Tit. 1:3 - Yus Papí: Shuarja̱i̱ Yus Yamaram Chicham Najanamu

³ Tura yamaikia tsawant jeamtai nuna nekaawarat tusa ii Yusri̱ uwemtikkiartinia nu winia chichamur ujakárta tusa winia akattúrmiayi.

Tit. 1:3 Iomraidhean Croise

Isa. 12:2

Wats iistá, winia uwemtikriṉkia Yúsaiti. Aya Nin tuke enentáimta asan peṉké sapijmiakchattajai. Warí winia ikiakátniuka tura kantarka Uunt Yúschakait. Tura winia uwemtikrinkia Níṉkiti” turuttiatrume.

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Tan. 8:23

Ju̱na akupeamuri̱ náṉkatkamuri̱nkia yajauchin túrin ainia nu piákmatai nuiṉkia chikichík úunt akupniuk kajen nékashtai̱n nekáa wajaktiatui.

Tan. 9:24

Áme shuarumka tura Yus akantúkma péprurmesha sataintia tumiṉ iwiarturmaiti. Nuja̱i̱ ashí tunáa tura yajauch túrutai̱sha amukáttawai. Núnisaṉ ashí tunáa túramuja̱i̱ métek akinkiartatui. Túrunamtai aya nekasa nuja̱i̱ métek túratin átatui. Núnisaṉ ímiaja̱i̱k wainkiamusha tura ukunam túrunatin etserkamusha uminkiattawai. Nuya̱ṉka Ti Shiir Tesamusha asuitiji̱a̱i̱ ukatnáktatui.

Awa. 2:3

Tura ame ímiaja̱i̱k wainkiamna nu wárik uminchakuisha nákasta. Umintsukka áchattawai antsu wárik uminkiatniuiti.

Mar. 1:15

Tura chichaak “Tsawant jeayi. Shuarnum Yusa akupeamuri̱ jeatémai. Tuma asamtai nekas enentáiji̱a̱i̱ enentáimtumasrum yajauch túrutairam iniaisarum uwempratin chicham nekas enentáiji̱a̱i̱ enentáimtustarum” tu etserkamiayi.

Mar. 13:10

Nu túmatsa̱i̱ṉ ashí aentsnum Yus Chicham etsernaktiniaiti.

Mar. 16:15

Nuyá̱ chichaak “Ashí nuṉkanam wetarum. Túrarum ashí shuarnum Yusa shiir chichame̱ etserkatarum.

Ruk. 1:47

Tura Uunt Yuska winia Uwemtikruru asamtai ti waraajai.

Tur. 10:36

Yuska shiir chichaman Israer shuarun akuptúkmiayi. Nui̱ chichaak ‘Shuar Jesukrístu náari̱n páchiakka Yusja̱i̱ nawamnaikiatin átiniaiti. Nú Jesukrístu ashí shuara Úuntri̱nti’ tímiayi Yus.

Tur. 17:26

Nekaatarum. Ashí nuṉkanam matsamsarat tusa nú numpanmaya̱nak ashí aentsun najanamiayi. Tura Yuska ii tsawantri̱n nekapmaiti, ii pujustinniasha nútiksaṉ nakakmiayi.

Rum. 15:19

Yusa Shiir Wakaní̱ kakarmari̱ji̱a̱i̱ aents tujintiamun túran ashí shuaran Jerusaréṉnum naṉkaman etserkin Iririkiu nuṉkanam ejekamjai. Kristu chichaman ashí nu nuṉkanam etserkaitjiai.

Rum. 16:25

Wátsek, Yus shiir awajsatai. Niṉki nekas kakaram awajtámsamniaiti. Wi uwempratin chichamnum Jesukrístunun étsereaj nuja̱i̱ ikiantamprattawai. Nu chicham yámankamtaikniumia̱ nekaachmanak Yus yamaikia paant awajsaiti.

Rum. 16:26

Yaunchu Yúsnan etserin ni áarmanum nu chichaman etserkarmiayi. Tura yamaikia Yus wakerak ashí nuṉkanmaya̱ shuar Ni enentáimtusar umirkarat tusa nu Chichaman yamaikia paant awajsaiti. Yus amuutsuk tuke pujuwiti.

Rum. 5:6

Iikkia peṉké uwemprachmin asakrin tsawant jeamtai Kristu ashí shuara tunaari̱n jarukmiayi.

1 Kur. 9:17

Wakerakun étserkunka warasminiaitjiai. Tura nakitiaknasha tuke Yus surusmanka umiktiniaitjiai.

Kar. 4:4

Tura tsawant jeamtai Yus ni Uchirí̱n akupkámiayi ju̱ nuṉkanam. Nisha Yúsaitiat nuwa̱nam akiiniamiayi. Tura aents ajasmiayi. Tura aents ajas yaunchu akupkámuncha umirkatniuyayi.

Ipi. 1:10

Ashí jú̱ nuṉkanam írunna nunasha tura nayaimpiniam írunna nunasha Kristu ashí akupin ati tusa Yus tsaṉkatkattawai. Nunasha Yus yaunchu enentáimturu asamtai tsawant jeamtai ashí uminkiattawai.

Ipi. 2:17

Kristu taa nawamnaikiatniun chichaman Israer shuaran ujakmiayi. Tura nu chichamnak atumín Yus nékachuyarmena nunasha ujaktinian akupkámiayi. Isa. 57:19

Jir. 1:13

Iis, akupniu suntarí̱sha tura ashí shuarsha wi Krístunun etseru asan sepunam pujamun paant nékainiawai.

Kurs. 1:23

Tuma asamtai Jesukrístu shiir enentáimtusrum kakaram ajasrum katsua̱rtiniaitrume. Tura uwempratin chicham antukuitrum nuyá̱ kanakchatniuitrume. Ju̱ uwempratin chichaman ashí nuṉkanam etsernakuiti. Wisha, Papru asan etserkatniun yaimjiai.

Kurs. 1:6

Nu chicham ashí nuṉkanam pampaakui shuara enentái̱n nerea áinis nusháa ajasár yamaikia péṉker túrin áiniawai. Núnisaṉ atumíincha túrunaiti. Yus ti nekas anenkartiniaiti tu etserkamu ántakrumin nu chicham atumí enentái̱ncha nerekmiayi.

1 Tis. 2:4

Antsu Yus iin péṉker enentáimturmas uwempratin chicham etserkatarum tusa akatrámpramiaji. Tuma asamtai núnisrik étsereaji. Túrasha aya aents waramtiksatai tusar étsertsuji. Antsu Niṉki Yusak ii enentái̱n nekartamin asamtai shiir enentáimtiksataitsar túraji.

1 Tim. 1:1

Wi Papru Jesukrístu akatrámurintjiai. Iin uwemtikkiartin Yussha tura ii Uuntri̱ Jesukrístusha winia akuptúku áiniawai. Jesukrístuja̱i̱ métek ti shiir ajastai tusar nákaji.

1 Tim. 1:11

Núnisaṉ tawai ti shiir uwempratin chicham Yus suramsamajnia nu. Nu chichamnaka etserkatniun Yus péṉker asa tsaṉkatrukuiti.

1 Tim. 2:3

Áitkiasar seatin péṉker asamtai uwemtikramajnia nú Yus wakerawai.

1 Tim. 4:10

Nekas iwiaaku Yus ashí shuaran uwemtikramniaiti tura ashí Nin enentáimtuinia nú shuaran nekas uwemtikratniuiti. Nu chicham imiá nekasaiti tu enentáimtakur katsekramainiakrincha kakaram takaaji.

2 Tim. 4:17

Tura ii Uuntri̱ Jesukrístu ni kakarmari̱n surus yaintkiamiayi. Nuja̱i̱ uwempratin chichaman ashí nuṉkanam Israer shuarcha antukarti tusan etserkamjai. Tura núnisaṉ akupniúnmaya̱sha ii Uuntri̱ uwemtikrurmiayi.

Tit. 2:10

“Kasamkairap tura anaṉkawairap. Iis, péṉker túrakrumka takarniuitiatrum shiir tura asarum ii Uwemtikramin Yusri̱ Chichame̱n shíiraiti tu enentáimtikrattarme” titiá.

Tit. 2:13

Túrar ii Yusri̱ Jesukrístu, uwemtikramajnia nu, imiá shiir iwiarnar tatí tusar nákastiniaitji.

Apu. 14:16

Tutai yuraṉminiam eketu ni machitri̱ji̱a̱i̱ nuṉká arakman tsupir juukmai.