Suma. 8:23 - Yus Papí: Shuarja̱i̱ Yus Yamaram Chicham Najanamu

²³ Tutai Jeteun aya̱k “Wisha tura winia uchirsha atumí úuntri̱ṉkia áchattaji antsu atumí úuntri̱ṉkia Uunt Yusak átatui.”

Suma. 8:23 Iomraidhean Croise

YKan. 10:16

Uunt Yuska tuke akupniuiti. Tuma asa ni nuṉke̱ya̱ṉka ashí najankamu yusa umirin shuarnaka jí̱i̱kiar akupkartatui.

YKan. 149:2

Israerá ámin Najatmana nu wararsatarum, Seuna uchiri̱yá ame Úunt Akupniurmin shiir enentáimkiuram warastarum.

2 Kur. 1:24

“Aya wi tájana nútiksarmek Yus enentáimtustarum” waantu enentáimtumasar nu títin nakitiaji. Yus nekas enentáimtusmaja̱i̱ kaka̱a̱rme. Antsu nekas warastarum tusar wakeraji.

1 Pit. 5:3

Túrasha “Yus shuara uuntri̱ ajasan Yus shuaran akuptiaj” tu enentáimsaip. Antsu shiir túramurmiji̱a̱i̱ Yusa murikrí̱ jintintiata.

Suma. 10:18

Kame Karaat nuṉka uuntri̱ armia nu iruntrar nuamtak chichainiak “¿Ya mesetan Amun aentsja̱i̱ naṉkamatta? nuka Karaat shuara uuntri̱ ajasti” tunaiyarmiayi.

Suma. 2:18

Kame Uunt Yuska sumamtikniun anaitiarmia núnaka Uunt Yus yáimiayi. Tuma asa urutmá tsawanta sumamtikin ajas pujuarmia nuja̱i̱ métek ni nemasri̱ya̱n aṉkant pujuarmiayi. Túrasha tí waitkiainiam útainiakuinkia Uunt Yuska waitnentiarmiayi.

Suma. 8:22

Tura Israer shuar Jeteunan chicharainiak “Matian aents nupetkamu matsatrin ayamkartuku asam ame tura uchirmesha nuyá̱ tiraṉmisha iin sumamtikin aku tusar wakeraji” tiármiayi.

1 Sam. 10:19

Tura átumka túramaitiatrum atumí Uunt Yusri̱ ashí itiurchatnumia̱ tura wáitiamunmaya̱ aṉkant awajtámsa nu nakitrarume. Túrarum chichakrum ‘¡Atsá! Antsu úunt akupin iin akuptámkatin amasta’ tákurmeka wats yamaikia Uunt Yus íimmianum atumí we̱a̱k tura atumí shuari̱ji̱a̱i̱ṉ iruntratarum” tiármiayi.

1 Sam. 12:12

Tura atumíṉkia Uunt Yus atumí akupniúri̱ wáiniatrum Amuna úunt akupniuri̱ Najas atumí winitramu wainkiarum chichartakrum ‘Atsá nekaska iini̱sha úunt akupin atí iin akuptámkatin’ tímiarme.