Suma. 8:4 - Yus Papí: Shuarja̱i̱ Yus Yamaram Chicham Najanamu

^4-9 Jeteunka traisiantu áishmaṉ niji̱a̱i̱ wekarmia nuja̱i̱ Jurtanan katitiar Sukut peprunam jeawarmiayi. Túrasha pimpikiaru asar tsukamainiak nuyá̱ shuaran yurumkan seawarmiayi. Túmaitiat Sukutnumia̱ aentska Matiannumia̱ úunt akupin jímiar juákarua nuna Sepaja̱i̱ Sarmunan Jeteun nupetkachai tu enentáimsar sapijmianiak Jeteunan yáiṉtinian nakitrarmiayi. Núnisaṉ Piniuirnumia̱ aentssha nútiksaṉ Jeteun yáiṉtinniaka nakitrarmiayi. Kame Jeteuna Sukutnumia̱ tura Piniuirnumia̱ aentsnaka chicharainiak “Nupetmakan tana atumniasha nútiksanak yapajkiattajrume” tiármiayi.

Suma. 8:4 Iomraidhean Croise

2 Kur. 4:16

Tura yawe̱atsji. Ii aya̱shi̱ amuiki̱ wéakuisha ii enentái̱ṉkia yamaram ajakí̱ wéawai.

Kar. 6:9

Nu asamtai péṉker túratin yawe̱tkishtiniaiti. Tura pimpitsuk takasar júuktin tsawant jeamtai páchitsuk júuktatji.

Suma. 7:25

Nui̱ Matian aentsu úuntri̱n Urepan Seepja̱i̱ achikiármiayi. Tura Urepnaka Urep nainnium máwarmiayi. Nuyá̱ Seepnaka Seepa uwa yumiri̱ jutai̱niam máwarmiayi. Túrawar Matian aentsnaka apapékiar Jeteunan Jurtan entsa amaini̱ pujan Urepa muuke̱n tura Seepa muuke̱ncha tsupikman itiariármiayi.