Sup. 3:5 - Yus Papí: Shuarja̱i̱ Yus Yamaram Chicham Najanamu

⁵ Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

Sup. 3:5 Iomraidhean Croise

Naṉ. 18:25

Kame yajauchi túrichu yajauchin túrinji̱a̱i̱ métek máchminiaitmena núnaka nekas nékajai. Tura péṉkera túrinia nu yajauchi túrinji̱a̱i̱ ¿métek sumamtikiamniakaitiam? Ashí nuṉkanmaya̱ aents Sumamtikin asam ¿péṉkera nu túrashtatmek?” tímiayi Aprajám.

Juup 7:18

¿Warí urukamtai ashí tsawantin tuke káshik iyam tura iniaṉnatsuk nekapniuitiam?

Juup 8:3

Antsu Yussha ¿péṉker túramun émeseawak? Túrutskesha Ashí Tujintkiachu Yus péṉkera tura nuna ¿yajauch awajeawak?

YKan. 145:17

Uunt Yuska ashí Ni jínti̱nkia ímiatrus nákaiti tura ashí Ni najankamuri̱n waitnenniuiti.

YKan. 37:6

Etsa̱ tsáapnin awajna nútiksaṉ ame naka enentáimmiarmincha tura etsa̱ tutupin ajas tsáapin awajna nútikias péṉker túramurmincha Yuska paant awajtúrmasartatui.

YKan. 92:15

tuma ásar Jiuwá winia ayamprutniuiti tura Niṉkia yajauch túrutai̱sha atsá asamtai aya nákakea nuna túriniaiti tu etserkartatui.

Isa. 12:6

Wats Seúnnum matsatrumna nútiram atumíin Tunaarincha Yus naṉkamantua nu pujá asamtai warakrum kakaram kantampruátarum” títiatrume.

Isa. 28:19

Tura kashí kashini̱ṉ tsawai̱sha nuyá̱ káshisha naṉkatamainiakka tuke juramiartatui. Nui̱ṉkia nu tsuumai̱ chícham étserma ántakrum aya kuraittiarme” tímiayi.

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Isa. 50:4

Pimpikin ainia nu jintintiakur péṉker chichaktinniaka ii Uunt Yusri̱ surusuiti. Tuke káshik ishintiátui. Unuimiáru áiniana tímiatrus anturtukat tusa tuke káshik wíniaka ishintiátui.

Jrm. 21:12

Tawit shuartirmesha Uunt Yus ju̱na tiniua nu antuktarum. ‘Nékaskea nuja̱i̱ métek péṉker súmamtikiuram achikiar jukimiu wáitkiasma nusha wárik aṉkant awajsatarum. Nuíchuka atumí yajauchiri̱n Winia kajetair ji keek aesa mash awajniua núnis kéekmataisha yaki ikiajnátramkatarum.’

Jrm. 3:3

Ame nu tura asakmin yumi yutukcharuiti tura nu arant arakan tsakatmaktincha yutukcharuiti. Túmaitiatmek tsanirma nuwa̱ natsantaincha urukainia núnismek amesha peṉké natsa̱a̱rchaitme.

Jrm. 6:15

Antsu mui̱jmiai̱ túramarum nui̱sha ¿natsa̱a̱rukaitrum? Ti nekas natsantai̱nchaitrume tura péejchachisha ajaschaitrume. Tuma asamtai Wi asutiáttajrumna nú tsawantinkia atumsha asutniáttarme” tawai Uunt Yus.

Jrm. 8:12

¿Antsu mui̱jmiainian túrawarua nui̱sha natsamainiawak? Warí nekasaiti peṉké natsa̱a̱rcharuiti ántsaṉ péejchachisha ajascharuiti. Tuma ásar iniainiana nuja̱i̱ métek iniarartatui. Tura asutniátin tsawant jeatéma nui̱ nekaska tukumkartatui” tawai Uunt Yus.

Ukan. 3:23

Nekas péṉker túrutairmeka ti úuntaiti, tuke káshiksha yámarmak túrame.

Isk. 18:25

Túrasha átumka chichakrum ‘Uuntka péṉker túratsui’ tárume. Tuma asarum yamaikia Israer shuartiram antuktarum ¿Wi túramuka yajauchikiait? ¿Nekaska átum túramuchuk imiankaska yajauchit?

Isk. 48:35

Tura ashí pepru téntakar nekapmarmaka nuiwi mir mitru átatui. Nu tsawanta nuya̱ṉka nu pepru náari̱ṉkia UUNT YUS NUI̱ PUJAWAI tunattawai” timiai Yus.

Use. 14:9

¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.

Use. 6:5

Tuma asamtai Winia etserniurja̱i̱ Winia chichamprun ujakmajrumna nuja̱i̱ métek umikmajai. Kame átum túramun íirsan péṉkera nuna yáiṉmajai tura tunáa túramunam asutiámjamna nuja̱i̱ Wi wakeraj nu nekas paant awajsamuiti.

Awa. 1:3

¿Urukamtaitsuk timiá mui̱jmiai̱sha tura wáitiamusha iniakturam? ¿Warí, kajernáiyamuncha nuyá̱ mániamuncha núnisaṉ emesnaiyamuncha tura tí yajauch awajnáiyamuncha wáintsujak?

Sup. 2:1

Maa, natsantaincha shuara átumka iruntrarum enentáimpratarum.

Sup. 3:13

Israernumia̱ juákarua nuka yajauchin túrichartatui tura wáitniasha chichaschartatui tura ni wene̱nia̱sha anaṉkartuatniuka atsuttui. Warí, péṉker wainkiamu ártatui. Tura yáakesh sapijmiamtikiachma péṉker kanarartatui.”

Sup. 3:15

Ame asutniátniurmin Jiuwá jurutrámsaiti. Ame nemasrumnia̱sha ji̱i̱r akupraruiti. Jiuwaka Israera akupniúri̱ amiin pujawai. Áminkia atakka warí itiurchatkesha tarutrámchattawai.

Sup. 3:17

“Jiuwaka amiin pujawai tura kakarmari̱ji̱a̱i̱ uwemtikramprattawai. Ámin shiir enentáimturmak warastatui. Anenmamuja̱i̱ mitia apujtamsattawai tura waramuja̱i̱ kantamprútmattawai.

Sak. 2:5

Tuma asamtai péprun ji keaja̱i̱ téntakma núnisan wenuke̱nka Wiki átatjai. Tura nui̱ ajapén pujakun ni winchari̱ya̱ núnisaṉ páantin átatjai’ tawai Uunt Yus titiá” turutmiai.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Ruk. 12:2

Núnisaṉ ashí paantcha ana nu iwiainiakma átatui. U̱kma ana nusha nekaamu átatui.

Rum. 2:5

Tura tunaarum enentáimtutsuk tuke túrakmeka sumamtikiatin tsawantai̱ ti tunáa irutmampramuja̱i̱ ti asutniáttame.

Rum. 3:26

Tura yamaiya̱ tunaancha tsaṉkureak ashí shuar Jesus táman nékaskete tú enentáimtuinia nu shuaran Yus “tunaarincha awajsaitme” tíminiaiti. Kristu jakamuja̱i̱ nuka paant ajasái.

1 Kur. 4:5

Tsawant jeamtai ii Uuntri̱ Kristu atak tátatui. Tura ashí yamái kiritniunam u̱kma nuna tura shuar ashí enentáimprarma nunasha paant awajsattawai. Nu tsawant jeatsa̱i̱ṉ shuar umikiuashit tusarum enentáimtusairap. Tura nu tsawantai̱ Yus ashí péṉker umikiarun shiir awajsattawai. Péṉker umikiuncha ishichik umikiuncha takasmaja̱i̱ métek Yus shiir awajsattawai.

Muis. 23:14

Ti nekas atumí Uunt Yusri̱ atumí nemasri̱ nupetkatniun tsaṉkatramak ayamprutmaktaj tusa wekaawai. Tuma asamtai atumí matsamkamuri̱nkia imiatkincha átiniaiti. Nuíchuka átum pujamunmaya̱n mui̱jmiainian wainiak atumín ikiurmákirum.

Muis. 32:4

Niṉkia kátsuram Káyaiti, Israeran ayampri̱niaiti. Ni túramuri̱ṉkia ashí péṉkeraiti kame ashí túrana nuka nékaskete. Niṉkia nekas umin Yus asa yajauchiji̱a̱i̱ peṉké páchitkiachuiti antsu Niṉkia aya péṉkerkete.

1 Pit. 1:17

“Yus winia Aparuiti” tárumna nu aneartarum. Ashí aentsu túrutairi̱n métek Yus nekaattawai. Nu neka asarum ju̱ nuṉkanam pujarmena ju̱i̱ Yus ashamkatarum.