Sup. 1:1 - Yus Papí: Shuarja̱i̱ Yus Yamaram Chicham Najanamu

¹ Jutanmaya̱ úunt akupin Amuna uchirí̱ Jusías pujumia nu tsawantin Jiuwáa chichame̱n Supunías antukmiayi. Nusha Kusí uchirí̱yayi tura Jetaríasa tiraṉki̱ tura Amarías ni nuyá̱ apachrí̱sha. Nu mash Esekías wea ármiayi.

Sup. 1:1 Iomraidhean Croise

2 Akup. 21:18

Nuyá̱ Manasés ni aparí̱ ayamuwearmia nui̱ṉ nisha ayampramtai ni je̱e̱n Usa ajanam shíirmach kuku̱j arakmauya nui̱ iwiarsarmiayi. Túrunamtai ni uchirí̱ Amun úunt akupin ajasmiayi.

2 Akup. 21:26

Túrunawarmatai ikiuntsatin timianumaṉ Usa ajanam shíirmach kuku̱j arakmauya nui̱ iwiarsarmiayi. Nuyá̱ ni uchirí̱ Jusías akupin ajasmiayi.

Jrm. 1:2

Kame Amuna uchirí̱ Jusías Jutá nuṉkanam akupin ajas traise uwí pujamunam Uunt Yusa chichame̱ Jirimíasan tarimiayi.

Jrm. 22:11

Sarum Jusíasa uchirí̱ Jutá uunt akupniuri̱n Uunt Yus jú̱nis tíniuiti. Ni aparí̱ Jusías pujuya nui̱ akupin ajas pujusmai tura nu nuṉkanmaya̱ṉka jíinkimiai. Atakka ju̱i̱ṉkia peṉké waketkishtatui.

Jrm. 25:3

“Warí Jutanmaya̱ úunt akupin Amuna uchirí̱ Jusías Jutanam akupin ajas pujamunam uwikia tráisetin juárkimiutak yamaiya̱ tímiaja̱i̱sha ashikia paintitráis uwí Uunt Yusa chichamen antusan pujusjai. Wisha nú chichamnak yawe̱tsuk etserkin winiajai túrasha peṉké anturtukcharme.

Use. 1:1

Tura Jutanmaya̱ṉka Usías núnisaṉ Jutam tura Akaas nuyá̱ Esekías akupin pujuarmia nui̱ tura Israernumsha Juasa uchirí̱ Jirupuám akupin pujamunam Uunt Yus Pirí uchirí̱ Useasja̱i̱ chichasmiayi.

2 Tim. 3:16

Ashí Ní Papiri̱n Yus mayatmaiti. Shuar ni chichame̱n nekaawar péṉkeran turujamai ajas ashí péṉkera nuna túrawarat tusa áarmauyayi. Tuma asa Yus Papikia shuartin unuikiartak tunáa túrajnia nu Yus Papiji̱a̱i̱ nekamatniuitji. Tura awajiakrincha esetra wekasatniun Yus Papí núnaka paant jintíak imiá péṉkeraiti.

2 Pit. 1:19

Tura núna naṉkaamas ti nekasa nu, Yúsnan etserin yaunchu etserkarmia nusha nékaji. Ju̱ étserma ju̱sha tsawant tsawa̱tsa̱i̱ṉ kiritniunam ji keak tsáapin awajeana áintsaṉ asamtai péṉker enentáimta asarum péṉker túrarme. Tura Kristu taa Yáṉkuam etsantea núnisaṉ atumí enentái̱n ashí paant awajsattawai. Tura nu tsawant jeatsa̱i̱ṉ nu étserma tuke péṉker enentáimtustarum.