Sup. 1:5 - Yus Papí: Shuarja̱i̱ Yus Yamaram Chicham Najanamu

⁵ Tura je̱a̱ yakí̱ pujusár nayaimpiniam kakaram írunna nunasha tura nekas umirkattajai tusar Jiuwáa náari̱ncha páchiniayatan Mírkum yusa náari̱ncha pachisar nekas umirkattajai tuínianka amukártatjai.

Sup. 1:5 Iomraidhean Croise

1 Akup. 11:33

Warí ni aparí̱ Tawit Winia akupkámu chichamprun umirtuk Wi iismasha péṉkeran túramia núnis túrutsuk Wíniaka iniaitiusar Setun aentsu yusri̱ Astarten tura Muapa yusri̱ Kimiusan núnisaṉ Amun aentsu yusri̱ Muruknasha tikishmátraru áiniawai.

1 Akup. 11:5

Kame Saramúṉka Setunnumia̱ ántar yusan Astarten nuyá̱ Amunnumia̱ ántar yusan mui̱jmiai̱ ti yajauch nakumkar najanamun Murukan tikishmátmiayi.

1 Akup. 18:21

Tura Irías, Israer shuar iruntramunam weanak chichaak “Atumsha jimiará enentái enentáimprumna nusha urutáintsuk iniaisatarum. Tura Uunt Yus nekas Yúsaitkiuiṉkia niṉki nemarsatarum núja̱i̱ṉchuka Paar nekas Yúsaitkiuiṉkia nuke enentáimtustarum” tímiayi. Tákui̱sha Israer shuarka peṉké áimkiacharmiayi.

2 Akup. 17:32

Kame Úunt Yusnasha enentáimtuiniayat ni ántar yusri̱ncha enentáimtuinia ásar najankamu yus enentáimtutai̱ naint najankamu armia nui̱ takasártinian niniya̱nak ántar yusri̱n takarniúri̱n anairarmiayi.

2 Akup. 17:33

Tura tu nuṉkanmaya̱ káunkarmia nuyá̱ túrutai̱ncha túruiniak najankamu yusnasha enentáimtiarmiayi. Nuna túruiniayataṉ Úunt Yusnasha enentáimtiarmiayi.

2 Akup. 17:41

Tuma ásar nu péprunmaya aentska Úunt Yusnasha ashamainiayataṉ najankamu yusri̱ncha shiir awajiármiayi. Ni uchirí̱ tura ni uchirí̱ya nuyá̱ uchirí̱ armia nusha núnisaṉ túrawarmiayi. Nisha ni aparí̱ túrawarmia núnisaraṉ yamaiya̱ ju̱i̱sha túruiniawai.

Isa. 22:1

Jerusaréṉnumka antukchamnia tétete ajainiawai. Atumnia jákarma nuka mesetnumka núnisaṉ puya̱ja̱i̱sha jákacharuiti. Atumí suntari̱ uuntri̱ métekrak pisainian tura puya̱ncha takakchainian métekrak achirármai. Iirsairap tí kuntuts enentáimpran úteakuisha túrasha wi shuar emesnakarmanum atsaṉkrataj turutirap. Ju̱ka Ímiaja̱i̱k Waintiai̱ Pakanam tétete ajatin tsawant Ashí Uuntri̱ Uunt Yus akupkámuiti. Nu tsawantiṉkia Kampunniu Je̱e̱ tamanum mesetnum mánitiai ikiusárma enentaímturmame núnismek tanisha wenuke̱ iwiartukar utúachmin awajsatin enentaímturmame túrasha nuna najana nuka peṉké enentáimtuschamame.

Isa. 44:5

Ju̱na títiatui “Wikia Uunt Yúsnaitjiai, chíkichkia Jakup anaikiattawai tura chíkich uwejnum aak Úunt Yusnaitjiai tura Israera náari̱ji̱a̱i̱ anaikiamu átatui” títiatui.

Isa. 45:23

Tura imiá Wiki nekas tajai tusan tumammiajai. Nu péṉker chicham winia wenuruí̱ya̱ jiinkimia nusha peṉké yapajniáshtatui. Ashí nuṉkanmaya̱ aents Winia tikishmátrurartatui. Túrawar ashí shuar Winia náarun pachis chichainiak “nekasaiti” turutiartatui. Rum. 14:11

Jrm. 12:16

Tura émamkesar wi shuara túramuri̱n nekaawar Wi shuaran Paara náari̱ji̱a̱i̱ nekas tajai títinian jintintiáwarma tímiatrusaraṉ nekas tajai tusar Uunt Yus iwiaakui títinian nekaawarka Wi shuar matsatainia nui̱sha tí peṉker nisha pujusártatui.

Jrm. 19:13

Tura je̱a̱ Jerusaréṉnum núnisaraṉ Jutanmaya̱ úunt akupniu je̱e̱ ainia nusha ántsaṉ nayaimpinmaya̱ suntar ashí irunainiana nuna enentáimtuiniak je̱á̱ taṉkiri̱ pakarí̱n kuṉkuinian áestuawarua nú je̱a̱ka ashí tura chíkich yus irunainia nuna umutai̱n ukatrarusha Tupitia núnisar mui̱jmiai̱ ajakártatui’ tajai” tímiayi.

Jrm. 32:29

“Tura Papirúnianmaya̱ aents Jerusaréṉkan mesetan juruinia nuka nui̱ utsantuawar je̱a̱ taṉkiri̱n Páaran tura chíkich najankamu yusan wíniuja̱i̱ ukatrar núnisaṉ kuṉkuinian áestuiniak Winia kajetáirun e̱a̱karma núurtiuk jiji̱a̱i̱ áeskartatui.

Jrm. 4:2

tura nekasa nuja̱i̱ tímiatrusnak nekas nákak túrattajai tusam Uunt Yussha iirui tákumni̱ṉkia antsu nui̱ṉkia ashí nuṉkanmaya̱ aentssha Nin péṉkernum yumiṉkramu ártatui tura Níini̱ṉ shiir awajnásartatui.

Jrm. 49:1

Uunt Yus Amuna uchirí̱n jú̱nis tawai “Nekaata, ámin téntatmak pujurtamainia nuna ámin ashampramkarat tusan itiartiatjame. Aṉkant aṉkant ámin shitiatma útsutmakartatui tura nuiṉkia wekarama nuna achirtámkatniuka atsuttawai. Nuya̱ṉka Amuna uchirí̱ achira yaruakma ainia nuna ataksha awakeartatjai” tawai Uunt Yus.

Jrm. 5:2

Túraitkiusha nekas umiktatjai tusar ‘Iwiaaku Uunt Yus’ íirsati tuíniakush núnaka peṉké ántar tuíniawai” tímiayi.

Jrm. 5:7

Uunt Yus chichaak “Nuna túruiniancha ¿itiurak tsaṉkurartaj? Warí atumí uchirí̱ṉkia ajaprua iniaitiusarai. Túmainiak yuscha ainia nuna pachisar nekas túrattaji tuíniawai. Warí ni atsumainiamunka Wikia ashí súsarmajai túramaitiat niṉkia tsanirmawar aya̱shin súrin nuwa̱ matsamtainmasha tí waketiarmai.

Jrm. 7:10

winiayatrumek Winia Naar pachisar Uunt Yusa Je̱e̱ tu anaikiamua nui̱ táarum ‘yamaikia aṉkantaitji’ mui̱jmiai̱ ainia nuka ashí túratin tárume.

Jrm. 7:9

Túmakrum kasamsuárum, maṉkartasuárum, tsanirmasuárum, tsanumsuárum kuṉkuin Paar aestasuárum nuyá̱ átum nuik nekaachma chíkich yus áiniana nu tikishmáttsuárum

Jrm. 8:2

Tura yana anenakua enentáimtusar tikishmátrarma núnisaraṉ yana nemarsara aniasarma nui̱ etsa̱nam nantunam nuyá̱ nayaimpiniam ashí írunna nui̱ naka tepetar amajkartatui. Tuma ásar juutcha júukchamu tura iwiartasha iwiarsachma ásar arakan péṉker neremtikin nuṉká matsasma núnisar juákartatui.

Use. 10:2

Kame ni enentái̱ji̱a̱i̱ anaṉmainiawai. Tuma ásar yamaikia niṉki makumarartatui. Tura najanamu yus áestutai̱ncha nuyá̱ kayá yusri̱ncha Uunt Yus yumpuntrar tsairartatui.

Ams. 5:26

Antsu íksarmek najankamu yus enentáimtaji tusarum átum najankamuk Muruk tura yaa yus Kiun náartin entsakní̱ wekaimiarme.

Mat. 6:24

Shuar jimiará úuntri̱n umirkatniun tujintiawai. Chikichan wakerak chikichnaka nakitrattawai. Chikichan umiruk chikichnaka umirkashtatui. Núnisaṉ átumka Yussha kuitcha mái̱mtek enentáimtustin tujintkiattarme.

Tur. 10:9

Kashin tsawantai̱ Kurniriu suntari̱ Júpiniam nuntumsarai̱ tutupin ai̱ Pítiur je̱a̱ yakiri̱ wákmanum Yusan áujsatajtsa wakamiayi.

Rum. 14:11

Nu asamtai Yus Papinium tawai “Wi nekas iwiaaku pujá asan ashí Winí̱ tikishmátrurartatui. Tura ashí ‘Yus asa tuke péṉker túriniaiti’ turutiartatui” tawai.Isa. 45:23; Jir. 2:10-11

Muis. 10:20

Tuma asamtai atumí Uunt Yusri̱ ashamakrum tikishmátratarum. Tura Niṉki umirkatarum. Núnisrumek Niṉki shiir enentáimtusrum wekasatarum. Tura ti nekas tajai tákurmesha aya ni náari̱ṉ pachisrum titiarum. Muis. 6:13; Mat. 4:10

Muis. 4:19

Tura yakí̱ nayaimpiniam etsa̱sha kashí nantusha yaasha núnisaṉ ashí yakí̱ irunainia nu wáinkiuram atumí enentái̱ wakeramuja̱i̱ṉ shiir awajeakrum tikishmátrairap. Warí yakí̱ nayaimpiniam irunainia núnaka atumí Uunt Yusri̱ ashí aents nuṉká pujuinia nuna najatkaiti.

Jus. 23:7

Túrakrum chíkich aents atumji̱a̱i̱ matsatainia nuja̱i̱ peṉké pachimnairairap. Tura ni najankamu yusri̱ enentáimtuinia nusha enentáimtusairap. Núnisaṉ ishichkisha peṉké umirkairap. Nuyá̱ nuna naari̱ pachisrum ‘Nekas umiktatjai’ tiirap. Tura peṉké ishichkisha enentáimtusairap.