Tit. 1:1 - Yus Papí: Shuarja̱i̱ Yus Yamaram Chicham Najanamu

¹ Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

Tit. 1:1 Iomraidhean Croise

Ruk. 18:7

Tura Yus tí peṉker asa ni achikman tsawai̱sha, káshisha untsuamka nú naṉkaamas anturkashtatuak. ¿Yáitsuk meṉkakatuak?

Tur. 13:48

Nú chichaman antukar Israer shuarcha ti wararsar “Uunt Yus tana nuka imiá péṉkeraiti” tiármiayi. Tura ashí tuke iwiaaku pujusmin achikma armia nu Krístun enentáimtusar Yus shuar ajasármiayi.

Rum. 1:1

Wi Papru Jesukrístu takarniuitjiai. Núnisaṉ Yus achirak ni uwempratin chichame̱n etserkat tusa akatar akuptúkmiayi.

2 Kur. 1:1

Wi Pápruitjiai Jesukrístu akatrámu. Yus nuna wakerakui ni akatrámuri̱ anaikiamuitjiai. Ii yachi̱ Timiutéuja̱i̱ Yus shuar Kurintiunam íruntrumna nuna áatjarme. Kame ashí Akaya nuṉkanam Yusna ajasurmena nunasha áatjarme.

Ipi. 2:8

Jesukrístu nekas enentáimta asakrumin Yus waitnentramar uwemtikrampraiti. Ju̱ka átumkeka túrunachuitrume. Antsu Yuska Niṉki kuítchaja̱i̱ suramsaitrume.

Jir. 1:1

Wi Papru Timiutéuja̱i̱ Jesukrístu takarin asar ashí Yus shuar Jiripiusnum pujarmena nu ju̱ papí akuptaji. Yus shuara uuntri̱ árumna nusha tura Yus shuaran yain árumna nusha ashí Yus shuarsha núnisaṉ Yusna asarum tura Jesukrístuja̱i̱ tsaniṉkiu asakrumin ju̱ papí áateajrume.

Kurs. 2:2

Ashí shiir enentáimtikratniun ti takaajai. Núnisan aneniarum chikichik enentáiji̱a̱i̱ métekrak wekasatarum tusan wakerajrume. Nu arantcha ashí Yusna tí peṉker nekaarum tuke katsua̱ruk tusan takaajai. Nuja̱i̱ Kristu tí peṉker nekaattarme. Tura yaunchu nekaachman Yus yamái paant awajsaiti. Nuka Krístuiti. Tura Ni nekaatin nekas shíiraiti.

1 Tim. 2:4

Ashí shuar nekas chichaman nekaawar uwemprarat tusar wakerawai Yus.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

1 Tim. 6:3

Shuar ti shiir naka chichaman ii Uuntri̱ Jesukrístunu ana nuna nakitiak antsu niisháa chichaman étserkuṉka

2 Tim. 2:10

Ashí shuar ni shuari̱ ártí tusa Yus achikiárua nuna yáiṉtajtsan ashí itiurchatan katsunteajai. Nuja̱i̱ Jesukrístuja̱i̱ tsaniṉkiaru ásar uwemprar tuke shiir pujusártatui Yusja̱i̱.

2 Tim. 2:23

Enentáimtsuk chichainiak aya ántar tunaitinian chichainia nu pachisairap. Nusha aya némasmanainiawai.

2 Tim. 2:25

Tura umircha shuarnasha Yus ni enentái̱n yapajtiakui nekas chichaman shiir enentáimturarat tusa péṉker enentáiji̱a̱i̱ jintintiátniuiti.

San. 1:1

Wi Sántiak Yusan tura núnisaṉ ii Uuntri̱ Jesukrístun takarin asan ju̱ papin aajai. Ashí Yus shuartirmin ashí nuṉkanam tsakiṉmakarum matsatrumna nuna amikmajrume.

2 Pit. 1:3

Yus uunt asa tura ashí túramnia asa umirtukat tusa achirmákuitji. Ni neka asar atsumajnia nu wáinkiaitji. Yus shuarti wekasatniusha tura Nin aneatniusha ii atsumajnia nuna Yuska kakaram asa suramsaitji.

2 Pit. 3:11

Ashí nu emesnartin neka asarum atumsha imiá nekas Yus tuke enentáimtusrum, takamtsuk umirkarum wekasatniuitrume.

1 Jṉ. 2:23

Yusa Uchirí̱n nakitiáinia nu Yus Apaja̱i̱sha tsaniṉ pujatsui. Tura Yusa Uchirí̱n shiir awajea nu, Yus Apaja̱i̱sha tsaniṉ pujawai.

Apu. 1:1

Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.