Suma. 7:2 - Yus Papí: Shuarja̱i̱ Yus Yamaram Chicham Najanamu

² Nuyá̱ Uunt Yus Jeteunan chicharuk “Ámiji̱a̱i̱ pujuinia nuka ti untsurí asamtai Matian aentsnaka mániar nupetkatniun tsaṉkatkachminiaitjiame. Nuna túramtaikia Israer shuar chichainiak ‘Ii kakarmari̱ji̱a̱i̱ṉ nupetmakji’ tusar naṉkamantu enentáimtumararchattuak.

Suma. 7:2 Iomraidhean Croise

Naṉ. 46:2

Tura kashi mesekranam Israeran Yus chicharuk “Jakupá, Jakupá” tutai “Ju̱i̱ pujajai” tímiayi.

Isa. 2:11

Aents waantu enentáimtuma ainia nusha natsanmai̱ ajakártatui tura kajen ainia nusha péejchach ajasártatui. Túrunawarmatai nu tsawantinkia aya Uunt Yusak naṉkamantu awajnástatui.

Isa. 2:17

aentsu páantniuri̱ áiniayat ashí natsanmai̱ awajnákartatui. Tura aentsu naṉkamantu enentáimtairi̱sha péejchach awajnásartatui. Antsu aya Uunt Yusak naṉkamantu awajsamu átatui.

Jrm. 9:23

Uunt Yus chichaak “Ti neka nusha ní nekatairi̱ji̱a̱i̱ṉ niṉki naṉkamaku enentáimtumaschati. Núnisaṉ kakarma nusha ní kakarmari̱ji̱a̱i̱ṉ kakarmaitjiai tu enentáimtumaschati. Tura kuítrinniusha kuítri̱ji̱a̱i̱ niṉki shiir awajmámsashti.

Isk. 28:17

Ame shíirmarmek naṉkamantu enentáimtikrampramai tura ame wincharmek nekaatairmincha ikiajtiúrmakmai. Tuma asakmin akupin íirmasar enentáimprarti tusan nuṉká aju̱a̱mjame.

Isk. 28:2

“Maa aentsu uchiri̱yá, Tírunmaya̱ akupin chicharkum Uunt Yus Ashí Aentsu Uuntri̱ chichartamuk aentsuitiatam naṉkamantu enentáimtumaram Yusa núnisam wikia yúsaitjiai tusam yusa pujutái̱ri̱n nayants ajapén pujajai tákum Yusa enentáimtairi̱ji̱a̱i̱ métek enentáimpra asam,

Tan. 4:30

chichaak “Ju̱ka wi naṉkamantu enentáimtair páantin atí tusan winia kakarmarja̱i̱ṉ uunt Papirúnian akupin pujustinian je̱a̱mkamiaj ¿núchakait?” tímiayi.

Awa. 1:16

Warí nekarí̱ji̱a̱i̱ ni warirí̱ncha tura yurumkancha tí nukap ikiauntumainia ásar nekaanka tikishmátainiak kuṉkuinian áestuiniawai. Núnaka wararainiak ti shiir enentáimtusar túruiniawai.

Sak. 12:7

Tura Uunt Yus Jutá shuara pujutái̱ri̱n emka aṉkant awajsattawai. Tura Tawitia shuari̱ páantniuri̱ nuyá̱ Jerusaréṉnum pujuinia nu Jutá nuṉkanmaya̱ naṉkamantuja̱i̱ naṉkaamas ajaschartatui.

Sak. 4:6

Nuya̱ṉka jintintrak chichartak “Ju̱ka Uunt Yus Surupapíran chichaman akuptana nuiti. ‘Suntarja̱i̱nchu núnisaṉ kakarmaja̱i̱nchusha antsu Winia Wakantruja̱i̱ tawai Ashí Akupin Uunt Yus.

Wek. 31:4

Tura mesetnum akupeakrum chikichik weanmaya̱ṉ mir akupeakrum ashí tuse weanmaya̱ akupkatarum” tímiayi.

Rum. 11:18

Tura kanawe̱ tsupikmaja̱i̱ naṉkamantu enentáimtumasaip. Warí, ame kakarmarmiji̱a̱i̱ numi wajatsui antsu ni kakarmari̱ji̱a̱i̱ iwiaakme.

Rum. 3:27

Núja̱i̱ṉkia ii péṉker ajasjinia nu “winia kakarmarja̱i̱ túrunajai” tíchamnia asar ¿naṉkamantu enentáimtumarminkiaitiajⁱ? Peṉkesha. Warí, akupkámu umitsuk aya Kristu nekas enentáimtakrin Yus “péṉkeraitme” túramji.

2 Kur. 4:7

Nu tsáapin imiá péṉker ana nuna ii aya̱shi̱i̱n Yus ikiusuiti. Tura ii aya̱shi̱ kakarmachu, nuwe najanamua ánin asamtai, warí, kakaram ájinia nu Yusai̱ya̱nchukait. Ii ai̱ nuna nekaawarat tusa Yuska ni tsáapnintri̱n ii aya̱shi̱i̱n ikiusuiti.

Ipi. 2:9

Shuar ni takatrí̱ji̱a̱i̱ uwempratniuitkiuṉka naṉkamantu enentáimsainti winia kakarmarja̱i̱ uwemprajai tusa. Nu enentáimsatniuka atsutí tusa Yuska átumka takaatsrumni̱ṉ uwempratniun suramsamiarme.

Muis. 32:27

Túrasha atumí nemasri̱ naṉkamantu enentáimtumasar “Uunt Yuska áitkiachai antsu iik áitkiaji” tu enentáimtumasara̱i̱ṉ tusan túrachuitjiai.’

San. 4:6

Tura anenma asa ti yáintmaji. Tuma asamtai Yus Chicham tawai “Kajemtinian Yus íistatui tura péejchachin Yus nin aneak ti shiir yáiṉtatui” tawai.Neka. 3:34