Sup. 3:15 - Yus Papí: Shuarja̱i̱ Yus Yamaram Chicham Najanamu

¹⁵ Ame asutniátniurmin Jiuwá jurutrámsaiti. Ame nemasrumnia̱sha ji̱i̱r akupraruiti. Jiuwaka Israera akupniúri̱ amiin pujawai. Áminkia atakka warí itiurchatkesha tarutrámchattawai.

Sup. 3:15 Iomraidhean Croise

Naṉ. 30:23

Kame Rakir iwia̱i̱n takus chichaak “Uchin takaachkun natsant ajauyaj nú natsantrunka Yus emeṉkátrukai” tímiayi.

YKan. 149:2

Israerá ámin Najatmana nu wararsatarum, Seuna uchiri̱yá ame Úunt Akupniurmin shiir enentáimkiuram warastarum.

YKan. 19:9

Uunt Yus ashamakur arantajnia nu yajauch túrashtinian tuke jintintramji. Tura ashí ni jintíamuri̱sha ímiatrusaṉ naka áiniawai.

YKan. 85:3

Ame kajetairmeka ashí emetamame túram Ame suir kaje̱ntkamusha Amiya̱ṉka akankaitme.

Isa. 12:6

Wats Seúnnum matsatrumna nútiram atumíin Tunaarincha Yus naṉkamantua nu pujá asamtai warakrum kakaram kantampruátarum” títiatrume.

Isa. 25:8

Nui̱ṉkia Uunt Yuska chichaku asa jatainkia tuke amuk Uunt Yus ashí aentsun nea̱jkiri̱n u̱ju̱jturartatui. Núnisaṉ ashí nuṉkanam Ní shuari̱ natsanmai̱ ajakármanka asaktúrartatui. Apu. 19:6-9; 21:4

Isa. 35:10

Tura Jiuwá uwemtikrarma ainia nuka waketrar kantamkiar Seúnnum káunkartatui. Nuiṉkia etseṉkruktinia ántsaṉ amukashtin warartai takusartatui. Tura imiá shiir waratai̱n wáinkiar kúntuts pujakur wáittiakur úttaiṉkia emeṉkákartatui.

Isa. 52:9

Jerusaréṉka emeskar jú̱nik ikiukmiaitiatrumek ti shiir warakrum untsumkatarum. Warí Uunt Yuska ni shuari̱n atsaṉkrachukait. Tura Jerusaréṉnasha akikmatak awaiṉkin asamtai warastarum.

Isa. 54:14

Nekas tuke péṉker túramuja̱i̱ umuchkiachmin matsastatme tura emetamunmaya̱ akankámu asam ashamkashtatme. Tura sapijmiaktin ashammainkia amiya̱ṉka yajá pujá asa jeartámchattawai.

Isa. 65:19

Tura Wikia Jerusaréṉkan shiir enentáimtakun wí aentsnaka wararsartatjai. Nui̱ṉkia útmasha najaimiatniusha atakka peṉké antunkashtatui.

Jrm. 8:19

Pai yamaikia Wi shuara nawantri̱ yajá pujá winiak untsumui. ¿Nuikia Uunt Yuska Seúnnumka pujatsuk? ¿Kame ni úunt akupniuri̱ṉkia nui̱ṉkia atsawak? ¿Urukamtai nakumkamu yusja̱i̱ tura yajaya̱ itiamu ántar áiniana núja̱i̱sha akajtukuram?

Isk. 39:29

Tuma asamtai yamaikia Wikia u̱mprukchartatjai. Warí, Winia Wakantruka Israer shuarnumka akupkámu átatui” tawai Uunt Yus Ashí Aentsu Uuntri̱.

Isk. 48:35

Tura ashí pepru téntakar nekapmarmaka nuiwi mir mitru átatui. Nu tsawanta nuya̱ṉka nu pepru náari̱ṉkia UUNT YUS NUI̱ PUJAWAI tunattawai” timiai Yus.

Juir 3:17

Winia akantúkma náintiur Seunka nui̱ṉkia atumí Yusri̱ Wi Uunt Yusan pujamu nekarattarme. Nui̱ṉkia Jerusaréṉka ti shiir akantúkma pepru átatui. Túrunamtaiṉkia atakka wáinchatai aentska nuní̱ wayá̱ yajauch awajtámas naṉkaamakchartatui.

Ams. 9:15

Tura ní nuṉke̱ni̱ṉ Wi súsarmiaj nui̱ṉ matsasártatjana nuya̱ntka peṉké achirar yaruakma áchartatui” nuní̱ tíniuiti Uunt Yus. Amus tu áarmiayi.

Awa. 2:17

Kame Ríwianu emeskarum yajauch awajka asarum atumsha núnisrumek túrunattarme. Tura aents kajeṉkrum numpa ti ukarum nuṉkasha nuyá̱ péprusha ántsarmek aents nui̱ matsatainiasha emeskarum itiurchat awajka asakrumin yajasma yukartin áiniana nu atumniasha itiurchat awajtamtiatrume.

Awa. 2:8

Kame untsurí nuṉkanmaya̱ aents niniu atantáiniakrum aentssha ti kajeṉkrum numpa ti ukaru tura péprunmasha núnisaṉ aents nui̱ matsatainiasha ti itiurchat awajka asakrumin untsurí péprunmaya̱ aents atumniasha nútiksaraṉ atantramprattarme.

Sup. 3:17

“Jiuwaka amiin pujawai tura kakarmari̱ji̱a̱i̱ uwemtikramprattawai. Ámin shiir enentáimturmak warastatui. Anenmamuja̱i̱ mitia apujtamsattawai tura waramuja̱i̱ kantamprútmattawai.

Sup. 3:5

Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

Sak. 12:3

Tura ukunmaṉka Wi Jerusaréṉkan ashí nuṉkanmaya̱ shuar ayaam matsatainia núnanun kaya kijinia nútikiattajai. Túramtai ashí nuṉkanmaya̱ aents nú kaya takuitiai tusar wakeruiniakka nekemakartatui. Nuyá̱ ashí nuṉkanmaya̱ aents ainia nusha Jerusaréṉkan kajerkartatui.”

Sak. 14:11

Tura nui̱ matsamártatna nuka atakka yajauchiniam yumiṉkramu áchartatui. Antsu Jerusaréṉnumka itit awajsachma aṉkant matsamsartatui.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Juaṉ 1:49

Natanaér nuikia chichaak “Uuntá, nekas Yusa Uchirí̱nme. Israer shuar akupniuitme” tímiayi.

Juaṉ 12:15

“Seun péprunmaya̱ shuara, ashamkairap. Atumí Akupniuri̱ umpurunam eketka winiawai.” Sak. 9:9

Juaṉ 19:19

Piratusha Jesusa krúsri̱n uunt áarman anujkamiayi. NASARÉTNUMIA̱ JESUS, ISRAERA ÚUNT AKUPNIURI̱ tu áarmauyayi.

Juaṉ 5:30

“Wikia, Wi wakeramun e̱a̱tsjai antsu Winia akuptúkua nu wakeramun túrajai. Tuma asan Wíkikia warinkisha túratsjai. Wi itiur ántaj tímiatrusnak súmamtikiajai. Witjiai súmamtikiunka nekasa nuja̱i̱ métek súmamtikiajai.

Apu. 12:10

Nuyá̱ nayaimpinmaya̱ kakaram untsumman antukmajai. Tura chichaak “Iwianchi uuntri̱ ii yachi̱n yajauch áujmatin ji̱i̱ki̱ akupkámu asamtai yamaikia ii Yusri̱ uwemtikratniusha tura ni kakarmari̱n iniakmastincha tura akupkatniusha jeayi. Anaikiamu Krístusha ashí akupin ajastincha jeayi. Tura iwianchi uuntri̱ ii yachi̱n tsawai̱sha káshisha iniaitsuk Yusai̱ yajauch áujmatniua nuna

Apu. 18:20

Antsu nayaimpiniam pujarumna nu, ashí Yus akatrámutirmesha, ashí Yusna etserniutirmesha tura ashí Yus shuar árumna nu ni wáitsamuja̱i̱ warastarum. Nu wáitsamuja̱i̱ atumín yajauch awajtámsamarmena nuna yapajtiúrmakurme” tiarmai.

Apu. 19:16

Ni pushiri̱ncha makui̱ncha ni naari̱ áarmauyi, ASHÍ AKUPNIUN AKUPIN tura ASHÍ UUNTA UUNTRI̱.

Apu. 7:15

Nuna túrawaru ásar yamaikia Yusai̱ naka pujusár tsawai̱sha káshisha Yúsnan ni Je̱e̱n takainiawai. Tura akupin pujutai̱nium eketna au tuke wáinkiartatui.