Sup. 3:2 - Yus Papí: Shuarja̱i̱ Yus Yamaram Chicham Najanamu

² Warí ní chichame̱ncha anturkachuiti tura awajirmatai chicharkamsha nekaachuiti. Núnisan nekas enentáiji̱a̱i̱ Jiuwancha enentáimtuschaiti tura ni Yusri̱ncha weantúkchaiti.

Sup. 3:2 Iomraidhean Croise

YKan. 10:4

Ántsaṉ yajauch aentska ni naṉkamantu enentáimtumamuja̱i̱ Yúsnasha e̱a̱iniatsui. Yúsnaka ishichkisha peṉké enentáimtuiniatsui.

YKan. 50:17

Kame Wikia jintintiátniun wakerimjiame túramaitiatam winia chichamur anturtsuk nakitniuitme. Kame ámeka jintintiataj támaitiatam peṉké anturtatsme.

YKan. 73:28

Antsu wikia Yusai̱ tíjiu̱ch pujakun tí peṉker pujajai. Tuma asan Ashí Uuntri̱ Uunt Yusai̱ péṉker átinian nákakun Ame túramunka áujmatjai.

YKan. 78:22

Kame Yuska aṉkant awajkartusminiaiti nekas tu enentáimtuscharmiayi.

Neka. 1:7

Neka átaj tákuṉka emka Uunt Yusan enentáimtus ashamak umirkatniuiti. Tura nétseka nekatai̱n tura jintíamuncha nakitniuiti.

Neka. 5:12

Nui̱ útkum “¿urukamtaik chicharmaitiatnasha enentáimtsuk péṉke antukchamiaj,

Isa. 1:5

¿Urukamtaik nu arantcha asutki̱ ematjarum, warí nu arantak ajattarum? Kame atumí muuke̱sha najamáiniawai núnisrumek ashí enentái̱mincha jaarme.

Isa. 29:13

Kame Uunt Yus chichaak “Warí ju̱ shuar ainia ju̱ka nekas enentáiji̱a̱i̱nchu aya chichame̱ja̱i̱ shiir awajtuiniawai. Túrasha ni enentái̱ji̱a̱i̱ṉkia nekas enentáimturainiatsui. Tura Wíniaka ashampruk umirtutsuk antsu shuar akupkámu umiktinia nunak umirainiawai. Mat. 15:8-9; Mar. 7:6-7

Jrm. 2:30

Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.

Jrm. 22:21

Ámeka taramkam pujumam nui̱ chicharkamjame túrasha chichartakum ‘Anturkashtatjame’ turutmiame. Warí, nátsanmaya̱n ámeka túmaki̱ winiakum winia chichampruka peṉké anturtukchaitme.

Jrm. 32:33

Antsu anturtukar umirtutsuk tuntupea iniaitiusarmai. Túrutainianak Wikia nin jintintiátniunka iniaisacharmajai. Túrasha peṉké pachittsacharmai núnisaṉ chicharmasha anturtuktinian peṉké nakitruraruiti.

Jrm. 35:13

“Ashí akupin Uunt Yus Israera Yusri̱ jú̱nis túramui, Jutanmaya̱ shuar tura Jerusaréṉnum matsatainia nui̱ wetá tura chicharainiakum jú̱nisam tiartá. ‘¿Winia chichamur umikiuk tusan jintintiajrumna nuka unuimiárchamniakaitrum?’ tawai Uunt Yus.

Jrm. 35:17

Tuma asamtai Ashí Akupin Uunt Yus Israera Yusri̱ jú̱nis tawai. Jutancha tura Jerusaréṉnum matsatainia nú aentsnaka ashí ni yajauchiri̱n wáitkiasartatjai tusan ujakáruitjiai. Núja̱i̱sha anturtukcharmai. Untsukarmajai túramaitiat ái̱rkacharmai” tímiayi.

Jrm. 5:3

Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.

Sup. 1:6

Tura Jiuwai̱ya̱ kanainiancha tura Jiuwan e̱a̱iniachuncha núnisaran anintrutnasha anintruiniachuncha mashⁱ amukártatjai.”

2 Tim. 3:16

Ashí Ní Papiri̱n Yus mayatmaiti. Shuar ni chichame̱n nekaawar péṉkeran turujamai ajas ashí péṉkera nuna túrawarat tusa áarmauyayi. Tuma asa Yus Papikia shuartin unuikiartak tunáa túrajnia nu Yus Papiji̱a̱i̱ nekamatniuitji. Tura awajiakrincha esetra wekasatniun Yus Papí núnaka paant jintíak imiá péṉkeraiti.

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.