Tit. 1:8 - Yus Papí: Shuarja̱i̱ Yus Yamaram Chicham Najanamu

⁸ Antsu shuar ni je̱e̱n írar winiana nuna itiaatniuiti. Tura ashí péṉker ana nuna wakerin, esetas enentáimin átiniaiti. Tura naka enentáimin núnisaṉ esetar túrin átiniaiti. Tura niṉki íimiastiniaiti.

Tit. 1:8 Iomraidhean Croise

1 Akup. 5:1

Nuya̱ṉka aparí̱ jakamtai Saramúṉ úunt akupin awajsamuiti táman Jiram Tírunmaya̱ úunt akupin antukmiayi. Tura Jiramka Tawitniaka tuke shiir awajin asa ni takarniúri̱n Saramúṉkan akuptúrmiayi.

1 Akup. 5:7

Tura Saramúṉka chichame̱n antuk Jiramka ti warasmiayi. Tura chichaak “Warí ju̱ aentska ti untsurí áiniawai. Tuma ai̱ṉ Uunt Yuska Tawitian ju̱ aents akupkatniun uchin tí nekaan súsaiti. Tuma asamtai Uunt Yusa naari̱ ti shiir naṉkamantu awajsamu atí” tímiayi.

YKan. 16:3

Kame Áminiu íktusma ju̱ nuṉkanam pujuinia núnaka tí peṉker wekainiakui niṉkia ti wararainiajai.

Ams. 5:15

Péṉkera nu aneakrum yajauchia nuka muí̱jkiatarum. Núnisaṉ chícham iwiartai̱nmasha nekasa nuja̱i̱ métek sumamtikiatin juárkitiarum. Antsu nuiṉkia Jiuwá Yus, Nayaimpinmaya̱ Suntara Uuntri̱ Jusé shuar juákarua núnaka waitnentrachartimpiash.

Ruk. 2:25

Nu tumai̱ Semiun náartin áishmaṉ Jerusaréṉnum pujumiayi. Simiuncha Yusa Wakaní̱ pujurma asa péṉker áishmaṉkauyayi. Yusan nekas enentáimtiniuyayi. Yusa anaikiamuri̱ji̱a̱i̱ Israer shuar aṉkant ajastin jeatí tusa jintia íimpriniuyayi.

Tur. 24:25

Tura Pápruka yajauchiniam wekasashtincha naka wekasatniuncha tura ukunam Yus tunáa aentsnaka asutiátniuiti takui̱ Pírikska ashamak chichaak “Antsu yamaikia máakete. Tura ataksha wi aṉkant pujakun untsukmijiam” tímiayi.

1 Tis. 2:10

Yatsuru, atumji̱a̱i̱ pujumiaj nui̱ iisha Yus wakerana nu túrimiaji tura yajauch túrutsuk shiir wekasamiaji. Nuja̱i̱ iincha chikichkisha yajauch chichartamkatniusha atsumiayi. Nuka atumsha nékarme tura nú arant Yus nékawai.

1 Tim. 3:2

Tura Yus shuara uuntri̱ ajastinian wakerakka chíkich shuar nin yajauch áujmattsachmin átiniaiti. Nuwá̱ apatka áchatniuiti. Nisha péṉker esetar enentáimin naka wekasatniuiti. Iraran ni je̱e̱n ti shiir itiaatniuiti. Péṉker jintinkratin átiniaiti.

1 Tim. 4:12

Ti úuntchaitkiumnisha nakitrámprara̱i̱ṉ. Antsu péṉker túrakum Yus shuar unuiniarta. Chichammiji̱a̱i̱sha, túramurmiji̱a̱i̱sha, aneṉkratmarmiji̱a̱i̱sha nekas Yus enentáimtamuja̱i̱sha tura esetra enentáimsam Yusna péṉker túramuja̱i̱sha nisha túrawarat tusam iniaktusarta.

1 Tim. 6:11

Antsu ame Yus shuar asam nuyá̱ pisarta. Yus nekas enentáimtakum péṉker túrata. Waantu enentáimtsuk Yus péṉker umirkata. Aneakum katsuntrata.

2 Tim. 2:22

Natsá wakerutai̱nmaya̱ pisaram esetram péṉker wekasata. Amesha ashí shuar shiir enentáiji̱a̱i̱ Yusan áujena nuja̱i̱ Yus nekas enentáimtakum aneniakum ti shiir pujusta.

2 Tim. 3:3

Aneetsuk waitnenkartichu ártatui. Tsanumin ártatui. Ni aya̱shí̱ wakeramun katsuncha ártatui. Aya kajen ártatui. Ashí péṉker túrinia nuna nemasri̱ ártatui.

Tit. 2:7

Tura amesha Titiu, ashí tsawant péṉker wekasata. Nu natsa wi túramun júkiar nunak túrawarmi tusam nu túrata. Tura anturtamna nu “nekaschapitia” ti̱i̱ṉ tusam esetsam enentáimsam Yus Chicham tana nu ímiatrusmek jintintiata. Nú túrakmiṉkia Yus Chichaman nakitiana nu shuar “Titiu náṉkamas chichaawai” títiaj tukamá natsaamak tujintramkattui.

1 Jṉ. 3:14

Iikia jákatniunmaya̱ uwempra asarⁱ nekas iwiaaku pujaji. Túmakur Yus shuar ainia nu aneaji. Nuja̱i̱ yamaram iwiaakma takakjinia nu imiá páantaiti. Shuar Yus shuaran aneachkuṉka tuke jákatniunam wekaawai.

1 Jṉ. 5:1

Ashí “Jesus Yusa Uchirí̱ Krístuiti” tu enentáimtana nú shuar Yusa uchirí̱nti. Tura aparí̱ aneakrikia ni uchirí̱sha aneattaji.

1 Sam. 18:1

Tawit Saurja̱i̱ chichaasua umikmatai Junatána wakaní̱ṉkia Tawitia wakaní̱ji̱a̱i̱ jiṉkiamua núnis juákmiayi. Tuma asa Junatán ni aya̱shí̱n anea tímiatrus Tawitian anemiayi.