Sup. 1:10 - Yus Papí: Shuarja̱i̱ Yus Yamaram Chicham Najanamu

¹⁰ Tura Jiuwá chichaak “Nu tsawantin Namaka Wá̱i̱ti̱a̱i̱ri̱ya̱ nuní̱ wáitiakur untsumma átatui. Tura chíkich wá̱i̱ti̱a̱i̱nmaṉka yajasma najaimiak uutua núnin antuittiawai. Tura naint tépepra nui̱ṉkia ti wáitiamu átatui.

Sup. 1:10 Iomraidhean Croise

2 Sam. 5:7

Nu ai̱ṉ Tawitkia Seuna pepru wenuke̱ iwiartukar utúachmin awajsamua nuna nupetak ata̱i̱miayi. Nuka yamaikia Tawitia Pépruri̱ tutainti.

2 Sam. 5:9

Tawitkia suntara matsamtairi̱n pujusmiayi tura Tawitia Pépruri̱ tu anaikiamiayi. Miru kumpinian najana nuyá̱ juarki̱ suntara matsamtairi̱ncha wenuí mash eṉkekmiayi.

2 Akup. 22:14

Nu tutai Yúsnan pujurin Irkías tura Ajikiam, Ákpur, Sapan nuyá̱ Asayás nuwa̱ Urta Yúsnan etserin pujamunam wéarmiayi. Nú nuwa̱ka Saruma nua̱ri̱nti. Nisha núnisaṉ Tikpa uchirí̱nti tura Jarjasa tiraṉki̱nti. Jarjassha Yusa Je̱e̱n iwiarmamtai pushí ikiutai̱ wáinin apujsamuyayi. Nu nuwa̱sha Jerusaréṉnum atak tesamunam pujan jeariar áujsarmiayi.

Neem. 12:39

Tura Eprain wáiti̱ya̱ nuní̱ naṉkaamakir Yaunchu waiti nuyá̱ Namak waiti núnisaṉ Ananéran tura Jamata Kumpintri̱ ántsaṉ Murik wáiti̱ya̱ tímianai jear Jintiá Iin wáitiya nui̱ wajasármai.

Isa. 59:11

Iikia chai̱ya núnisrik ashí útainiaji tura kúntuts chicháu yámpitsa núnisrik wáitnenmai ajaji. Péṉkera nu nákaji túrasha atsawai. Núnisaṉ ii uwempratniuka nákaji túrasha iiniya̱ṉka jeachat pujurtamji.

Jrm. 39:2

Tura Setekías úunt akupin ajas aunse uwí pujái̱ tura nántuka kuatru ámanum tura nantu nuiwi tsawant ajasu ai̱ pepru tanishri̱n sá̱a̱rkiar chiṉkiawarmiayi.

Jrm. 4:31

Warí nuwa̱ iwia̱i̱ri̱n takustaj tusa jateemá najaimiak ará ará ajana núninian antukjai. Nuka Seuna nawantri̱ jakamnia nekapeak uwejé̱n takuí ‘Maj, wisha urukatjak, winia enentái̱rka maṉkartin ainia nuna wainiak jakamnia nekapeawai’ tusa túmawai” tímiayi.

Sup. 1:15

Nu tsawantka kajekma tsawantaiti. Tí waitiakur jata nekaptai̱ tsawantaiti. Charaatum ajatai̱ emesnakma tsawantaiti. Tee ajamu kirit ajamu tsawantaiti. Yuraṉkim utsanar mikintra awajsamu tsawantaiti.

Sup. 1:7

Ii Uuntri̱ Jiuwá pujamunmaṉka takamat mitia ajastarum. Warí, Jiuwá tsawantri̱nkia jeatémayi. Kame Jiuwaka maa súsatniun iwiaraiti tura ipiamuri̱ncha iwiarkaiti.