Tit. 1:2 - Yus Papí: Shuarja̱i̱ Yus Yamaram Chicham Najanamu2 Tura nu arant nú shuarsha tuke iwiaaku pujusárat tusan étsereajai. Nú shuarnasha nuṉkan najantsuk “uwemtikrattajai” Yus tímiayi. Tura Nisha wáitruatniun tujintiawai. Faic an caibideil |
Túrasha iikia shiir tsáapninium wekainiaj nuka naka enentáimprar tuke nampetsuk pujustiniaitji. Suntar ni nemasri̱ anaṉkruawa̱i̱ṉ tusa anear wekasatniuiti. Tura iisha núnisrik íwianch yajauch awajtámsa̱i̱j tusar anearmi. Yus enentáimtusar aneetniuitji. Tura núnisrik iisha ju̱ nuṉkanmaya̱ uwemprar Yusai̱ tuke pujustatji, tu enentáimprar wetái.
Tura amesha Titiu, ashí tsawant péṉker wekasata. Nu natsa wi túramun júkiar nunak túrawarmi tusam nu túrata. Tura anturtamna nu “nekaschapitia” ti̱i̱ṉ tusam esetsam enentáimsam Yus Chicham tana nu ímiatrusmek jintintiata. Nú túrakmiṉkia Yus Chichaman nakitiana nu shuar “Titiu náṉkamas chichaawai” títiaj tukamá natsaamak tujintramkattui.
Nu yajasma wainkiam nuka yaunchu pujuwiti tura yamaikia ju̱i̱ pujachiat amúamunam tuke játsuk náṉkatkachu wá̱a̱nmaya̱ jiinkittiawai. Shuar nuna wáinkiar ni naari̱ tuke iwiaaku pujutai̱ papinium yámankamtaikniumia̱ anujtúkchamua nuka nu yajasman ashamkartatui. Nu yajasma yaunchu pujú yamaikia atsayat atak wantinkiattawai turutmiai.