Sup. 1:17 - Yus Papí: Shuarja̱i̱ Yus Yamaram Chicham Najanamu

¹⁷ Nui̱ṉkia Jiuwá íimmianum tunaan túrawaru ásarmatai wáitsatniuja̱i̱ ashí aentsun asutiáwartatjai. Túram kusurua áintsar yujartatui tura numpe̱sha nuṉká ju̱yu̱ri̱ya̱ núnisaṉ ukarattawai tura namaṉke̱ṉka ijia áinkiartatui.

Sup. 1:17 Iomraidhean Croise

YKan. 83:10

Nisha Enturnum nupetnakar kaji̱nkiarmai túrunawar nuṉká ijia tepana nútiknawarmai.

Isa. 29:10

Warí Uunt Yus atumí nekatairi̱n kanarua áitkiartamaitrume. Tura atumí Yúsnan etserniuri̱n ji̱ncha epetka nútikiaiti tura nekamin ainia nunasha nekamtai̱ri̱n emenkátkaiti.

Isa. 50:1

Uunt Yus chichaak “Atumí nukurí̱ nakitra ajapamu papisha ¿tui̱ aa? ¿Tura yana tumash asana surukuitjiarum? Nekaatarum, átumka atumí tunaari̱ni̱ṉ surunkamarme núnisaṉ átum nakitrakrumin atumí nukurí̱sha nakitniar ajapnamai.

Jrm. 10:18

Warí Uunt Yus tíniuiti. Nekaata, ju̱ nuṉkanam matsatainia nú shuarnaka achirma árat tusan yamaikia kaya eṉkear naṉkimtainiam urukniuit nútikiawaran natsa̱a̱rarat tusan wáitkiasartatjai.

Jrm. 18:21

Tuma asamtai ni uchirí̱ṉkia puya̱ja̱i̱ amuukarat tusam shuarnum surukaram iniaisarta. Túram ni nuwé̱ ainia nuka uchirtichu tura wajé̱ juákarti. Antsu ni áishri̱ṉkia jákatniunam wéarti ántsaṉ uchirí̱ natsa áiniana nuka mesetnum puya̱ja̱i̱ ijiumu ártí.

Jrm. 2:17

Kame átumka péṉker jintianmaani̱ juamaitiatrum atumí Uunt Yusri̱ ajapa iniaisa ¿asarmechuk túrunaitrum?

Jrm. 2:19

Ame yajauchirmek asuttiámattawai. Yus enentáimtamuka ántraiti támena nuke áminkia surutmaktatui. Wats iisam nekaata. Atumí Uuntri̱ Uunt Yus ashamtsuk iniaisatniusha ¿urutmá yajauchikit tura urutmá yapaakit? tawai Ashí Akupniu Uuntri̱ Uunt Yus.

Jrm. 3:25

Ii natsantí̱ni̱ṉ tepenaji tura ii yajauchiri̱ṉ mash amutmakji. Warí iisha tura ii aparí̱sha nátsauyajnia nuyá̱ juárkimiuk yamaiya̱ ju̱i̱sha Uunt Yus ii Yusri̱ncha yajauch túrawaruitji. Warí ii Yusri̱ Uunt Yusa chichame̱sha anturkacharuitji.

Jrm. 4:18

Ame túramurmek tura ame umikchamurmek nuiṉkia ejetamiarai. Ju̱i̱ti ame emesnaktinkia. Tí kuntuts enentáimkiur wáitsamniaiti. Warí enentáimin nekaska antintramkachaik tawai Uunt Yus.

Jrm. 8:2

Tura yana anenakua enentáimtusar tikishmátrarma núnisaraṉ yana nemarsara aniasarma nui̱ etsa̱nam nantunam nuyá̱ nayaimpiniam ashí írunna nui̱ naka tepetar amajkartatui. Tuma ásar juutcha júukchamu tura iwiartasha iwiarsachma ásar arakan péṉker neremtikin nuṉká matsasma núnisar juákartatui.

Ukan. 1:14

Wi nakitiakun ántichu asamtai kijinian neturta Ní uweje̱ja̱i̱ṉ jiṉkiatamai. Chápik jiṉkiarman kuntujrui̱nkia neturtuawarai túman kakarmasha pimpí pimpí ajasárai. Nuya̱ṉka wajakchamnianum chikicha uwejé̱e̱n Uuntka surutak iniaitiusai.

Ukan. 1:18

Jiuwaka nákak túriniaiti túmanak wikia Ni chichame̱n umiktinian nakitmiajai. Antsu yamaikia ashí aentstiram antuktarum. Ti najaimiakun wáitiajna nu íirsakua. Wini̱ya̱n nuwa̱ch áishmaṉja̱i̱ tsaniṉcha ainia nuna tura áishmaṉ natsach áinia nunasha achirar yarurtukaruiti.

Ukan. 1:8

Jerusaréṉka tunáa ti yajauchi túraiti tuma asa nuya̱ṉka akankámuiti. Nin shiir enentáimtin armia nusha ashí nakitraruiti misú wáinkiaru ásar tuma asa sukaska mayatar tí úteawai.

Ukan. 2:21

Warí uchin tura úuntchin aya̱shí̱sha páasanam nuṉká tepetar ajarmai. Tura nuwa̱ch natsachir áishmaṉja̱i̱ tsaniṉcharusha áishmaṉchir natsachisha puya̱ja̱i̱ kajeṉkma áiniawai. Ame suir kae̱ kaje̱ntkamu trawantrumin kí̱awaetnentsu tsuwé tsupirkam kajeṉkármame.

Ams. 4:10

“Núnisnak Ejiptunam túramiaj nútiksanak suṉkurnasha akuptúkmajrume. Tura atumí natsa̱a̱rí̱ṉkia puya̱ja̱i̱ kajeṉkármajai. Atumí kawairi̱ṉkia achirárma arma nui̱ tura atumí matsamkamuri̱n meje̱nasha mayatkamarme. Kame núja̱i̱sha peṉké enentáimtursachmarme” tawai Uunt Yus.

Rum. 11:25

Yatsuru, naṉkamantu enentáimtumara̱i̱rum tusan yaunchu nekaachman ujajrume. Ju̱i̱ti, Israer shuarnumia̱ṉka Yusan nekas enentáimtustinian nakimiainia írunui. Túrasha ashí Israer shuarcha Yus shuar ajastin ainia nu umikiarmatai

Rum. 11:7

Ayu. Nuikia ashí Israer shuar péṉkeran e̱a̱karu ai̱ṉ aya Yus achikmia nú shuar wáinkiarmiayi. Antsu ni achikchamuka nuna naṉkaamas nekaachmin ajasár kusurua núnin awajnásarmiayi.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Pit. 1:9

Tura nuna túruiniatsna nuka kusurua ánin áiniawai. Jesukrístu wakeramuri̱n enentáimtuiniatsui. Ni tunaarí̱ya̱ uwemprarmia nuna kajinmatainiawai.

1 Jṉ. 2:11

Tura shuar chíkich Yus shuaran nakitiakka kiritniunam tuke wekaawai. Tura kiritniunam iimiu asa itiuraani̱ wea nuna nékatsui.

Apu. 3:17

Iis “Kuítrinniuitjiai, ti irumpraitjiai, warinkisha atsumatsjai” tame. Túrasha ashí yajauch, wáitnenmai, kuítrincha, kusuru tura misú iyajme.