Sup. 3:13 - Yus Papí: Shuarja̱i̱ Yus Yamaram Chicham Najanamu

¹³ Israernumia̱ juákarua nuka yajauchin túrichartatui tura wáitniasha chichaschartatui tura ni wene̱nia̱sha anaṉkartuatniuka atsuttui. Warí, péṉker wainkiamu ártatui. Tura yáakesh sapijmiamtikiachma péṉker kanarartatui.”

Sup. 3:13 Iomraidhean Croise

Juup 11:19

Tura ayamprattame nuiṉkia atakka yaaksha aitkia awaktámkamnia atsuttawai. Núnisaṉ untsurí aents ámin yáintmainia táartatui.

YKan. 119:3

Nekas enentáiji̱a̱i̱ Yusja̱i̱ wekaana nú shuarka yajauchiniam wekaatsui.

YKan. 120:2

Maa Uunt Yusru wáitrin ainia nuyá̱ tura iniai̱ji̱a̱i̱ anaṉkartin ainia nuya̱sha winia wakantruka aṉkant awajtúrsata.

YKan. 120:3

¿Maa wariṉ sunastam tura warí péṉkerak wáinkiatam iniai̱ji̱a̱i̱ wáitri̱yá̱?

YKan. 23:2

Kame tí peṉker yurumak írunmanum ayamtikrawai. Nuyá̱ miyaaku entsanmaani̱ apujtus wáitiawai.

Isa. 17:2

Aruirnum pepru írunna nuka ajapa ikiukmia ártatui. Nuka waaka matsamtai̱ ajasártatui túrasha nuna awakkatniuka yaaksha atsuttawai.

Isa. 35:8

Tura nui̱sha jintia kayaja̱i̱ péṉker iwiarkamu átatui Nuka “Yusna Akantúkma Wekaatai̱ Jintia” tama átatui. Tunamka ainia nuka nuniṉkia naṉkaamakchartatui. Yusak Niṉki ni shuari̱ji̱a̱i̱ pujustatui. Tura aents wárik ántichu ainia nusha nú jintianam wáatsuk wekaasartatui.

Isa. 54:14

Nekas tuke péṉker túramuja̱i̱ umuchkiachmin matsastatme tura emetamunmaya̱ akankámu asam ashamkashtatme. Tura sapijmiaktin ashammainkia amiya̱ṉka yajá pujá asa jeartámchattawai.

Isa. 6:13

Núnisaṉ tias írutkamunmaya̱ chikichik juáktatna nusha amukma ártatui. Túrasha ensena numi ajakam aya ájiṉkiari̱ṉ juákiat jeana núnisaṉ nuna ajiṉkiári̱ya̱ peṉké tunaarincha jé̱e̱rtatui” turutmiayi.

Isa. 65:10

Sarunka sa̱a̱kⁱ murik yurumtai̱ ajastatui. Tura Akura pakarí̱ṉkia Wi shuar e̱a̱tú yujarmia nuna waakari̱ matsamtai̱ ajastatui.

Jrm. 23:4

Nútiksanak murikiu wáinniuncha apujtusartatjai. Tura nisha péṉker wainiainiam sapijmiainiachuk atakka ashamkachartatui. Núnisaṉ chikichkiksha meṉkakashtatui” tawai Uunt Yus.

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Jrm. 31:33

“Kame nu tsawant naṉkaamasmatai Israer shuarja̱i̱ chichaman najanattajna nuka ju̱i̱ti” tawai Uunt Yus. “Wi akupkámunka ni nekatairi̱nkia ikiursaran ni enentái̱nkia áatrartatjai. Tura Wikia ni Yusri̱ átatjai núnisaṉ nisha Wi shuar ártatui.

Isk. 39:26

Kame ni nuṉke̱n waketkiar aṉkant pujusárka tura yaaksha sapijmiamtikiamnia atsakui nui̱ṉkia nisha wishiktai̱ matsamin armia nuna tura Wiji̱a̱i̱ péṉker wekaicha armia nunasha kajinmatkiartatui.

Juir 3:17

Winia akantúkma náintiur Seunka nui̱ṉkia atumí Yusri̱ Wi Uunt Yusan pujamu nekarattarme. Nui̱ṉkia Jerusaréṉka ti shiir akantúkma pepru átatui. Túrunamtaiṉkia atakka wáinchatai aentska nuní̱ wayá̱ yajauch awajtámas naṉkaamakchartatui.

Juir 3:21

Numpa upuramu yapajmiátkachmaitkiuisha Wi núnaka yapajmiátkartatjai. ¡Uunt Yuska Seúnnum tuke pujuwiti!” tíniuiti Uunt Yus.

Riw. 26:6

Matsatrumna nu nuṉkanmaṉka tí peṉker aṉkant matsastatjarme. Kame yaki awaktámkatarum túmakrum sapijmiatsuk tí peṉker kanartatrume. Núnisnak atumí nuṉke̱nka yajasma emesma áiniana nunasha emeṉkártatjai tura mesetcha atumí nuṉke̱nka atsuttawai.

Mik. 4:4

Ashí Akupin Uunt Yus chichaku asamtai tura nin awaktámkartincha atsá ásarmatai aṉkant aṉkant ni úwari̱ni̱ṉ tura ikiu ejetari̱n weamkar aṉkant pujusártatui.

Mik. 4:7

Nuya̱ṉka shutuap juákarma núnaka tura yajá tsakiṉmakarmaj nunasha uunt pepru ti kakaram awajsartatjai” tawai Uunt Yus. Tura nu tsawantinkia Seun nainnium Uunt Yus yamaisha tura ukunmasha nin tuke akupkartatui.

Mik. 7:14

Ame murikrum kampunniunam ajapén niṉki matsatna nu, Uuntá ame shuarum ásarmatai péṉker jintintiam júkiarta. Kame yaunchu Pasannum tura Karaatnum ni murikrí̱n wáinkiarmia núnis wainkiamu ártí.

Sup. 2:7

Kame Jutanmaya̱ iwiaaku juákaru nu nuṉkanmaṉka murikri̱n wainiartatui tura kí̱akuinkia Askarún shuar matsamin armia nu je̱a̱nam kániartatui. Warí, achira yaruakma matsatainia nuya̱ṉka Jiuwá ni Yusri̱ ata̱i̱niartatui.

Sup. 3:5

Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

Sak. 8:12

‘Warí arakan arakármatai úwasha péṉker nerekartatui núnisaṉ nuṉkasha tí péṉker neremtikiartatui. Túmakui̱ nayaimpikia nuṉkan sanamtiktiatui. Kame ju̱ aents ishichik juákarua jú̱naka ju̱na mash takusarat tusan tsaṉkatkartatjai.

Sak. 8:16

Tura átumka jú̱nis túratniuitrume. Atumí írutramurmiji̱a̱i̱ nekasa nu chichastarum. Tura súmamtikiakrumsha péṉker túramuja̱i̱ ashí aṉkant pujustinia nu túratarum.

Sak. 8:3

Uunt Yus jú̱nis tawai ‘Wikia Seúnnaka atak ímiatrusnak awajsájai. Jerusaréṉnumsha matsastatjai. Nuyá̱ Jerusaréṉka Nékaskea Nú Pepru tunattawai. Núnisaṉ Ashí Akupin Uunt Yusna Naint Yusna Akantúkma Naint tunattawai.’

Mat. 13:41

Nui̱ Wi Aents Ajasu asan winia suntarun akupkáttajai. Tura ashí yajauchin túruinia nunasha tura chikichan tunaanum útsuinia nunasha ashí irurar jinium apeáwartatui. Nui̱sha ti úttin ti wáitsatniusha átatui.

Juaṉ 1:47

Jesussha Natanaéran tíjiu̱ch winian wainiak chicharuk “Ju̱ shuar iistarum. Ti péṉker Israer shuaraiti. Peṉké anaṉkartichuiti.”

Kurs. 3:9

Wáitrakrum mai̱ ánaṉnai ajairap. Warí átumka yaunchu aya̱shkia ni túrutairi̱ji̱a̱i̱ iniaisaitrume.

1 Pit. 3:14

Túrasha péṉker túrayatmek wáitiakminkia Yus shiir enentáimtikramprattarme. Tuma asamtai ashamkartutsuk sapijmiatsuk wekasatniuitrume. Isa. 41:10-14; Mat. 5:10

1 Jṉ. 5:18

Nekas Kristui̱ akiinia nú shuar yajauch túrutainmaṉ tuke enentáimias wekaatsui. Antsu Yusa Uchirí̱ nin tí peṉker wainkiui íwianch antiṉkiachminiaiti.

Apu. 14:5

Nu shuar peṉké wáitrichu ásar Yusai̱sha ti shiir tunáa máatrachu armai.

Apu. 21:27

Antsu yajauchikia peṉké waya̱shtatui. Mui̱jmiainian túrincha tura wáitrincha peṉké waya̱chartatui. Antsu áyatik shuar tuke iwiaaku pujutai̱ papinium naari̱ aarma ainia nuke waya̱wartatui. Nu papincha Murik takakui.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.