Tit. 1:4 - Yus Papí: Shuarja̱i̱ Yus Yamaram Chicham Najanamu

⁴ Titiu, wi Yusna étserma umikiu asakmin winia uchirua áitkiasnak papin áateajme. Iis, iiji̱a̱i̱ métek Yus nekas enentáimtatsjik. Yus waitnentrama asa shiir awajtámsati tusan wakerajme. Tura ii Aparí̱ Yussha tura ii Uuntri̱ Jesukrístusha Uwemtikkiartin ana nu, enentáimin imiatkincha awajtámsati tajai.

Tit. 1:4 Iomraidhean Croise

Ruk. 2:11

Ju̱i̱ti. Yamái tsawantai̱ Tawitia pépruri̱n Piriṉnum yaunchu Yus Uunt anaikiamu KRISTU tutai, Uwemtikkiartin akiintiurmarme. Nu Uchisha ashí aentsun akupniuiti.

Juaṉ 4:42

Nuyá̱ nuwa̱n chicharainiak “Yamaikia aya ame chichammiji̱a̱i̱ṉ Jesus enentáimtatsji antsu imia iik ni chichame̱sha anturkarji. Tura iisha yamaikia nékaji nekas ashí shuaran Uwemtikniuiti” tiármiayi.

Rum. 1:12

Kame atumsha tura wisha Yus nekas enentáimtuinia asar mai̱ ikiakánai ajatai tusan wakerajai.

Rum. 1:7

Ashí Yus aneamutirmincha Rúmanam matsatrum nuna ju̱ papin áateajrume. Yus tí peṉker awajtámsatniun wakerutmarme. Ii Aparí̱ Yussha ii Uuntri̱ Jesukrístusha waitnentramainia ásar imiatkinchanum ti shiir pujustinian yaintmakarti.

2 Kur. 12:18

Atumín íirmasat tusan Titiun “wetá” tímiajai. Tura nin atamprit tusan chíkich Yus shuaran akupkámjai. ¿Títiusha kuítrumin jurutrámkimkiarum? ¿Wisha nisha mái̱ metek enentáimsar métek takaschamkajⁱ?

2 Kur. 2:13

Túrasha ii yachi̱ Titiun wáinkiachu asan shiir enentáimsatniun tujintkiamjai. Tura asamtai Trúasnumia̱ aentsun áujsan ikiukiaran Masetúnianam wémiajai.

2 Kur. 4:13

Yus Papinium yaunchu áarmanum “Yusan enentáimtusmajai tuma asan etserkamjai” YKan. 116:10 tátsuk. Iisha núnisrik Yus enentáimtusar wekaaji. Tuma asar étserji.

2 Kur. 7:6

Tura kúntuts pujakrincha Yus ikiakátmartinian nékawai. Tuma asamtai Titiun akuptúrkamai. Nuja̱i̱ winia enentái̱run ikiaká̱rmai.

2 Kur. 8:16

Tura wi aneajrumna núnisaṉ atumín aneatniun Yus Titiun susamiayi. Tuma asamtai Yusan yumiṉsan pujajai.

2 Kur. 8:23

Tura ai̱sha chíkich shuar Titiun nekaataitsar anintruiniakuisha “Titiu Papru tsaníakmari̱nti. Iincha yainmaktajtsa Pápruja̱i̱ takaawai” titiarum. Chíkich Yus shuaran nekaataitsar anintruiniakuisha “Yus shuar akupkámu áiniawai tura Kristu náari̱n shiir awajin áiniawai” titiarum.

2 Kur. 8:6

Tuma asamtai “Masetúnianam kuit júuktin naṉkamamamna nu, Kurintiunmasha amukta” tusar Titiu seamiaji.

Kar. 2:3

Nisha Yus shuara úuntri̱ntiat itiurchat enentáimpracharmai. Antsu chíkich shuarka Titiu Israer shuarchaitiat wiji̱a̱i̱ pujakui nisha Israer shuar ajasti tusa tsupimiamtikiatniun wakeriarmai. Túrasha tujintkiarmai.

Kar. 3:26

Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji.

Kar. 3:28

Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji.

Ipi. 1:2

Ii Aparí̱ Yussha tura Jesukrístu ii úuntri̱sha atumín waitnentramainia ásar aṉkant tuke shiir pujustinian suramsarti.

Kurs. 1:2

ju̱ papí áarar nui̱ Kuruse péprunam Kristu péṉker umirkarum Yusna ajasuitrumna nu akuptaji. Ii Aparí̱ Yussha tura Jesukrístu ii úuntri̱sha atumín waitnentramainia ásar aṉkant tuke shiir pujustinian suramsarti.

1 Tim. 1:12

Ii Uuntri̱ Jesukrístu shiir enentáimturu asa Níniun etserturkat tusa kakarman surusuiti. Túruta asamtai yúmiṉkiajai.

2 Tim. 1:1

Wi Pápruitjiai. Yus wakerakui Jesukrístu akatrámuri̱ ajasuitjiai. Ashí Jesukrístuja̱i̱ tsaniṉkiarun “Nekas iwiaaku átinian susattajai” tíniuiti Yus. Tuma asa nuna etserkat tusa akuptúkuiti.

2 Tim. 1:2

Aneamu uchiru, Timiutéu, ju̱ papin áateajme. Yus Apasha tura ii Uuntri̱ Jesukrístusha ti anenma ásar waitnentramainiak aṉkant shiir pujustinian yaintmakarti.

2 Tim. 4:10

Témas aya jú̱ nuṉkanmaya̱nak wakerak ajapa ikiuruk Tisarúnikianam weyi. Tura Kresentisha Karaseanam weyi. Núnisaṉ Títiusha Tarmasianam weyi.

Tit. 1:3

Tura yamaikia tsawant jeamtai nuna nekaawarat tusa ii Yusri̱ uwemtikkiartinia nu winia chichamur ujakárta tusa winia akattúrmiayi.

Tit. 2:13

Túrar ii Yusri̱ Jesukrístu, uwemtikramajnia nu, imiá shiir iwiarnar tatí tusar nákastiniaitji.

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.

2 Pit. 1:11

Tura ii Uuntri̱ Jesukrístu uwemtikramprajnia nu, Ni tuke akupeana nui̱ nakittsuk shiir awa̱intiámattarme.

2 Pit. 2:20

Kame shuar, Uunt Jesukrístu uwemtikkiartin ana nuna chichame̱n nékainiak ju̱ nuṉkanam yajauch ainia nuyá̱ uwempra ainia nu, tunáa nupetkam atak yajauchiniam iniainiakka, nuik pujumia núja̱i̱ṉkia naṉkaamas yamái imiá yajauch pujuiniawai.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.

2 Pit. 3:2

Yúsnan etserin, péṉker wekain armia nuna etserkamuri̱ enentáimturtarum. Tura ii Uuntri̱ akupkámuri̱n ni akatrámuri̱ji̱a̱i̱ ujatmákarmia nusha enentáimpratarum. Jesukrístu uwemtikrampramaj nuna chichame̱n tajai.

1 Jṉ. 5:14

Yus wakeramuja̱i̱ métek seakrinkia anturtamji. Tura anturtamkurin ii seamaj nu nekas takusua nu enentáimpramniaitji. Nu neka asar Yus ti shiir enentáimtaji.

Jut. 1:3

Aneamu yatsuru, iikia mái̱ metek Yus shuar asar ju̱ uwempratin chichaman áatratniun wakerukjarme. Túrasha ti yajauch shuar anaṉkramawar atumíin pachinkiarmai. Nisha “Yus ti anenkartin asamtai páchitsuk tunáa túramniaitji” tuíniawai. Nu arantcha Yus iin Akuptámniuncha tura ii Uuntri̱ Jesukrístuncha nakitín áiniawai. Nu asamtai nu shuaran “yaunchu sumamawaruiti” tímiayi Yus. Tuma asamtai tájarme “Tuke Yus chicham yapaji̱áshtinian ashí Yus shuar akasmatkarat tusar susamuiti. Wátsek, kakaram ajastarum” tájarme.