Sup. 2:7 - Yus Papí: Shuarja̱i̱ Yus Yamaram Chicham Najanamu

⁷ Kame Jutanmaya̱ iwiaaku juákaru nu nuṉkanmaṉka murikri̱n wainiartatui tura kí̱akuinkia Askarún shuar matsamin armia nu je̱a̱nam kániartatui. Warí, achira yaruakma matsatainia nuya̱ṉka Jiuwá ni Yusri̱ ata̱i̱niartatui.

Sup. 2:7 Iomraidhean Croise

Naṉ. 50:24

Kame chíkich tsawant Jusé ni yachi̱n irur chicharainiak “Winia jákatniursha yamaikia ishichik ajasái. Túrasha Yus atumín yaintmaktatrume. Túrutma jú̱ nuṉkanmaya̱ṉka juramkiar ii úuntri̱n Aprajáman nuyá̱ Isakan tura Jakupnasha anajmatramia nú nuṉkanam apujtamsattarme” tímiayi.

YKan. 80:14

Nayaimpinmaya̱ Suntara Uuntri̱ Yusá waitneasam waketkim nayaimpinmaya̱n waitnenkarturam jú̱ uwa árak wáinkiata.

YKan. 85:1

Maa Jiuwaá Ámeka Ame shuarum waitnentrarmame túram Jakup aents achirar yaruakma awakearmame.

Jiin. 4:31

Nuna iisar ashí Israernumia̱ shuar “nekasaiti, Yus Israer shuartin íirmainiaitji núnisaṉ ii wáitiamuncha nekaawiti” tusar Yusan enentáimtuiniak tikishmátrar shiir awajsarmiayi.

Isa. 11:11

Ántsaṉ nu tsawantinkia Ni shuari̱n Asirianam, Ejiptunam, Pátrusnum, Itiupíanam, Iramnum, Senarnum, nuyá̱ Amat nuṉkanam tura nayants yantamnumsha ishichik juákaru pujuinia nuna Uunt Yus ni kakarmari̱ji̱a̱i̱ awakearartatui.

Isa. 11:14

Nuyá̱ Israer shuarka etsa̱ akatainmaani̱ Jiristíu aents matsatainia nuna pinchu kuntinnian wainiak inianteana nútikias iniantrartatui. Nuyá̱ mash irunturar Etumnasha tura Muápnasha ni warirí̱n atantrar yarurkartatui. Kame Muapka tura Etumsha nupetkamu ártatui. Antsu Amuna uchirí̱ṉkia Israer shuaran umirin ártatui.

Isa. 11:16

Kame yaunchu Israer shuaran Yus Ejiptunmaya̱ ji̱i̱ki̱ juíniak nayantsan kukach awajsámia nútikias Asirianam Ni shuari̱ ishichik juákaru ainia nu katiṉkiarat tusa jintiaráttawai.

Isa. 14:1

Uunt Yuska ti nekas Jakupan waitnentrattawai tura Israernaka ataksha awaiṉki̱ achik ní nuṉke̱ni̱ṉ matsasártatui. Tura chíkich aentssha nui̱ káunkar niji̱a̱i̱ tsaniṉkiar Jakupa shuari̱ ajasártatui.

Jrm. 23:3

Tura Winia murikiur juákarun ashí nuṉkanam tsakiṉmakarmaj nuna ikiankaran ní sa̱a̱kri̱ni̱ṉ ataksha matsasártatjai. Túramka pampaṉkar tí untsurí ajasártatui.

Jrm. 29:10

Tura Papirúnianam Wi timiaj núnisaṉ sataintia uwí jeamtaikia atumín waitnentakun waketrukin tura Winia chichamprun umíakun ataksha ju̱i̱ṉ awakeartatjarme tawai Uunt Yus.

Jrm. 29:14

Túrasha atumek e̱a̱tkarum waitkiattarme. Tura achirar yajá yaruakma átumka matsatrumin nuya̱ntka awakeartatjarme. Kame uunt nuṉka mátsatkamunam tura Wi ji̱i̱rá akuprámu tui̱ matsamsaitrum nui̱ pujarmini̱ṉ ashí ikiankan irurtatjarme. Túran tui̱ matsatrumnia̱ achira yaruaktarum tusan tsaṉkamkamjarum nui̱ṉ awakearan ataksha matsastatjarme tawai Uunt Yus.

Jrm. 3:18

Nu tsawantinkia Jutanmaya̱sha Israernumia̱ja̱i̱ métek wekasartatui. Túmainiak arakaani̱ matsatainia nuka ni aparí̱ nuṉkan nérentin ajasármia nú nuṉkanam tsaníakuk káunkartatui.

Jrm. 30:3

‘Nekaata tsawant tsawa̱rtatui Wí shuarnaka kame Israer shuarsha núnisaṉ Jutá shuarsha achira yajá yaruakarman awakearartatjai. Túran ni úuntri̱n nuṉkan súsarmiaj nui̱ṉ ataksha awakearan matsasártatjai túran nui̱ṉ matsamsartatui’” tawai Uunt Yus.

Jrm. 31:7

Warí, Uunt Yus chichaak “Jakup enentáimtusrum warakrum ti shiir enentáimsatarum. Tura uunt nuṉka mátsatkamu uuntri̱ asarum warakrum kakantra untsumkatarum. Tura Yusa naari̱ shiir awajeakrum ‘Uunt Yusá ame pépruram Israer shuar juákaru uwemtikrarta’ tákuram paant ántumtikiatarum.

Jrm. 32:44

Antsu nuṉkan kuitji̱a̱i̱ súmainiak papin najanawar asaktai̱n apujtuawar tura jimiará aentsun achikiar Piṉjiamínkia nuṉke̱nka Jerusaréṉkan téntakartatui. Jutá pépruri̱n tura pepru naintiar naintranmasha tura Sejeranmasha núnisaṉ Nekepnumsha pepru iruniartatna nui̱ Wikia yajá yaruakma ainia nuyá̱ awakearartatjai’” tawai Uunt Yus.

Jrm. 33:12

Ashí Akupin Uunt Yus jú̱nis tawai ‘Ju̱ nuṉka emesnak áentsri̱ncha tura yajasmash atsú ajasártatui. Tura ashí pepru ainia nui̱ṉkia ataksha sa̱a̱k iruntiatui. Núnisaṉ murikiu wáinin ainia nusha ni murikrí̱n ayamtikrartatui.

Jrm. 33:7

Israernasha tura Jutancha achira yaruakma ainia nuna ataksha awakeartatjai. Túrawaran yama naṉkamtaik tura yaunchu matsamin armia nútiksaran matsasártatjai.

Jrm. 47:5

Kame Káasanmaṉka intiash tsupirar muuka kesá kesá awajsatin jeayi antsu Askarúnka mitia juákuiti. Maa ti uunt aents iwiaaku juákutirmesha ¿urutáik atumí aya̱shí̱ tsupiatniusha iniaisatarum?

Isk. 39:25

Tuma asamtai Uunt Yus chichaak “Yamaikia Jakup shuar achirar yaruakma ainia nuna awakearartatjai. Tura ashí Israer shuarnaka waitnentrartatjai. Nuna túran Winia tunaarincha naarua nuna ti akasmatakun iniaktusartatjai.

Use. 6:11

Tura Wí shuar achirar yajá yaruakman ikiankattajna nui̱ṉkia Jutáa atumniasha júuktin tsawantrum iwiarturmaitrume” tímiayi.

Apt. 1:19

Nekep aents Esaú náintri̱nkia akinkiartatui, núnisaṉ Jiristíu nuṉkanka Sejera akintrukartatui áintsaṉ Eprainnasha nuyá̱ Samaria kampunniuri̱ncha tura Karaatnanka Piṉjiamín akinkiattui.

Mik. 2:12

Ti nekas Israer shuar juákaru ainia núnaka juukartatjai túran murik wénuimiunam matsatna nútikian matsastatjai. Túram untsurí aents matsamás tétete ajá matsamártatui. Ni akupniúri̱nkia Uunt Yus eem wétatui” tíniuiti Uunt Yus.

Mik. 4:7

Nuya̱ṉka shutuap juákarma núnaka tura yajá tsakiṉmakarmaj nunasha uunt pepru ti kakaram awajsartatjai” tawai Uunt Yus. Tura nu tsawantinkia Seun nainnium Uunt Yus yamaisha tura ukunmasha nin tuke akupkartatui.

Sup. 2:9

Kame Jiuwá Nayaimpinmaya̱ Suntara Uuntri̱, Israera Yusri̱ tawai “Wi iwiaakjai tuma asamtai Muapka Sutuma urukamia núniktatui núnisaraṉ Amun aentska Kumura urukamia núnis túrunawartatui. Ni nuṉke̱nka aya nárak wáinkiartatui tura wee jutai̱ ajasártatui tura emeskamu tuke juáktatui. Tura winia shuarui̱ya̱ juákarua nu utuawar kasarartatui tura nuṉke̱ncha akintrurar nui̱ matsamsartatui.”

Sup. 3:13

Israernumia̱ juákarua nuka yajauchin túrichartatui tura wáitniasha chichaschartatui tura ni wene̱nia̱sha anaṉkartuatniuka atsuttui. Warí, péṉker wainkiamu ártatui. Tura yáakesh sapijmiamtikiachma péṉker kanarartatui.”

Sup. 3:20

Átum achirar yaruakma matsatrumin aṉkant awajsattajrumna nuka atumí jí̱ji̱a̱i̱ṉ wainkiattarme. Túrunawakrumni̱ṉkia nu tsawantinkia Wiki ikiankattajrume túran Wiki irurtatjarme nu tsawantinkia. Túran ashí nu nuṉkanam aents matsatainia nu shiir awajtai̱ tura nekaamu árat tusan apujsattajrume” tawai Jiuwá.

Aji. 1:12

Tura Saratiára uchirí̱ Surupapír nuyá̱ Yúsnan pujurniu uuntri̱ Jusatáka uchirí̱ Jusuí nuyá̱ ashí shuar waketkiar matsamármia nu Yúsnan etserin Ajíu Uunt Yusa chichame̱ étserman antukar Uunt Yusan ti ashamkarmiayi.

Aji. 2:2

“Jutanmaya̱ shuara uuntri̱ Saratiára uchirí̱ Surupapír núnisaṉ Yúsnan pujurniu uuntri̱ Jusatáka uchirí̱ Jusuí nuyá̱ ashí shuar matsatainia nu chicharainiakum,

Ruk. 1:68

“Israer shuarti ii Yusri̱ naari̱ shiir awajsatniuitji. Ii Yusri̱sha tarutmaitji. Tura uwemtikrampraitji.

Ruk. 7:16

Tura matsamiarmia nu, nuna wáinkiar ashamkarmiayi. Tura Yusa náari̱n shiir awajsarmiayi. Tura chichainiak “Yúsnan etserniuchukait Nisha. Ataksha Yúsnan etserin uunt ana nu tarutramji” tiármiayi. Tura “Israer shuarti Niniu ájinia nuna yaintmaktai tusa Yus tarutramji” tiármiayi.

Tur. 8:26

Tura Yus ni suntari̱n nayaimpinmaya̱n Jiripincha akuptúkmiayi. Nisha chicharuk “Wátskea. Ju̱yá̱ jiinkim Jerusaréṉnumia̱ jintia Kaasa péprunam wea nuní̱ weme anaraani̱ wetá. Nú jintiaka atsamu nuṉkanam naṉkamawai” tímiayi.

Tur. 8:40

Jiripsha jeachat Asutu péprunam wantinkiamiayi. Tura nuyá̱ jiinkí̱ péprunam nuí̱ wayá̱, nuí̱ wayá̱ Yus Chichaman etserki̱ we Sesarianam jeamiayi.

Rum. 11:5

Núnisaṉ yamaisha Yus ti waitnentainia asa ashí Israer shuarnumia̱ ni shuari̱n achikiuiti.

Rut 1:6

Chíkich tsawantin Nuimisha Muápnum pujus Uunt Yus ni shuari̱n waitnentraiti. Tuma ásar yurumkan taramkarai táman antuk “waketkitjiai” tímiayi.