ epetkatniuiti.

Tit. 2:1

Tura amesha Titiu, péṉker chicham etserkata. Yus Chicham tátsuna nu etserkaip.

Jut. 1:3

Aneamu yatsuru, iikia mái̱ metek Yus shuar asar ju̱ uwempratin chichaman áatratniun wakerukjarme. Túrasha ti yajauch shuar anaṉkramawar atumíin pachinkiarmai. Nisha “Yus ti anenkartin asamtai páchitsuk tunáa túramniaitji” tuíniawai. Nu arantcha Yus iin Akuptámniuncha tura ii Uuntri̱ Jesukrístuncha nakitín áiniawai. Nu asamtai nu shuaran “yaunchu sumamawaruiti” tímiayi Yus. Tuma asamtai tájarme “Tuke Yus chicham yapaji̱áshtinian ashí Yus shuar akasmatkarat tusar susamuiti. Wátsek, kakaram ajastarum” tájarme.

Apu. 2:25

Tura Wi jeatsa̱i̱ṉ takakrum nu emetatarum.

Apu. 3:11

Wárik winittiajai. Takakmena nu emetata. Akinkiatniuitmena nuna chíkich shuar atantramkiara̱i̱ṉ.

Apu. 3:3

Yus Chicham ti shiir enentáiji̱a̱i̱ emka antukmam nu ataksha enentáimpram emetata. Tura tunaarumsha enentáimpram iniaisata. Tura iniaiyachkumni̱ṉkia kasa núnisnak nékatsmin jeartiatjame.