Suma. 7:19 - Yus Papí: Shuarja̱i̱ Yus Yamaram Chicham Najanamu

¹⁹ Kame Jeteun sian akanar yaruakmia nuja̱i̱ némas winiá wáinkiatin awajtúsma yapají̱tiai jeamunam kashi ajapéṉ jeariármiayi. Túrawar kachun umpuiniak ichiṉna takaru armia nuna intiakrarmiayi.

Suma. 7:19 Iomraidhean Croise

YKan. 2:9

Tura ashí nuṉkanam ame akupeamurmesha jiruja̱i̱ métek ti kakaram nupetkachmin átatui. Nu asamtai ichiṉkian ijiakratniua nútikiam tsai̱ tsai̱ awajsattame” túrutui.

YKan. 90:4

Kame mir uwikia Ámiji̱a̱i̱ṉkia tsawant yau naṉkaamasma núnisaiti. Tura nuna arant kashi ishichik ura iistá tusar apujsamu tsawantri̱ wárik naṉkaama núniniaiti. 2 Pit. 3:8

Jiin. 14:24

Tura tsawa̱a̱na nui̱ yuramkim wea keek tsáapnin ajas amia tímianaiya̱ Uunt Yus Parauṉka suntari̱ urukainiawak tusa íismiayi. Tura Ejiptunmaya̱ suntaran imiamtikrarmiayi.

Mat. 25:6

Nuyá̱ kashi ajapéṉ shuar untsumuk ‘Pai nuatkatin winiawai. Werirum iṉkiuṉtarum’ timiai.

1 Tis. 5:2

Ni tátintri̱ jú̱nis átin nékarme. Kiritniunam kasá shuar kasamkataj tusa tátatna nu nekaachminiaiti. Núnisaṉ nákatsuk pujuiniai̱ Uunt Kristu tsawantri̱ jeattawai.

Apu. 16:15

(Yamái Kristu “Aneara pujustarum, tawai. Nékachmanum kasa núnisnak jeattajai. Kánutsuk tuke iwiarnar pujak ni entsatái̱ri̱n péṉker wainia nú shuar ti shiir átatui. Misuchu asa natsa̱a̱rchattawai” tawai.)

Suma. 7:16

Tura Jeteun traisiantu áishmaṉ armia nuna menaintiú akantrámu awajsámiayi. Tura kachun núnisaṉ ichiṉnanam shirikip ekemákar eṉkeamun aṉkant aṉkant ashí atakramiayi.

Suma. 7:18

Tura wi kachun umpuakui wiji̱a̱i̱ pujuinia nusha umpuarartatui. Túruiniakui atumsha matsamkamu téntakrum pujurumna nútirmesha kachu umpuakrum ‘Uunt Yusa náari̱ji̱a̱i̱ Jeteun mesetan juarui’ tákuram charaatum ajatarum” tímiayi.

Suma. 7:20

Núnisaṉ menaint akantrámu armia nusha kachun umpuiniak ichiṉnan intiakkar menaari̱ji̱a̱i̱ṉkia shirikip kean takusar untsuuri̱ji̱a̱i̱ṉkia kachun umpuiniak “Ju̱ mesetka Uunt Yusna tura Jeteunnaiti” tuíniak charaatum ajarmiayi.