Suma. 9:7 - Yus Papí: Shuarja̱i̱ Yus Yamaram Chicham Najanamu

^7-21 Tura Jutamka chíkich tsawant Jeresém nainnium waka Awimirík tura ashí aents nui̱ matsamármia nu antukarat tusa jú̱nis tímiayi. “Numi akupniúri̱n anaikiattsa pujuarmai. Émkaka uriwiu numin nuya̱ṉka ikiu numin tura amúamunmaṉka jaṉkin chicharainiak ii akupniúri̱ atá tiarmai. Túrasha chíkich numi arma nuka nakitrarmatai antsu jaṉki wi akupniúka atajai” timiai. Nuna ti Jutamka chichaak “Nú jaṉkikia Awimiríkiaiti. Tura anintruiniak atumsha Awimirík úunt akupin ánaiyakrum péṉker enentái̱ji̱a̱i̱ tura nekasa nuja̱i̱ tímiatrusrumkek anaikiaitrun. Warí Jirupáarka Matian aentsnumia̱ atumín uwemtikrattsa mantamnamnia ajachmaka tura atumsha Jirupáarsha núnisrumek ni shuari̱sha tímiatrusrumkek túraitrum” tímiayi.

Suma. 9:7 Iomraidhean Croise

Naṉ. 37:6

Kame nincha Jusé chicharainiak

Neka. 21:13

Shuar kuítrincha “yaintkiai” támaitiat anturchaka nisha ukunam “yaintkiai” tusa seameakui peṉké umirnakchattawai.

Neka. 28:9

Aents Yus akupeamun umiktinian nakitiayat seá núnaka Yuska peṉké mui̱jmiai̱ iyaawai.

Isa. 1:15

Tuma asan maṉkartuamu uwej númpak ajasu takuirum winia seatu asakrumin íischattajrume. Núnisnak tí seatkurmi̱ncha peṉké anturkashtatjarme.

Juaṉ 4:20

Kame ii úuntri̱ṉkia jú̱ nainnium Yusan tuke tikishmátrarmiayi. Túrasha átumka aya Jerusaréṉnum Yus tikishmátratniuiti tárume” tímiayi.

Muis. 11:29

Uunt Yus nuṉkan amasuítrumna nui̱ waya̱wakrumin péṉkernum yumiṉkramprartiṉkia Jeresém nainnium pujusártatui. Tura yajauchiniam yumiṉkramprartiṉkia Epar nainnium pujusártatui. Nuka Kanaan aents Arapánam pujuinia nuna nuṉke̱n Jurtan entsa amaini̱ Jirkarnum íṉkiuasmak ensena numi Murainium wajana nuí̱yaiti.

Muis. 27:12

“Jurtan entsa katitkittiarmena nui̱ Jeresém nainnium Israer shuartirmin péṉkerja̱i̱ yumiṉkramprattarmena nuka Semiun, Riwí, Jutá, tura Isakár, Jusé nuyá̱ Piṉjiamín pujuartatui.

San. 2:13

Chikichan waitnentachkuṉka waitnennatsuk asutniáttawai. Tura waitneṉkratniuitkiurni̱ṉkia tsawant jeamtai Yus iin waitnentramprattaji.