Sup. 2:15 - Yus Papí: Shuarja̱i̱ Yus Yamaram Chicham Najanamu

¹⁵ Ju̱i̱ti írutkamu waras pujuya nuka tura nekas enentáiji̱a̱i̱ niṉki enentáimtumas ní enentái̱ji̱a̱i̱ṉ chichaak “Aya wíkitjiai. Wiji̱a̱i̱ naṉkaamaska chíkichkia atsawai” tiniua nuka aya jú̱nik awajnáschaik túruna kajen yajasma matsamtai̱ ajasái. Ashí aents nuní̱ naṉkaamainiaka wíshikiakur uwej iniaktusrik awajtai̱ ajasártatui.

Sup. 2:15 Iomraidhean Croise

Isa. 47:10

Áme yajauchirmiji̱a̱i̱ṉ nekas péṉker pujustatjai tu enentáimsam chichaakum “Yaaksha waittsui” tiniu asaakmin áme nékamuk tura áme nekatairmek anaṉkramawaruiti. Warí, áme enentáimsamek chichaakum “Aya wíkitjiai nuyá̱ wini̱ya̱ṉka chíkichkia atsawai” tíchamkam.

Jrm. 18:16

Ni túmainiamuja̱i̱ núṉkencha peṉké atsá aya jú̱nik awajsar tuke wishiktai̱ ajasártatui. Ashí aents nuní̱ naṉkaamainiak nuna wáinkiarka ‘¡Aaj, ju̱sha urukakua jú̱nikiuitia!’ tusar muuke̱ncha peakmaikia naṉkaamartatui.

Jrm. 19:8

Tura nu péprunka ashí emeskaran mui̱jmiai̱ wishiktai̱ awajsartatjai. Tura ashí shuar nuní̱ naṉkaamainiaka nuna wáinkiar ¡Aaj, ju̱sha! ¿Urukakua jú̱nikiuitia? tusar tí untsurí ajas araknasha tura shuarnasha emesin ju̱i̱ ashí naṉkaamasua nuna enentáimias ujujmiákiar naṉkaamartatui.

Jrm. 50:13

Uunt Yus kajerkámu asa ashí amukma pujuschamnia ajastatui. Tuma asamtai aents Papirúnianmaani̱ naṉkaamainian aents nuna wáinkiar ‘¡Ju̱sha yajauchin túracharaṉ jú̱ninia!’ tusar wishikiartatui.

Ukan. 1:1

¡Maaj, péprunam aents timia untsurí matsamin armia núchak timia niṉki ajasá! ¡Uunt nuṉka mátsatka úuntri̱niauya núchak wáje̱a núnikia! ¡Úunt akupniu nawantri̱nkia kakarmaja̱i̱ iniatai̱ ajasái!

Ukan. 2:1

Jiuwaka yuraṉmiji̱a̱i̱ ejakua nútikias suíran kae̱ kajentuk Seúna nawantri̱ shíirmari̱nkia tee awajsáyi. Tura Israera páantniuri̱ncha nayaimpinmaya̱ jukí̱ nuṉká ajapaiti. Núnisan suíran ka̱e̱ kaje̱nkamu tsawantinkia tarimsa pujutái̱ri̱ncha peṉké enentáimtuschamai.

Ukan. 2:15

Nú jintianmaani̱ ashí wekainiaka ámin wishikramainiak uwejé̱n pákea pákea awajkiar naṉkaamarmai. Tura “shui shui” tiar muuke̱ncha péasan naṉkaamarkar ajarmai wishikramainiak tura Jerusaréṉka nawantri̱n enentáimtusar chichainiak “Timiá shíirmaiti tusar ashí nuṉkanmaya̱ ti wararí̱n armia nú pepruchukait?” tiarmai.

Isk. 28:2

“Maa aentsu uchiri̱yá, Tírunmaya̱ akupin chicharkum Uunt Yus Ashí Aentsu Uuntri̱ chichartamuk aentsuitiatam naṉkamantu enentáimtumaram Yusa núnisam wikia yúsaitjiai tusam yusa pujutái̱ri̱n nayants ajapén pujajai tákum Yusa enentáimtairi̱ji̱a̱i̱ métek enentáimpra asam,

Isk. 28:9

Ámeka yuscha antsu áentsuitiatam ámin mantamawartatna nusha chicharainiakum ‘Wikia yúsaitjiai’ ¿titiameash?

Tan. 4:27

Kame nu asamtai akupniu, winia chichamur antukam métek péṉker túrakum nu tunaaka tsaṉkurnartatme. Núnisaṉ ame yajauch túrutairmesha iniaisam kuítri̱ncha ainia nu waitnentram yáiniakum péṉker pujuschatameash” tímiayi Taniar.

Awa. 1:7

Kame tí tsuumai̱ tura ashamái̱ átatui. Núnisaṉ ní wakeramunak túrin áiniawai.

Mat. 27:39

Shuar nui̱ naṉkaamainiak muuke̱n pe̱a̱shim wishikiainiak