Sup. 1:16 - Yus Papí: Shuarja̱i̱ Yus Yamaram Chicham Najanamu

¹⁶ Péprunam je̱a̱ ti yakí̱ je̱a̱mkamunmasha tura je̱a̱ utúachmin ainia nui̱sha kachu umpuamu tura meset antutai̱ tsawantaiti.

Sup. 1:16 Iomraidhean Croise

Isa. 59:10

Kusurua núnisar tanish takakní̱ ajaji. Wáinmachua núnisar akasar wekaaji. Tsawai̱sha tura káshisha tukumkiní̱ wekaaji. Kakaram áiniamunam jaka núniniaitji. Muis. 28:29

Jrm. 6:1

Maa, Piṉjiamínkia uchirí̱tirmeka Jerusaréṉnumia̱ṉka pisaktárum túrunarum Tekuanam kachu umpuartarum. Tura shuar nekaawarat tusarum Pitjakirímnumka ji múkuun awajtiarum. Warí yajauch awajkartincha tura tí kuntuts jakamnia enentáimkiartinkia araki̱a̱ wininiawai.

Jrm. 8:16

Tánnumia̱ juárkin kawairi̱ chichainiamu antuwainiawai. Ni kawairi̱ chichainiamun ántuiniak ashí núṉkaka kurá núniawai. Káutkar ashí nuṉkanka wakerú ajamai irunainia núurtiuk tura péprunka shuári̱ntiuk amú amú awajénawai.

Juir 2:1

Tura Seúnnumka kachu umpuarum Winia akantúkma naintrua nui̱ kakantra untsumkatarum. Kame Uunt Yusa Tsawantrí̱ jeatéma asamtai ashí nuṉkanmaya̱ aentska sapijmiainiak kuraṉkarti.

Ams. 3:6

Ántsaṉ péprunam kachun umpuararmatai aents ¿sapijmiakchartatuak? Wats péprunam itiurchat naṉkama nuka Jiuwá ¿túrachmakait?

Awa. 3:6

Tura Ni wajasmataiṉkia nuṉkasha muchitiáiniawai núnisaṉ íimiakuiṉkia aentssha purushnintiá ajainiawai. Naintcha tuke irunniuitiat yumpunainiawai. Tura yáunchuya̱ naint tépeprak áiniana nusha Nin tikishmátainiawai. Warí Ni túrutairi̱ṉkia peṉké náṉkatkachuiti.

Muis. 28:52

Nuyá̱ atumí Uunt Yusri̱ átum matsamsatniun nuṉkan amasmarumna nui̱ pujusrum ashí atumí nuṉke̱n ashí pépruri̱ kayaja̱i̱ yakí̱ wenuirum nui̱ uwempramnia enentáimmiarumna nuna téntakar matsamtúkar yumpunkiar utsanturmawar atumí pépruri̱n ashí akintrutmakartatui.

Jus. 6:20

Nuyá̱ Israer shuar untsumainiakui Yúsnan pujurin kachun umpuararmiayi. Tura umpuiniamun antukar nuna naṉkaamas ti kakaram untsumainiakui pepru wenuke̱sha yumpuntramiayi. Túrunamtai péprunka utsantuawar nérentin ajasármiayi.