Sup. 1:3 - Yus Papí: Shuarja̱i̱ Yus Yamaram Chicham Najanamu

³ Aentsnasha, yajasmancha tura yaki̱ya̱ nanamtinniasha ántsanak namak nayantsanam írunna nunasha emeskattajai. Tura Yusan enentáimtichu ainia nunasha amuktatjai. Tura ashí aents nuṉká matsatainia nunasha amukáran atsá awajsattajai” tawai Jiuwá.

Sup. 1:3 Iomraidhean Croise

Naṉ. 6:7

“Shuaran Wi najankamiaj nunasha tura ashí yajasmancha taṉkuncha japinias nuṉká yujá ainia nunasha ántsaṉ ashí nanamtinniasha yamaikia amuktájai. ¿Urukamtaik aentsnasha najankayaj?” tímiayi Uunt Yus.

Isa. 27:9

Najanamu yusan tikishmátratniun iniaisarmatainkia Israer shuara tunaari̱nkia tsaṉkuramu átatui. Tí nekas Jerusaréṉka ajapa ikiukmia átatui. Tuma asamtai waakasha nui̱ yurumáiniawai núnisaṉ nuwa̱sha nuya̱nak jinia júukar juíniawai. Nu aentska peṉké enentáimcha áiniawai. Tuma asamtai ní najanasha Yus waitnentrachartatui.

Isa. 6:11

Nuna takui̱ wi chicharkun “Uuntá, urutáik etsertancha iniaisataj” tímiajai. Tutai chichartak “Péprusha amukar áentsri̱ncha ajasártatna tura je̱a̱sha itiarak ajasár nuṉkasha núṉkak juákartatna

Isa. 6:12

tura núnisaṉ Uunt Yus aentsun ji̱i̱r yajá ishiakartatna nuyá̱ nuṉkasha áentsri̱ncha aya núṉkak juákartatna tímianai etserkattame.

Jrm. 12:4

¿Nuṉkasha ajakmárua núnikmancha tura kampunniunam ashí nupa̱ irunainiana nusha kaatnasha urutáik iniaisarat? Nui̱ matsatainia nuna yajauchiri̱ji̱a̱i̱ nanamtincha tura yajasmasha amuukaruiti. Warí, Yuska ii náṉkatkamuri̱nkia iyatsui tiarmai.

Jrm. 50:3

Kame chíkich nuṉkanmaya̱ araki̱a̱ aents nin mesetja̱i̱ amuk kampuntin atsú nuṉka aitkia ikiuktinian winitiáiniawai. Nuna túrawarmataiṉkia yaaksha nuiṉkia pujuschartatui. Antsu nuyá̱ aentska tura yajasmasha pisarar yajá shiáktatui” tawai Uunt Yus.

Jrm. 7:20

Tuma asa Uunt Yus chichaak “Nekaatarum jú̱ nuṉkanam aentsnumash yajasmanumash tura ashí numi kampunniunam tura ashí yuraṉ írunna nui̱sha Winia kajetáirun tura Wi suir kaje̱ntkamurun ukartatjai. Tura keekka peṉké kajinkiashtatui” tawai.

Jrm. 9:10

Ashí amukma aya jú̱nik juákaru ásarmatai wétinkia yaaksha atsawai tura waaka úteamuksha ántuwatsui. Tuma asamtai naint áiniana ai̱sha tura kampuntin atsú nuṉkanmasha sa̱a̱k irunainiana nui̱sha jakamnia nekapeakur kúntuts enentáimsar úteamun ántumtikiartatjai. Warí nanamtin yakiya̱ áiniana awiimiak yajasma nuṉkaya̱ áiniana nusha pisakár yajá wéaruiti.

Use. 14:3

Kame Asiriaka tura chíkich aentssha yaintmakchamnia ásarmatai pachischattaji tura iiksha kawainium ekemkatniusha enentáimsashtatji. Núnisaṉ ántar yus íi najankamuk ainia nusha ‘Ámeka ii yúsri̱nme’ tíchattaji. Warí mitiaik ainia nuka Ame waitnenkartutairmin wáinkiartatui” titiarum.

Use. 14:8

Maa, Eprainkia, najankamu yus ainia nunasha yamaisha ¿warinia íistiniaitiaj? Witjiai ámin wáinkiun íistinniaka. Wikia sepris numi sameka núniniaitjiai tura Winia shuaruka ni nere̱n wini̱ṉ wáinkiartatui.

Sak. 13:2

Núnisaṉ nu tsawantinkia ju̱ nuṉkanam najankamu yus írunna nuna náari̱nkia ashí asakátrartatjai. Kame nu túramka atakka núnaka peṉké enentáimtuschartatui” tawai Ashí Akupin Uunt Yus. “Núnisaṉ ju̱ nuṉkanam najankamu yúsnan etserin írunna nunasha tura yajauch wakanniasha amuktatjai.

Mat. 13:41

Nui̱ Wi Aents Ajasu asan winia suntarun akupkáttajai. Tura ashí yajauchin túruinia nunasha tura chikichan tunaanum útsuinia nunasha ashí irurar jinium apeáwartatui. Nui̱sha ti úttin ti wáitsatniusha átatui.

Mat. 23:39

Tura ‘Yusa náari̱i̱n winiana nu, shiir atí’ YKan. 118:26 títiatrumna nu tsawant jeatsa̱i̱ṉ peṉké wáitkiashtatrume. Nuna tájarme” tímiayi Jesus.

Apu. 2:14

Túrin ámini̱ṉ ju̱na títiatjame. Atumíiya̱ shuar yaunchu Yúsnan etserin Paraam yajauch jintíamun tuke emetainiawai. Nisha Israer shuaran tunáa awajsat tusa Parakan unuiniarmiayi. Nuyá̱ Parak Yus sutai̱ taṉkun maar yúatniun Israer shuaran jintintiámiayi. Núnisaṉ ti tsanirmatniun jintintiámiayi.