Sup. 3:1 - Yus Papí: Shuarja̱i̱ Yus Yamaram Chicham Najanamu

¹ ¡Maaj umichu shuartirmesha yajauchiji̱a̱i̱ mátratirmesha tura péejchach ainia nu kakarmaja̱i̱ umimtikiatin wakerintirmesha aneartarum!

Sup. 3:1 Iomraidhean Croise

Isa. 5:7

Nekasaiti, Israer shuarka Ashí Akupin Uunt Yusa uwa ajarí̱nti. Tura Jutá shuarka ni arake̱ yu ajataiti. Kame Nisha nekasa nuja̱i̱ péṉker sumamtikiawarat tusa nákamai túramaitiat aya chikichnan wakerutiarmai. Túrasha péṉker túrawarat tusa nákainiamaitiat áyatik wáitkiainiam untsumma antuimiai.

Isa. 59:13

Ni wakeramusha umitsuk Uunt Yussha nakitrar ii Yúsri̱nchuiti tíniuitji. Ii Yúsri̱ji̱a̱i̱ wekayatar Yuska iniaisar ataksha Níiya̱ṉka kanaaji. Tura wáitkiastai tusar áujmatkur aya kájeaji núnisrik yajauch túrakur ii enentái̱ji̱a̱i̱ṉ waitruar chichawitji.

Isa. 59:6

Kame nu áṉkusha entsarchamniaiti núnisaṉ ni najanamuri̱ji̱a̱i̱sha nukumákchamniaiti. Tura ni túrutairi̱sha aya yajauchikiti nuyá̱ ni uwejé̱ja̱i̱ ti emeskamusha írunui.

Jrm. 5:23

Túmaitiat jú̱ pepru enentáinkia nétsete tura antuktinian nakitiáiniak aya kajen áiniawai. Tuma ásar kanakiar yajá wéaruiti.

Jrm. 6:6

Warí Ashí Akupin Uunt Yus chichaak “Jerusaréṉka numiri̱ṉkia ajatrarum mesetnum wákar mánitiai najatkatarum. Warí ju̱i̱ṉkia aya yájauchik piákuiti tuma asa jú̱ pepruka asutniátniuiti.

Jrm. 6:7

Entsa pajamtainmaṉka éntsaka micha átsuk núnisaṉ Jerusaréṉnumka yajauch túrutaiṉkia aya ajattsar áiniawai. Tura yajauch awajkartuktiniak núnisaṉ aya émeskartuktiniak áujmatma ántuwawai. Warí Wisha pujai̱ṉ suṉkursha tura tsupiawarmasha tuke irunainiawai” tawai Uunt Yus.

Riw. 1:16

Tura uwer tsukaje̱n jurustatui. Tura etsa̱ jintiainmaani̱ yantam áestutai̱ yuṉkunmiri̱n ajapattawai.

Ams. 3:9

Astutnum tura Ejiptunmasha akupin pujutai̱ je̱a̱ ainia nui̱sha chícham étserkuram jú̱nisrum titiarum “Naint Samarianam írunna nui̱ waká iruntrarum túrarum aents náṉkamas iruntrar ti itiurchat ajainiak chikichnasha ti wáitkiainiana nu iistarum.

Ams. 4:1

Pasannumia̱ waaka nuwa̱ Samaria náintri̱n matsatearmena tura kuítrincha núnisaṉ atsumainia wáitkiarmena núnisrumek atumí aishri̱ chichareakrum itiatárum umararmi tárumna nútiram ju̱ chicham antuktarum.

Sak. 7:10

Waje̱sha, mitiaikiasha, yajaya̱ táarusha, kuítri̱ncha ainia nusha ántrarum atankuram wáitkiasairap. Tura yaaksha ni yachi̱n yajauch enentáimtuscharti.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.