Sup. 2:11 - Yus Papí: Shuarja̱i̱ Yus Yamaram Chicham Najanamu

¹¹ Jiuwaka niṉkia tí tsuumainian iniaktusartatui. Ántar yus ashí nuṉkanam írunna nuna emeskattawai ántsaṉ ashí nuṉkanmaya̱ uunt nuṉka mátsatka ainia nusha mashⁱ Niin tikishmátrartatui.

Sup. 2:11 Iomraidhean Croise

Naṉ. 10:5

Kame Jajet shuarka nayants supichik aṉkant aṉkant ní nuṉke̱ni̱ṉ úunt matsatka najankar matsamsarmiayi. Túrasha nuamtak ni chichame̱ja̱i̱ṉ anturnainiarmiayi.

YKan. 138:4

Maa Jiuwaá, Ame chichammin antukar Ashí nuṉkanam uunt akupin áiniana nuka shiir awajtámsartatui.

YKan. 72:17

Etsa̱ ekemtiatna ju̱i̱ṉkia ni náari̱ṉkia tuke shiir awajsamu átatui. Ashí nuṉkanmaya̱sha niji̱a̱i̱ shiir awajnásartatui. Tura “ti shiir awajsámuitme” tiártatui.

YKan. 86:9

Ashí uunt nuṉka mátsatkamu Ame najantkamamna nu Ame pujamunam taar tikishmátramprartatui. Túrawar Ame náarmincha páantin shiir awajsártatui.

Isa. 2:18

Nuya̱ṉka najankamu yus ainia núnaka ashí amukártatui.

Isa. 2:20

Nu tsawantinkia aents najanamu yusan tikishmátrartai tusar kúriji̱a̱i̱ tura kuít jiruja̱i̱ najankamuncha katipin tura jéenchman utsaṉkartatui.

Isa. 42:4

Ju̱ nuṉkanam métek sumamtikiatniuri̱ umiimiam pimpikchattawai núnisaṉ yawe̱tnasha yawe̱rchattawai. Tura nayants yantam pujuinia nuka umiktin chicham Ni akupkámun nákasartatui. Mat. 12:18-21

Isa. 49:1

Ashí nayantsa yantamén tura nuṉka náṉkatkamunam matsatrumna nú aentstirmesha antuktarum. Wikia akiiniatniuka atsa̱i̱ṉ Uunt Yus untsurkaiti. Tura winia nukurui̱ eṉketai̱n winia náarun pachis anaitiukuyayi.

Jrm. 10:11

Kame chicharkuram “Najankamu yus nuṉkancha tura nayaimpincha najankacharua nu yuska ju̱ nuṉkanmaya̱ṉka ántsaṉ nayaimpi wakenmari̱ya̱sha meṉkararti” titiarum.

Jrm. 46:25

Ashí Akupin Uunt Yus Israera Yusri̱ chichaak “Nekaata, Tépesa ántar yusri̱ Amunnasha tura Parauṉnasha núnisnak Ejiptunka ni yusri̱miak núnisaṉ úunt akupniuri̱ntiuk asutiáwartatjai. Nu arant Parauṉnaka yaintkiattawai tu shiir enentáimtuinia nuímiak asutiáwartatjai.

Tan. 11:18

Nuya̱ṉka nayantsa yantamén pujuinia nuna weriar nupetkartatui. Túrasha chíkich akupin nupetkattawai. Túram ni nuṉke̱ni̱n wáketeaj tukamá jintiá tukumak iniartatui. Nuya̱ṉka atakka peṉké wainniakchattawai.

Use. 2:17

Kame nu tsawantinkia najankamu yus untsurí Paara naari̱ pachia asakrumin kajinmamtikiattajrume túramu asarum ni náari̱ṉkia atakka peṉké pachischattarme.

Juir 2:11

Kame nu suntara matsamkamuri̱ṉkia tí uuntaiti. Tuma asamtai Uunt Yuska ni suntari̱n eem wajatas akupeawai. Tura Nisha ti kakaram asamtai Ni suntarí̱sha Ni chichame̱nka umirainiawai. Warí Uunt Yusa tsawantri̱sha ti ashammainti. Nu tímianuncha ¿yaki katsuntrat?

Sup. 1:4

“Jutan kunturun iwiaintiukan nekaska Jerusaréṉnum ashí aents matsatainia nuna asutkiartutai̱ kunturun iwiaintiuktatjai. Tura ishichik juákaru Paar yusan tikishmátainia nunasha tura úuntri̱ncha nuyá̱ ántar yusan takarniuncha náari̱n mash asaktúkan emeṉkatrattajai.

Sup. 3:9

“Jiuwá náari̱n ashí aents páchiniak métekrak chichasar Nin péṉker takarsarat tusan nu tsawantinkia ashí nuṉkanmaya̱ aentsun ni wene̱ja̱i̱ṉkia aya péṉkera nunak Wikia ataksha chichamtikiattajrume.

Sak. 13:2

Núnisaṉ nu tsawantinkia ju̱ nuṉkanam najankamu yus írunna nuna náari̱nkia ashí asakátrartatjai. Kame nu túramka atakka núnaka peṉké enentáimtuschartatui” tawai Ashí Akupin Uunt Yus. “Núnisaṉ ju̱ nuṉkanam najankamu yúsnan etserin írunna nunasha tura yajauch wakanniasha amuktatjai.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.

Sak. 8:20

Ashí Akupin Uunt Yus jú̱nis chichaak ‘Untsurí aents tura chíkich péprunmaya̱sha nuna naṉkaamas atumíin káunkartatui.

Sak. 8:23

Ashí Akupin Uunt Yusan chichaak ‘Nu tsawantinkia yajaya̱ tias shuar chíkich chichamtin ainia nu, chikichik Israer shuaran pushiniam achik emetawar “Atumji̱a̱i̱ wemí tusar wakeraji. Yus atumji̱a̱i̱ pujá tama antukuitji” tiártatui’” tímiayi.

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

Mks. 1:14

“Kame yaaksha ni murikrí̱ya̱n áishmaṉ péṉkeran takakuk Yus áestuatniun susatjai táyat yapaji̱á murik tunamárun súakka anaṉma asa yajauchiji̱a̱i̱ yumiṉkramuiti. Wikia Ashí Naṉkamantu Úunt Akupin Yúsaitjiai. Tura ashí nuṉkanmasha winia Naarka ashammainti” tíniuiti Ashí Akupin Uunt Yus.

Muis. 32:38

Tura taṉkú maa aestua súam macharí̱n yuíniak núnisaṉ winiu súam úmiarmania nu nantakiar yáintmak ayamprutmakarti.

1 Tim. 2:8

Nu asamtai áishmaṉka kajetsuk yajauch tunaitsuk antsu péṉker enentáiji̱a̱i̱ uweje̱ takuiniar Yusan áujsarti.

Apu. 11:15

Nuyá̱ suntar siatia nu, kachun umpuarmatai chícham kakaram chichainia nayaimpinmaya̱ antunkamai. Jú̱nis tiarmai “Yamaikia ii Uuntri̱ Yus tura ni Anaikiamu Kristu ashí shuaran akupin ajasárai. Nisha tuke amutsuk akupkartatui.”