Sup. 3:12 - Yus Papí: Shuarja̱i̱ Yus Yamaram Chicham Najanamu

¹² Tura amiinkia aents péejchach tura waantu enentáimtumachu ainia nunak ujakártatjai túram niṉkia nekas enentáiji̱a̱i̱ Jiuwá náari̱n enentáimtursartatui.

Sup. 3:12 Iomraidhean Croise

Ists. 9:8

Tura yamaikia Jiuwá ii Yusri̱ waitnenkartutai̱ ishichik tsawant awai. Tuma asam Ame akantúkma nuṉkanam aṉkant itiurchat awajsachma pujusat tusam ishichik aents juákaru tsaṉkatkaitme. Kame ii Yusri̱ iin tsáapin awajtúrmakrin nuja̱i̱ paant nekaar iniatai̱ pujuiniayatrik ishichkikia iwiaaku pujustinniasha tsaṉkatramkaitji.

YKan. 37:40

Jiuwá niṉkia yaiṉ aṉkant awajsattawai. Yusan enentáimtichu ainia nuyá̱ uwemttikiar aṉkant awajsattawai. Nunasha aya Niin enentáimias nákasaru asamtai túrattawai.

Isa. 14:30

Túrunamtai kuítrincha ainia nuna uchirí̱ iwia̱i̱ri̱ waakari̱ṉkia péṉker sá̱a̱knium matsamsartatui. Núnisaṉ aents kuítrincha ainia nuka ititcha awajsachma péṉker kániartatui. Antsu amé shuarnaka tsukái ikiajkáran wárumchik juákaruncha amú amusártatjai.

Isa. 14:32

Tura uunt nuṉka mátsatkamunmaya̱ chichama etserin ainia nusha ¿warí tiártajik? Warí Seunka páuri̱nkia Jiuwá ukuraiti tuma asa ní shuari̱ wáitkiasma pujuinia nuka nui̱ weankartatui».

Isa. 29:19

Núnisaṉ péejchach ainia nuka ataksha Uunt Yusai̱ waketkiar warasartatui tura aents peṉké kuítrincha ainia nusha Israer shuara Tunaarincha Yusri̱n wararsartatui.

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Isa. 6:13

Núnisaṉ tias írutkamunmaya̱ chikichik juáktatna nusha amukma ártatui. Túrasha ensena numi ajakam aya ájiṉkiari̱ṉ juákiat jeana núnisaṉ nuna ajiṉkiári̱ya̱ peṉké tunaarincha jé̱e̱rtatui” turutmiayi.

Jrm. 17:7

Aents Uunt Yusan enentáimtana nuka shiir awajsamuiti tura ni nekas enentáimtamuka Úunt Yusaiti.

Jrm. 50:20

Tura nu tsawant jeatta nuiṉkia Israera tunaarí̱sha tura Jutá tunaarí̱ iirmasarash peṉké waitniakchartatui. Warí ishichik ujukaruitjiana nuna tunaari̱nkia wikia tsaṉkuraruitjiai’ tíniuiti Uunt Yus.

Isk. 6:8

Túrasha ashikia amukchartatjai. Jákacharuka chíkich nuṉkanam achikia yaruakma matsamsar ni túrawarman enentáimtumasar niṉki muí̱jmiamkartatui. Tura Wikia Úunt Yusaitiajna nuna nekarawartatui núnisaṉ peṉké ántrantka jú̱tikiattajrume tíchamiaj nunasha nekaawartatui.

Mik. 5:6

Asiria Nimpruta nuṉke̱ya̱nka puya̱ja̱i̱ amukártatui. Núnisaṉ Asirianmaya̱ ii nuṉke̱n utsanturmawar yajauch awajtámkurnisha Ni puya̱n ukuinkiar aṉkant awajtámsartatji.

Sak. 11:11

Tura nu tsawantin chícham najanamu amia nuka nui̱ṉ amukámiayi. Nu túramun murikiun sunain armia nusha wáitkiaru ásar “Nekas Uunt Yusa chichame̱ya̱inti” tiármiayi.

Sak. 11:7

Tura mátai̱niam júkiartin ainia nuna murikiu sumau sumakar waitrukta tusa apujsarman murikiun wáinkiarmajai. Túran jimiará wai̱n achikmajai. Emka wai̱kia “waitnenkartin” anaikiamjai tura chikichnaka “jiṉkiatai” anaikiamjai. Túran murikiun wainkiamjai. Jṉ. 10:1-18

Mat. 11:5

Kusurúsha wáinmainiawai.YKan. 146:8; Isa. 29:18 Shutuapsha wekainiawai. Tunamárusha péṉker ajainiawai. Empekárusha ántuiniawai. Jákarusha nantainiawai. Tura kuítrinchanmasha uwempratin chicham ujakmaiti.YKan. 68:10 Nu ujaktarum.

Mat. 12:21

Tura Israer shuarchasha Nin nekas enentáimtusartatui.” Isa. 42:4

Mat. 5:3

“Atumí wakaní̱ atsumamu nekaamarum tí shiir enentáimsamniaitrume. Warí Yus akupeamuka atumniaiti.

Rum. 15:12

Isayassha áarmiayi “Tawitia aparí̱ Isái weanmaya̱ akupin akintkiáttawai. Nisha ashí nuṉkan akupeakui ashí shuar Niiniak shiir enentáimtusartatui.” Isa. 11:1,10

San. 2:5

Aneamu yatsuru, antuktarum. Ju̱ nuṉkanam kuítrincha ainia nuna Yus achikiuiti Ní shuar ajasár Nin nekas enentáimtin ajasártinian. Tura ashí nayaimpiniam írunna nunasha Yus nin tsaṉkatkattawai. Ashí shuar Yusan aneena nuna anajmatra asa nin tsaṉkatkattawai.

1 Pit. 1:21

Niji̱a̱i̱ átumka Yus umiirume. Yuska Krístun jakamunmaya̱n iniantki̱ naṉkamantu awajsámiayi. Yus nekas enentáimtakrum aya péṉkernak túrawai titiarum tusa túraiti.