Sup. 1:13 - Yus Papí: Shuarja̱i̱ Yus Yamaram Chicham Najanamu

¹³ Tu enentáimin ásar wariṉkish takurmakmari̱sha jurunkíttiawai tura je̱e̱sha emestukma ártatui. Je̱a̱n je̱a̱mainiaksha pujuschartatui tura úwan arakmawarsha nuna yumiri̱ncha peṉké umarchartatui”.

Sup. 1:13 Iomraidhean Croise

Isa. 6:11

Nuna takui̱ wi chicharkun “Uuntá, urutáik etsertancha iniaisataj” tímiajai. Tutai chichartak “Péprusha amukar áentsri̱ncha ajasártatna tura je̱a̱sha itiarak ajasár nuṉkasha núṉkak juákartatna

Jrm. 15:13

Nuiṉkia ame tunaarumiin ame kuítrum tura ashí kuit áiniana nu émamkesar ikiusma ashí ame nuṉkemíin írunna núnaka peṉké antraṉ atantrarti tusan íktusan iniaisattajai.

Jrm. 17:3

Nainniumsha tura pakarí̱ncha ni áestutairi̱ irunainiawai. Kame átumka naint írunna nui̱ ashí atumí nuṉke̱n tikishmátin asakrumin atumí kuítri̱nkia atantramar ashí yarurkarti tusan súsartatjai.

Jrm. 4:20

Warí emeskamuitiat nuna naṉkaamas emesnaki̱ wéawai túmak nuṉkasha aya jú̱nik atsá awajnaki̱ wénawai. Aya aneachma winia pujutái̱rsha aya jú̱nik atsá ajasárai tura winia jutai̱ je̱a̱rsha núnisaraṉ túramu áiniawai.

Jrm. 4:7

Úunt ya̱wa̱ka tepetairi̱ya̱ jiinkiyi. Kame uunt nuṉka mátsatkainian emesmia nuka jiinkí̱ wéawai. Ame nuṉkemín emesak aya jú̱nik awajsartaj tusa pujutái̱ri̱ya̱ṉka jiinkiyi. Ame pépruram ainia nuka emesnak áentsri̱ncha awajnásartatui.

Jrm. 5:17

Ame arakrumniasha tura yurumkarmincha núnisaṉ uchirmíncha ántsaṉ nawantrumniasha yurutrámattarme. Áitkiasaraṉ murikrumniasha waakarmincha tura úwarmincha nuyá̱ íkiurmi̱ncha yurutrámattarme. Tura ame pépruram iwiarkar utúachmin awajsamu ásarmatai ju̱i̱ṉkia itiurtámkachartatji tu enentáimtarmena nunasha puya̱ja̱i̱ emesturmaktatrume” tawai.

Jrm. 9:11

Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Jrm. 9:19

Warí Seúnnumia̱ṉka jakamnia nekapeakur kúntuts enentáimsar ju̱sha tí urutmá emeskamuitiajⁱ. Tí urutmá natsanmai̱ awajnakajⁱ. Urukamtai nuṉkasha utsaṉka ikiukiarajⁱ. Ii je̱e̱ncha urukamtai emesturmakarajⁱ tama ántuwawai.

Ams. 5:11

Nuna arant kuítrincha ainia nuna arakri̱ya̱ akikmamtikiakrum wáitkiasrum kaya péṉker iwiarkamuja̱i̱ je̱a̱mkarume. Túrayatrumek nui̱ṉkia pujuschattarme. Tura úwa aja tí peṉker ajamkayatrumek nuna yumiri̱ umarchattarme.

Sup. 1:9

Núnisnak nu tsawantinkia wáitin chíkiarsaṉ naṉkain ainia nunasha tura anaṉmamawar kakarmaja̱i̱ ni ántar yusri̱ jé̱e̱nia̱n kasamprar irumainia nunasha asutiáwartatjai.”

Muis. 28:30

Tura nuwa̱sha anajmartatrume. Túrasha chíkich áishmaṉ atantramtiatrume. Je̱a̱sha je̱a̱miatrumek nui̱ṉkia pujuschattarme. Nútiksarmek ajasha ajamiatrumek átumka yúashtatrume.

Muis. 28:39

Tura úwasha araarum péṉker wáintiatrume. Túrayatrumek yumiri̱sha ijiurkarum umarchattarme. Warí aka amutramkurmin nere̱sha juurmakchattarme.

Muis. 28:51

Átumka kajinkia amuumam atumí waakari̱ pampaakuisha tura arakmakrum taramkakrumnisha mash yurutrámattarme. Kame atumí yurumkari̱ṉsha núnisaṉ asuitiṉsha tura umutai̱ṉsha nuyá̱ waakasha muriksha pampainiakuisha peṉké ikiurtámkishtatrume. Tura nu túram amukáttarme.