Sup. 3:3 - Yus Papí: Shuarja̱i̱ Yus Yamaram Chicham Najanamu

³ Tura úunt akupniu uchirí̱nkia uunt ya̱wa̱ tsará tsará ajana núnis ajapén matsatainiawai. Tura ni sumamtikniuri̱nkia kashi wekain rúpu yukartua kashin yuami̱j tusa ukunchí̱ṉkisha ampirmachua núnis áiniawai.

Sup. 3:3 Iomraidhean Croise

Neka. 28:15

Akupin ni pépruri̱ kuítrincha áinian nékayat yajauch akupea nuka úunt ya̱wa̱ shiniana tura chai̱ tsukamana núnisaiti.

Jrm. 23:11

Yúsnan etserniusha núnisaṉ Yúsnan pujurniusha Yusan enentáimtichu ajasárai. Ímia winia je̱a̱ruí̱sha ni yajauchiri̱n wáitkiaruitjiai” tawai Uunt Yus.

Jrm. 34:19

tura Jutanmaya̱ núnisaṉ Jerusaréṉnumia̱ shuara úuntri̱n ashí ni takarniúri̱miak nuyá̱ Yúsnan pujurin tura ashí nuṉkanmaya̱ aents waaka máwar jímiapetek nakakar ajapén wekasaruncha

Jrm. 5:6

Nuna tura ásarmatai úunt ya̱wa̱ kampunniunmaya̱ jíintiurar esaiyartatui. Tura kampuntin atsunum matsamin rúpuka emeskartatui. Antsu ni pépruri̱ ainia nui̱ṉkia yampiṉkia nákarartatui. Kame Yus timian umiktinian nakitiáiniak peṉké ántichu ajasármatai péprunmaya̱ jiiniainiaka achia̱rma ártatui.

Awa. 1:8

Ni kawairi̱ṉkia yampiṉkia ya̱wa̱ja̱i̱ naṉkaamas kakaram tséken tura kashi yujá rúpu ya̱wa̱ja̱i̱sha naṉkaamas wari áiniawai. Núnisaṉ tí untsurí ásar kawainium ekemniuri̱sha pinchu kuntinian yuattsa nanaki̱ weruiniana tímiatrusar yajaya̱ ti wárik káutkartatui.