Sup. 3:8 - Yus Papí: Shuarja̱i̱ Yus Yamaram Chicham Najanamu

⁸ Túmaitkiuiṉkia sumamtikiatin tsawant jeamam nákarsatarum” tawai Jiuwá. “Warí ashí uunt matsatkamu tura akupeamu ainia nunasha ashí Winia tí kajekmarun iniaktusartaj tusan irurartatjai. Túran Wi suir kajenkamurja̱i̱ ashí nuṉkan jiji̱a̱i̱ aeskan amuktatjai.”

Sup. 3:8 Iomraidhean Croise

YKan. 12:5

Tura Uunt Yus chichaak “Kuítrinchasha wáitkiainiamu asamtai núnisan atsumainiasha útainia asamtai Wi wajatrattajai. Túran wáitkiainiak wishikiainia nuya̱ṉka uwemtikrartatjai” tawai.

YKan. 123:2

Nekaata iniatai̱ ainia nu ni uuntri̱ uwejé̱n iirainiatsuk nuyá̱ nuwa̱ iniatai̱sha ni uuntri̱ nuwá̱ uwejé̱n iirainiawai núnisaṉ iin waitnentramam ii ji̱sha ii Yusri̱ Uunt Yusan íiniawai.

YKan. 27:14

Uunt Yus shiir enentáimtusam nákasta. Túram enentáim ikiaká̱rta. Ee, nekas Uunt Yus nákasta.

YKan. 37:34

Jiuwá nákasta túram ame wekaamuram péṉker wáinmamkata. Túrakminkia nuṉke̱mi̱i̱n pujusminiam tusa náakam awajtámsattawai. Tura Yusan enentáimtichu ainia nu emeskarma áme jí̱miji̱a̱i̱ wainkiattame.

YKan. 37:7

Uunt Yusai̱ mijiat pujusam shiir enentáiji̱a̱i̱ nákasta. Núnisaṉ aents yajauch túramuja̱i̱ páantin ajainia nu wainkiam itiurchat enentáimsaip.

YKan. 62:1

Winia wakantruka aya Yusai̱ni̱ṉᵏⁱ ayampratniunka takakui. Winia uwempratniurka Niiya̱ winiawai.

YKan. 62:5

Aya Yusai̱ni̱ṉᵏⁱ wikia áyamjai, wi nákasar pujurmaka aya Níṉkiti.

YKan. 79:5

Jiuwaá ¿urutma tsawanta kajeká pujustatam tura túkek kajektatam? ¿Ame akasmatairmeka ji kapá̱a̱ núniniak tuke átata?

YKan. 79:6

Ámin nekarmachu uunt nuṉka mátsatka ainia nui̱ tura akupeamunam Ame náarmin páchiniatsna nui̱ Ame kajetáiram ukarta.

Neka. 20:22

“Wikia yapajmiáktájai” tiip antsu Uunt Yus niṉki nákasta. Túram uwemtikramprattawai.

Anen. 8:6

Asakatniua áitkiasmek ame enentáimin winia péerkata. Kunturmincha sakarchamnia anujtúkta. Warí aneṉkrattaiṉkia jákatniua áintsaṉ ti kakarmaiti. Tura akasmaktiṉkia jatainium pujustinia áintsaṉ ti najamaiti. Ni jíri̱ṉkia ti kakaram tsué̱raiti.

Isa. 14:26

Ju̱i̱ti áujmattsamu ju̱ nuṉkanam naṉkamastatna nuka tuma asa ashí nuṉkan uwejé̱n iwiaintiuk iniaktus pujawai.

Jrm. 10:25

Ashí uunt mátsatkamunmaya̱ Ámin nekarmainiatsna nu tura Ame náarmin pachisar shiir awajtámainiatsna nu kajetáirmiji̱a̱i̱ asutiáwarta. Warí Jakupa shuari̱nkia amukar ni pujutái̱ri̱ncha emestukar aya jú̱nik awajsar aya íimtiksarai.

Use. 12:6

Nui̱kia ame Yúsrumini̱ṉ ámeka waketkitia. Tura Yusai̱ enentáimsam pujá asam akupeamu Níniua nuna nékaseṉ ayampruiniana nuja̱i̱ métek túrakum ame Yúsrum tuke enentáimtusam pujusta.

Juir 3:2

ashí uunt nuṉka mátsatkamu iruran Jusapáta nuṉké̱ pakarí̱n yaruakan wi shuar wáitkiasarmanum tura Winia Israer shuarun tsakiṉmakar nuyá̱ nuṉkarun akintrutkar sunaisaru ásarmatai nincha sumamtikiawartatjai.

Mik. 7:7

Antsu wikia winia Úunt Yusrunak iisan enentáimtustatjai. Winia uwemtikrin anturta asamtai winia Yúsrunak nákasan pujustatjai.

Awa. 2:3

Tura ame ímiaja̱i̱k wainkiamna nu wárik uminchakuisha nákasta. Umintsukka áchattawai antsu wárik uminkiatniuiti.

Sup. 1:18

Jiuwá kajekma tsawantinkia aentsu kuítri̱sha kurirí̱sha peṉké uwemtikrachartatui. Tuma asa ashí nuṉkanka Ni kajekmari̱ji̱a̱i̱ aesak amuktatui. Ashí aents nuṉká matsatainia núnaka wárikmas mash emeṉkártatui.

Aji. 2:22

Úunt akupin pujuinia nuna akupeamuri̱n pachimprukartatjai. Túran yajá nuṉkanmaya̱ akupeamu kakarmari̱ncha emestukartatjai. Nuyá̱ káruri̱ncha tura nui̱ eṉketáinia nunasha pachimprukartatjai. Núnisaṉ kawaisha tura eketainia nusha nuamtak naṉkiji̱a̱i̱ amunaikiartatui.

Mat. 25:32

Túramtai ashí nuṉkanmaya̱ aents Nin iruntrartatui. Túrawarmatai akantrartatui. Murikiu wáinin kachurtinian tura kachurtichuja̱i̱ akanea nútiksaṉ aentsun akantrattawai.

2 Pit. 3:10

Túrasha Uunta tsawantri̱ aya aneachma jeattawai. Kasa aya aneachma kiritniunam taana núnisaṉ tátatui. Nu tsawantin nayaimpisha ipiamta núnis charáa timiatai meṉkakattawai. Tura nui̱ ashí írunna núurtiuk esaawartatui. Tura nuṉkasha tura ashí írunna nusha esaawartatui.

Apu. 16:1

Nuyá̱ Imiá Shiir Tesamunmaya̱ ti kakaram chichaamun antukmajai. Nusha siati suntaran tiarmai “Nuṉká werum Yusa kajetáiri̱ siati piniṉnum ana nu ashí ukartarum.”

Apu. 16:14

Íwianch áiniak aents tujintiamun túruiniak ashí nuṉkanmaya̱ akupniun irurarmai. Ti Tujintkiachu Yusai̱ ni uunt tsawantri̱ jeamtai mesetan najanatai tusar weriarmai.